ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑕᒫᓂᖅᑭᕙᑦᑐᑦ ᕿᒻᒦᑦ ᐊᒻᒪ ᑭᒃᑯᑐᐃᓐᓇᐃᑦ ᐃᓗᓯᖏᓐᓄᑦ ᐅᓗᕆᐊᓇᖅᑐᑦ
ᒪᐃ 27, 2025 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᑕᒫᓂᖅᑭᕙᑦᑐᑦ ᕿᒻᒦᑦ ᓱᓕ ᐃᓱᒫᓗᓇᖅᐸᒻᒪᑕ ᓄᓇᓕᑦᑕ ᐃᓗᐊᓂ, ᓴᖅᑮᔾᔪᑎᐅᓯᒪᓕᖅᑐᑎᒃ ᐊᑦᑕᓇᖅᑐᓂᒃ ᐊᒻᒪ ᑭᒃᑯᑐᐃᓐᓇᐃᑦ ᐃᓗᓯᖏᓐᓄᑦ ᐅᓗᕆᐊᓇᖅᑐᓂᒃ.
ᐃᑉᐱᒋᔭᐅᖏᑦᑐᑦ ᕿᒻᒦᑦ ᓴᖅᑮᕙᒻᒪᑕ ᐊᑐᕆᐊᒃᑯᑦ ᐃᖏᕐᕋᔪᓄᑦ ᐊᑦᑕᓇᖅᑐᓂᒃ, ᐱᖁᑎᓂᒃ ᓱᕋᐃᔭᐃᕙᑦᑐᑎᒃ, ᐱᓱᑦᑐᓄᑦ ᐃᕐᓯᒋᔭᐅᓕᖅᐸᑦᑐᑎᒃ, ᐊᒻᒪ ᐃᓚᒋᐊᕈᑎᐅᔪᓐᓇᖅᑐᑎᒃ ᐋᓐᓂᐸᑦᑐᓄᑦ. ᐊᓯᖏᓐᓂᒃ ᐆᒪᔪᓂᒃ ᐱᖃᑎᖃᓕᖅᐸᑦᑐᑎᒃ - ᐱᖃᓯᐅᑎᓪᓗᒋᑦ ᐆᒪᔪᐃᑦ ᓂᕐᔪᑏᑦ. ᐅᑭᐅᖅᑕᖅᑐᒥ, ᑎᕆᒐᓐᓂᐊᖑᔪᑦ ᖃᐅᔨᒪᔭᐅᕙᒻᒪᑕ ᓯᖏᕐᓯᓲᖑᓂᖏᑦ, ᑕᒪᒃᑯᓂᖓ ᑲᑎᓯᓐᓂᕈᑎᒃ ᓴᖅᑮᔪᓐᓇᖅᑐᑦ ᐊᑦᓱᑲᓪᓚᐅᔪᖅ ᐋᓐᓂᐊᓇᖅᑐᓂᒃ ᓯᐊᒻᒪᐃᒍᓐᓇᕐᒪᑕ ᐊᓂᕐᕋᓂ ᐆᒪᔪᖁᑎᓄᑦ ᐊᒻᒪ ᑭᒃᑯᑐᐃᓐᓇᕐᓄᑦ.
ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᓱᓕ ᖃᐅᔨᓴᐃᓐᓇᖅᑑᒐᓗᐊᑦ ᐊᒻᒪ ᐱᓕᕆᐊᖃᖅᐸᑦᑐᑎᒃ ᐃᓚᒋᔭᐅᔪᓂᒃ ᓄᓇᓕᐸᐅᔭᒃᑯᑦ ᐱᓕᕆᐊᕆᕙᑦᑕᖏᓐᓄᑦ ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᖁᓇᒋᑦ ᓇᐅᒃᑯᑐᐃᓐᓇᖅ ᐊᒻᒪ ᐃᑉᐱᒍᓱᑦᓯᐊᓂᒃᑯᑦ ᐊᖏᕐᕋᓂ ᐆᒪᔪᖁᑎᖃᕐᓂᕐᒥᒃ. ᓄᓇᓕᕐᒥᐅᑕᐃᑦ ᓇᓗᓇᐃᕐᓯᒪᒍᓐᓇᕐᒥᔪᑦ ᐃᑲᔪᕐᓂᖏᓐᓂᒃ ᐊᖏᕐᕋᒥ ᐆᒪᔪᖁᑎᒥᓂᒃ ᐊᓂᑎᑦᓯᑦᑕᐃᓕᒪᕙᓪᓗᑎᒃ ᑕᒫᓂᖅᑭᓂᐊᖅᑐᓂᒃ ᐊᒻᒪ ᐱᑐᑦᑕᐅᓯᒪᕙᓪᓗᑎᒃ ᓄᓇᓕᐅᑉ ᐃᓗᐊᓂ ᓇᓕᐊᓐᓄᕋᖃᑕᐅᑎᓪᓗᒋᑦ ᐱᓱᑦᑐᓄᑦ.
ᐊᑭᖃᖏᑦᑐᓂᒃ ᐆᒪᔪᖁᑎᓄᑦ ᓚᐃᓴᑖᕐᕕᑦᓴᐅᕙᑦᑐᖅ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᐱᓕᕆᕝᕕᖓᓐᓂᒃ (ᐃᓪᓗ 1549) ᐅᕝᕙᓘᓐᓃᑦ ᓄᓇᓕᐸᐅᔭᒃᑯᑦ ᐊᓪᓚᕝᕕᖕᒐᓄᑦ (ᐃᒡᓗᕐᔪᐊᖅ 1085) ᐊᒻᒪ ᐃᑲᔪᕈᓐᓇᖅᑐᑎᒃ ᑲᒪᔨᐅᔪᓂᒃ ᐅᑎᖅᑎᑦᓯᓇᓱᐊᖅᑎᓪᓗᒋᑦ ᑎᒍᓯᒪᔭᕐᒥᓂᒃ ᐆᒪᔪᖁᑎᓂᒃ ᐊᖏᕐᕋᓂ ᕿᓚᒥᐅᓂᕐᓴᒃᑯᑦ. ᐋᓐᓂᐊᓇᖕᖏᑦᑐᓄᑦ ᑲᐱᔭᐅᕙᒃᑯᑎᓪᓗ ᐱᒻᒪᕆᐅᒻᒥᔪᖅ ᓯᐊᒻᒪᐃᑦᑕᐃᓕᒪᓂᒃᑯᑦ ᐋᓐᓂᐊᖑᔪᓐᓇᖅᑐᓂᒃ.
ᐅᖃᐅᓯᖃᕈᒪᓂᐊᕈᕕᑦ ᑕᒫᓂᖅᑭᔪᒥᒃ ᕿᒻᒥᒥᒃ, ᖃᐅᔨᒃᑲᖅᑕᐅᔪᓐᓇᖅᑐᑦ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᐅᖄᓚᐅᑎᒃᑯᑦ ᐅᕗᖓ 867-979-5650 ᐃᑲᕐᕋᓂ ᐱᓕᕆᓐᓇᐅᓂᖓᓂ. ᐊᔪᕐᓇᖏᑉᐸᑦ, ᕿᒻᒥᖅ ᓇᓗᓇᐃᑦᓯᐊᕐᓗᒍ ᖃᓄᐃᑦᑑᓂᖓᓄᑦ, ᓇᒦᓐᓂᖓᓄᑦ ᐊᒻᒪ ᓇᒧᖕᖓᖅᑑᔮᖅᑲᐅᓂᖓᓄᑦ.
ᖁᔭᒋᕙᑦᑕᕗᑦ ᐃᑲᔪᕐᓱᐃᔾᔪᑎᒋᕙᑦᑕᓯ ᓇᔪᒐᐃᑦ ᐊᑯᓐᓂᖏᓐᓂ ᐊᑦᑕᓇᔾᔭᐃᕐᓯᒪᖁᓪᓗᒋᑦ ᐊᒻᒪ ᖃᓄᐃᖁᓇᒋᑦ ᑭᒃᑯᑐᐃᓐᓇᑦᓯᐊᓄᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
