ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓱᓕᓐᓂᖓ ᐃᓄᐃᑦ ᒪᒃᑯᑦᑐᑦ ᐳᐃᔾᔪᕋᕐᕕᒻᒧᑦ ᐃᓯᕈᑎᓄᑦ ᐱᓕᕆᐊᑦᓴᐅᑉ
ᒪᐃ 26, 2025 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᔭᓐᓇᒦᕈᒪᓪᓚᕆᑦᑐᑦ ᐅᑯᓂᖓ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ (QIA) ᑲᑐᔾᔨᖃᑎᒌᓐᓂᒃᑯᑦ ᐊᑐᐃᓐᓇᐅᑎᑦᓯᒍᓐᓇᓚᐅᕐᓂᖏᓐᓄᑦ ᐊᑭᖃᖏᑦᑐᓂᒃ ᐳᐃᔾᔪᕋᕐᕕᒻᒧᑦ ᐃᓯᕈᑎᑦᓴᓂᒃ ᐃᓄᐃᑦ ᓱᕈᓯᖁᑎᖏᓐᓂᒃ ᐊᒻᒪ ᒪᒃᑯᑦᑐᓂᒃ ᐳᐃᔾᔪᕋᕐᕕᖃᕐᕕᒻᒦᑦᑐᒧᑦ ᐊᖅᑯᑎᖃᖅᑐᑎᒃ ᐃᓄᐃᑦ ᒪᒃᑯᑦᑐᐃᑦ ᐊᑐᕈᒪᓂᕐᒥᒃ ᑮᓇᐅᔭᖁᑎᐅᔪᓂᒃ.
ᓴᖅᑭᑕᐅᓚᐅᖅᑐᖅ ᒫᕐᓯ 17, 2025, ᐅᓇ ᐱᒋᐊᖅᑎᑕᐅᓚᐅᖅᑐᖅ ᐊᑐᐃᓐᓇᕈᐃᓯᒪᓚᐅᖅᑐᖅ 3,125-ᓂᒃ ᐊᑭᖃᖏᑦᑐᓂᒃ ᐳᐃᔾᔪᕋᕐᕕᒻᒧᑦ ᐃᓯᕈᑎᑦᓴᖏᓐᓂᒃ ᐃᓄᐃᑦ ᓱᕈᓯᖁᑎᖏᓐᓄᑦ ᐊᒻᒪ ᒪᒃᑯᑦᑐᖁᑎᖏᓐᓄᑦ ᐊᕐᕌᒍᓕᓐᓂᒃ 0-ᓂᒃ 30-ᓄᑦ. ᐅᓪᓗᒥᒧᑦ, ᐃᓘᓐᓇᑦᓯᐊᑎᒃ ᐳᐃᔾᔪᕋᕐᕕᒻᒧᑦ ᐃᓯᕈᑎᑦᓴᐃᑦ ᐊᑭᖃᖏᑦᑐᑦ ᐱᔭᐅᓯᒪᓕᖅᑐᑦ, ᐊᒻᒪ ᐱᓕᕆᐊᑦᓴᖅ ᐃᓱᓕᓯᒪᓕᖅᑐᖅ.
ᓄᓇᓕᐸᐅᔭᒃᑯᑦ ᖁᔭᓕᓯᒪᔪᒻᒪᕆᐅᔪᑦ ᑲᒪᓇᒻᒪᕆᓚᐅᖅᑐᓂᒃ ᐊᑐᖅᐸᓚᐅᖅᑐᓂᒃ ᐊᒻᒪ ᐊᑐᕈᒪᕙᓚᐅᕐᓂᖏᓐᓄᑦ ᑕᑯᑦᓴᐅᑎᑦᓯᕙᑦᑐᑎᒃ ᓄᓇᓕᕐᒥᐅᑕᐃᑦ. ᐊᒥᓱᐊᓘᓚᐅᖅᑐᑦ ᐱᑎᑕᐅᕙᓚᐅᖅᑐᑦ ᑕᑯᑦᓴᐅᑎᑦᓯᔾᔪᑎᐅᕗᑦ ᓄᓇᓕᑦᑕ ᐃᑲᔪᕐᓱᐃᔾᔪᑎᖃᕈᒪᕙᓐᓂᖏᓐᓄᑦ ᒪᒃᑯᑦᑐᐃᑦ ᖃᓄᐃᖏᑦᓯᐊᖁᓪᓗᒋᑦ, ᕿᑲᑐᐃᓐᓇᖁᓇᒋᑦ ᖃᓄᐃᓕᐅᕈᑎᑦᓴᖃᖅᑎᑕᐅᕙᑦᑐᑎᒃ, ᐊᒻᒪ ᐃᓕᖅᑯᓯᓕᕆᔾᔪᑎᓂᒃ ᐱᖃᓯᐅᔾᔨᓯᒪᓚᐅᕐᓂᖏᓐᓄᑦ. ᖁᕕᐊᓇᓪᓚᕆᓚᐅᖅᑐᖅ ᑲᔪᖏᕐᓴᐃᑎᑦᓯᐊᕙᐅᓗᑎᒃ ᐊᒥᓱᐊᐱᐅᓚᐅᕐᓂᖏᓐᓄᑦ ᐃᓚᒌᖑᔪᑦ ᐱᖃᑕᐅᑎᓪᓗᒋᑦ ᐊᒻᒪ ᐊᑐᕈᒪᑦᓯᐊᓚᐅᕐᓂᖏᓐᓄᑦ ᑕᒪᑦᓱᒥᖓ ᐊᑐᖅᑕᐅᔪᓐᓇᓚᐅᖅᑐᒥᒃ.
ᓂᕆᐅᑦᓯᐊᕐᓂᐊᖅᑐᒍᑦ ᑲᔪᓯᑦᓯᐊᕐᓂᐊᕐᓂᖓᓄᑦ ᑕᒪᑦᓱᒪ ᑲᑐᔾᔨᖃᑎᒌᓐᓂᐅᓚᐅᖅᑐᒥᒃ ᐃᓚᒋᓪᓗᒋᑦ ᐅᑯᐊ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ (QIA) ᐊᒻᒪ ᖃᐅᔨᓴᖃᑎᒋᓪᓗᒋᑦ ᓯᕗᓂᑦᑎᓐᓂ ᐱᒋᐊᖅᑎᑕᐅᔪᓐᓇᖅᑐᓂᒃ ᑲᔪᓯᑦᓯᐊᕈᑎᐅᓚᐅᖅᑐᓂᒃ ᐱᓕᕆᐊᑦᓴᐅᓚᐅᖅᑑᑉ ᐊᒻᒪ ᐃᓘᓐᓇᑎᓐᓄᑦ ᑐᖕᖓᓱᑦᑎᑦᓯᔾᔪᑎᐅᓚᐅᖅᑐᓂᒃ, ᕿᑲᑐᐃᓐᓇᕐᓇᖏᑦᑐᒥᒃ ᐊᕙᑎᓕᐅᖅᐸᓚᐅᕐᓂᖏᓐᓂᒃ.
##
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᔩᐅᑉ ᕙᕐᓂ
ᑐᓴᐅᒪᖃᑎᒋᓐᓂᕐᒧᑦ ᐊᒻᒪᓗ ᐱᔨᔅᓯᖅᑕᐅᕙᒃᑐᓄᑦ ᐱᔨᔅᓯᕈᑎᒥ ᐊᐅᓚᑦᑎᔨ
ᐅᖄᓚᐅᑎᖓ; 867-979-5619 | G.Byrne@iqaluit.ca
ᑭᐊᕋᓐ ᕙᓚᕋᑎ
ᑐᑭᒧᐊᒍᑎᒃᓴᓄᑦ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᑐᑭᒧᐊᕐᒃᑎᑦᑎᔨ
ᐅᖄᓚᐅᑎᖓ: 867-975-8398 | kflaherty@qia.ca
