ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᓄᓇᓕᐸᐅᔭᖓᑕ ᐃᖃᓗᐃᑦ ᐸᕐᓇᐅᑎᓕᕆᓂᖅ ᐊᒻᒪᓗ ᓄᓇᓕᕆᓂᖅ
ᑲᓲᒪᕝᕖᑦ ᐅᐸᔅᓴᕋᐃᓐᓇᖅᑐᑦ
- ᑐᔅᓯᕋᕆᑦ ᐱᕙᓪᓕᐊᑎᑦᑎᓂᕐᒧᑦ ᐱᔪᓐᓇᐅᑎᒥᑦ: ca.cloudpermit.com
- ᐸᕐᓇᐅᑎᓪᓗᐊᑕᐃᑦ, ᑭᓪᓕᖃᖅᑎᑦᑎᓂᕐᒧᑦ ᒪᓕᒐᕋᓛᑦ ᐊᓯᖏᓪᓗ ᐃᑲᔫᑎᔅᓴᐃᑦ: plan.iqaluit.ca/resources
- ᖃᕋᓴᐅᔭᒃᑯᑦ ᓄᓇᙳᐊᓕᐊᖑᓯᒪᔪᖅ: plan.iqaluit.ca/map
- ᐆᑦᑐᖃᑕᐅᓗᑎ ᐃᒡᓗᕋᓛᓄᑦ ᐱᔪᓐᓇᐅᑎᓄᑦ: plan.iqaluit.ca/cabins
- ᐸᕐᓇᐃᓂᕐᒧᑦ ᐱᕙᓪᓕᐊᔪᑦ ᐊᒻᒪᓗ ᐊᑭᔫᑏᑦ ᐱᓕᕆᐊᔅᓴᐃᑦ: plan.iqaluit.ca
ᓄᓇ
ᐸᕐᓇᐅᑎᓕᕆᓂᖅ ᐊᒻᒪᓗ ᓄᓇᓕᕆᓂᖅ ᐱᓕᕆᕝᕕᖓ ᐊᐅᓚᑦᑎᓲᑦ ᑭᓱᓕᒫᓂᑦ ᓄᓇᓕᐸᐅᔭᕐᒥᑦ ᓄᓇᓂᒃ ᐊᐅᓚᑦᑎᓂᕐᒧᑦ ᐃᖃᓗᓐᓂ. ᐃᑲᔪᖅᑕᐅᓂᕐᒧᑦ, ᑕᑯᒋᐊᕐᓗᒍ ᓄᓇᒥ ᐊᐅᓚᑦᑎᓂᕐᒧᑦ ᒪᓕᒐᕋᓛᖅ ᐅᕝᕙᓘᓐᓃᑦ ᓄᓇᓕᕆᓂᕐᒧᑦ ᐊᓪᓚᕝᕕᕗᑦ ᖃᐅᔨᒋᐊᕐᕕᒋᓗᒋᑦ.
ᒪᑯᓂᖓ ᐃᑲᔪᓲᖑᔪᒍᑦ:
- ᐊᑐᖅᑐᐊᕈᑏᑦ ᓄᑖᙳᖅᑎᑕᐅᓂᖏᑦ ᐊᒻᒪᓗ ᐅᖓᕝᕙᕆᐊᖅᑕᐅᓂᖏᑦ: ᐅᖓᕝᕙᕆᐊᕐᓗᒍ ᓄᓇᒧᑦ ᐊᑐᖅᑐᐊᕈᑎᑦ ᐃᓱᓕᓚᐅᙱᑎᓪᓗᒍ (ᑎᑭᓪᓗᒍ 99ᓂᒃ ᐊᕐᕌᒍᓂᑦ ᑲᑎᓕᒫᕐᓗᒍ ᐱᕕᖃᖅᑎᑕᐅᔪᖅ).
- ᑐᓂᓯᓂᕐᒥᑦ ᐊᒻᒪᓗ ᐅᑎᖅᑏᓂᕐᒥᑦ: ᐊᓯᔾᔩᓂᕐᒥᑦ ᑎᒍᒥᐊᖅᑎᐅᔪᓂᑦ, ᐱᖁᑎᓂᑦ ᓂᐅᕕᐊᔅᓴᖃᕐᓂᕐᒥᑦ, ᐅᕝᕙᓘᓐᓃᑦ ᐅᑎᖅᑏᓂᕐᒥᑦ ᐊᑐᖅᑐᐊᖅᑕᐅᔪᓂᑦ ᓄᓇᓂ ᓄᓇᓕᐸᐅᔭᒃᑯᓐᓄᑦ.
- ᐊᖏᖅᓯᒪᓃᑦ ᐊᑐᖅᑐᐊᖅᑎᑦᑎᓂᕐᒧᑦ: ᐊᑐᐃᓐᓇᐅᔭᕆᐊᖃᖅᑐᑦ ᐊᑭᓕᖅᓱᐃᕙᓪᓕᐊᓂᕐᒧᑦ ᐊᖏᖅᑕᐅᔪᓄᑦ ᐊᒻᒪᓗ ᐊᑭᓕᖅᓱᐃᕙᓪᓕᐊᓂᕐᒧᑦ ᐋᖅᑭᒋᐊᖅᓯᓂᕐᒧᑦ ᑮᓇᐅᔭᕐᓂᒃ.
- ᓄᑖᖑᔪᖅ ᐊᑐᖅᑐᐊᖅᑕᐅᔪᑦ: ᐆᑦᑕᖃᑕᐅᓗᑎ ᐊᑐᐃᓐᓇᐅᔪᓄᑦ ᓄᓇᖁᑎᓄᑦ ᓴᖅᑭᔮᖅᑎᑕᐅᑎᓪᓗᒋᑦ ᓄᓇᓕᐸᐅᔭᒃᑯᓐᓄᑦ.
- ᓄᓇᐅᑉ ᐊᑐᖅᑕᐅᓂᖓ ᐊᒻᒪᓗ ᓴᐅᔭᐅᓯᒪᔪᑦ ᐱᔪᓐᓇᖅᑎᑕᐅᓂᖏᑦ: ᐊᑐᖅᑕᐅᑲᐃᓐᓇᕐᓂᖓ ᓄᓇᓕᐸᐅᔭᒃᑯᑦ ᓄᓇᖓᓂ ᐅᕝᕙᓘᓐᓃᑦ ᐊᖏᖅᑕᐅᓂᖓ ᐲᔭᐃᒍᓐᓇᕐᓂᕐᒥᑦ ᓄᓇᒥᙶᖅᑐᓂᒃ.
- ᐊᐅᓚᑦᑎᓂᖅ ᐊᒻᒪᓗ ᒪᓕᑦᑎᐊᕐᓂᖅ: ᖃᐅᔨᒪᒋᐊᕐᓂᕐᒥᑦ ᑕᐅᖅᓰᔾᔪᑕᐅᔪᓕᒫᑦ ᒪᓕᑦᑎᐊᖅᑐᑦ ᓄᓇᓕᐸᐅᔭᒃᑯᑦ ᒪᓕᒐᕋᓛᖏᓐᓂᒃ.
ᓇᓗᓇᐃᔭᐅᑎᓂᑦ ᐱᔪᓐᓇᖅᑎᑕᐅᓂᕐᒧᑦ, ᐱᓕᕆᔾᔪᓯᕐᓄᑦ, ᐊᒻᒪᓗ ᑎᑎᖅᑲᓂᑦ ᐱᔭᐅᒋᐊᓕᓐᓂᒃ, ᑕᑯᒋᐊᕐᓗᒍ ᐃᑲᔫᑎᔅᓴᓄᑦ ᒪᑉᐱᖅᑐᒐᖅᐳᑦ ᐅᕝᕙᓘᓐᓃᑦ ᖃᐅᔨᒋᐊᕐᕕᒋᓗᒍ:
- ᓄᓇᓕᕆᓂᕐᒧᑦ ᐊᒻᒪᓗ ᐊᑐᖅᑐᐊᖅᑐᓄᑦ ᐊᐅᓚᑦᑎᔩᑦ: lands@iqaluit.ca | (867) 979-5664
ᐸᕐᓇᓐᓂᖅ
ᐱᓕᕆᔨᑉᐳᑦ ᓯᕗᑲᑦᑕᖅᑎᑦᑎᓲᑦ ᐅᖓᓯᑦᑐᒧᑦ ᐸᕐᓇᐃᓂᕐᒥᑦ ᐋᖅᑭᔅᓱᐃᔪᒥᑦ ᐃᖃᓗᐃᑦ ᐱᕈᖅᐸᓪᓕᐊᓂᖓᓂ ᐊᒻᒪᓗ ᓄᓇᐅᑉ ᐊᑐᖅᑕᐅᓂᖓᓂ.
ᐊᑑᑎᖃᓐᓂᖅᐹᑦ ᓇᒦᓐᓂᖏᑦ:
- ᐊᑯᓂ−ᑕᐅᕗᖓᑐᖃᒃ ᐱᔭᕇᔅᓯᑦᑎᐊᕈᑎ ᐸᕐᓇᒍᑎᒥᒃ: ᐋᖅᑭᑦᑎᓂᕐᒥᑦ ᓄᓇᓕᐅᑉ ᓯᕗᓂᔅᓴᒥᑦ ᓇᒧᖓᑉᐸᓪᓕᐊᕈᒪᓂᖓᓂ ᓄᓇᒥ ᐊᑐᕐᓂᕐᒧᑦ, ᐱᕈᕐᓂᕐᒧᑦ, ᐊᒻᒪᓗ ᓄᓇᓕᐸᐅᔭᒃᑯᑦ ᑮᓇᐅᔭᐃᔭᕐᓂᖏᓐᓂᒃ. ᑖᓐᓇ ᐸᕐᓇᐅᑎᓪᓗᐊᑕᖅ ᐋᖅᑭᔅᓱᐃᕗᖅ ᑐᕌᒐᕐᓂᒃ ᐃᓪᓗᓕᕆᓂᕐᒧᑦ, ᒪᑭᒪᔾᔪᑎᔅᓴᓂᑦ, ᐊᕙᑎᒥ ᓴᐳᔾᔨᓯᒪᓂᕐᒥᑦ, ᐊᒻᒪᓗ ᑮᓇᐅᔭᓕᐅᕐᓂᒃᑯᑦ ᐱᕙᓪᓕᐊᑎᑦᑎᓂᕐᒥᑦ ᐊᕙᑎᓄᑦ ᐊᕐᕌᒍᓄᑦ.
- ᑲᑎᒪᔩᑦ ᑕᑯᓐᓇᙳᐊᖅᑕᖏᑦ: ᐊᑕᖏᖅᑐᑎᒃ ᐸᕐᓇᐃᓂᕐᒧᑦ ᐊᒻᒪᓗ ᓄᓇᓕᕆᓂᕐᒧᑦ ᐃᓱᒪᓕᐅᖅᑕᐅᔪᑦ ᑐᑭᒧᐊᕈᑎᖃᓲᑦ ᑲᑎᒪᔩᑦ ᐊᑐᓕᖅᑎᑕᖓᓂ ᑕᑯᓐᓇᙳᐊᖅᑕᖓᓂ ᐸᕐᓇᐅᑎᓪᓗᐊᑕᕐᒥᑦ, ᓄᑖᙳᖅᑎᑕᐅᒐᔪᓲᖅ ᑐᓴᖅᑎᑕᐅᓂᒃᑯᑦ ᓄᓇᖃᖅᑎᐅᔪᓄᑦ, ᑎᒍᒥᐊᖅᑎᐅᖃᑕᐅᔪᓄᑦ, ᐊᒻᒪᓗ ᒐᕙᒪᒃᑯᓐᓂ ᑲᑐᔾᔨᖃᑎᒋᔭᐅᔪᓂᑦ.
- ᐱᕈᕐᓂᕐᒥᑦ ᐊᒻᒪᓗ ᓄᑖᖑᔪᑦ ᐊᕕᑦᑐᖅᓯᒪᓂᖓ ᓄᓇ: ᖃᐅᔨᓴᕐᓂᕐᒥᑦ ᐊᒻᒪᓗ ᐊᖏᖅᑕᐅᓂᖏᑦ ᓄᑖᖑᔪᑦ ᐃᓪᓗᐃᑦ ᖃᑎᒌᖃᑎᒌᑦᑐᑦ, ᐊᕕᑦᑐᖅᓯᒪᓂᖓ ᓄᓇ, ᐊᒻᒪᓗ ᐱᕙᒌᔭᐃᓂᕐᒥᑦ ᓯᕗᓂᔅᓴᒥᑦ ᐱᕙᓪᓕᐊᑎᑦᑎᓂᕐᒧᑦ.
ᐃᓕᓐᓂᐊᒃᑲᓐᓂᕆᑦ ᑲᔪᓰᓐᓇᖅᑐᒥᑦ ᐸᕐᓇᐅᒍᑕᐅᕙᓪᓕᐊᔪᓂᑦ, ᐱᕕᔅᓴᕆᔭᐅᔪᓂᑦ ᐃᓄᓕᒫᑦ ᐅᖃᐅᓯᔅᓴᖏᓐᓄᑦ, ᐊᒻᒪᓗ ᐱᓕᕆᐊᖑᔪᓄᑦ ᑐᓴᐅᒪᔾᔪᑎᔅᓴᓂᑦ ᐅᕙᓂ plan.iqaluit.ca.
ᐱᕙᓪᓕᐊᑎᑦᑎᓂᖅ
ᐱᕙᓪᓕᐊᑎᑦᑎᓂᕐᒥᑦ ᐱᓕᕆᖃᑎᒌᑦ ᑲᒪᒋᔭᖃᓲᑦ ᐊᑕᖏᖅᑐᒋᑦ ᓇᒻᒥᓂᕆᔭᐅᔪᓄᑦ ᐊᒻᒪᓗ ᐃᓄᓕᒫᓅᖓᔪᓂᒃ ᓴᓇᓂᕐᒥᑦ, ᐊᓯᔾᔨᕐᓂᐅᔪᓂᑦ ᓄᓇᐅᑉ ᐊᑐᖅᑕᐅᓂᖓᓄᑦ, ᐊᒻᒪᓗ ᑐᕌᖓᖃᓯᐅᑎᔪᓂᑦ ᑐᔅᓯᕋᐅᑎᓂᑦ.
ᐱᔨᑦᑎᕈᑎᕗᑦ ᒪᑯᓂᖓ ᐃᓚᖃᖅᑐᑦ:
- ᐱᕙᓪᓕᐊᑎᑦᑎᓂᕐᒥᑦ ᐱᔪᓐᓇᖅᑎᑕᐅᓂᕐᒥᑦ: ᐊᑐᐃᓐᓇᐅᔭᕆᐊᖃᖅᑐᑦ ᓄᑖᓄᑦ ᓴᓇᔭᐅᕙᓪᓕᐊᔪᓄᑦ, ᐊᖏᔫᑎᓄᑦ ᐋᖅᑭᒋᐊᕈᑎᓄᑦ, ᐲᔭᐃᓂᕐᒧᑦ, ᐊᓯᔾᔩᓂᕐᒥᑦ ᓄᓇᐅᑉ ᐊᑐᖅᑕᐅᓂᖓᓄᑦ, ᐅᕝᕙᓘᓐᓃᑦ ᐊᓯᔾᔨᕐᔪᐊᖅᑐᓄᑦ ᐱᖁᑎᒋᔭᐅᔪᒥᑦ. ᐱᒋᐊᕐᓗᓂ ᔮᓐᓄᐊᕆ 1, 2025, ᑐᔅᓯᕋᐅᑎᓕᒫᑦ ᑐᓂᔭᐅᒋᐊᓖᑦ ᖃᕋᓴᐅᔭᒃᑯᑦ ᐅᕗᖓ ca.cloudpermit.com.
- ᑭᓪᓕᒋᔭᐅᔪᑦ ᐊᓯᖅᑕᐅᓂᖏᑦ ᐊᒻᒪᓗ ᐸᕐᓇᐅᑎᒧᑦ ᐋᖅᑭᒋᐊᕈᑏᑦ: ᐱᓕᕆᐊᕆᔭᐃᑦ ᒪᓕᑦᑎᐊᖏᑉᐸᑦ ᒫᓐᓇᐅᔪᖅ ᑭᓪᓕᖃᖅᑎᑕᐅᔪᓂᑦ ᐅᕝᕙᓘᓐᓃᑦ ᐸᕐᓇᐅᑎᓪᓗᐊᑕᕐᒥᐅᑉ ᐊᑐᐊᒐᖏᓐᓂᒃ, ᑭᓪᓕᓕᐅᒃᑲᓐᓂᓂᕐᒥᑦ ᐅᕝᕙᓘᓐᓃᑦ ᐸᕐᓇᐅᑎᒧᑦ ᐋᖅᑭᒋᐊᕈᑎᓂᑦ ᐱᒋᐊᖃᑐᐃᓐᓇᕆᐊᓖᑦ. ᑕᒪᒃᑯᐊ ᐃᓚᖃᖅᑐᑦ ᐱᓕᕆᔾᔪᓯᓪᓗᐊᑕᕐᒥᑦ, ᐃᓚᒋᓗᓂᒋᑦ ᓄᓇᓕᒻᒥ ᑐᓴᐅᒪᑎᑦᑎᓂᕐᒥᑦ ᐊᒻᒪᓗ ᑲᑎᒪᔨᓄᑦ ᕿᒥᕐᕈᔭᐅᓗᓂ.
- ᐱᕙᓪᓕᐊᑎᑦᑎᓂᕐᒧᑦ-ᑐᕌᖓᔪᑦ ᓄᓇᖁᑎ ᐊᕕᑦᑐᖅᓯᒪᓂᖓ ᓄᓇ ᐊᖏᖅᑕᐅᓂᖏᑦ: ᐃᑲᔪᖅᑕᐅᓂᕐᒧᑦ ᐊᒻᒪᓗ ᐊᖏᖅᑕᐅᓃᑦ ᐊᕕᑦᑐᐃᓂᕐᒧᑦ ᐅᕝᕙᓘᓐᓃᑦ ᑲᑎᖅᓱᐃᓂᕐᒥᑦ ᐱᖁᑎᒋᔭᐅᔪᓂᑦ ᐱᕙᓪᓕᐊᑎᑦᑎᓂᕐᒧᑦ ᑐᔅᓯᕋᐅᑎᒧᑦ.
ᐃᑲᔫᑎᔅᓴᓄᑦ ᐃᓕᓐᓂᑦ ᐃᑲᔪᕐᓂᕐᒧᑦ ᒪᓕᒐᐅᔪᓄᑦ ᐊᒻᒪᓗ ᑐᔅᓯᕋᐅᑎᒧᑦ ᐊᑐᕆᐊᓕᓐᓂᒃ:
- ᐊᑐᐃᓐᓇᕆᒍᒃ ᑖᓐᓇ ᑭᓪᓕᖃᖅᑎᑦᑎᓂᕐᒧᑦ ᒪᓕᒐᕋᓛᑦ ᐊᒻᒪᓗ ᐸᕐᓇᐅᑎᓪᓗᐊᑕᐃᑦ
- ᓇᓗᓇᐃᕐᓗᒍ ᐱᖁᑎᒋᔭᐃᑦ ᓄᓇᒥ ᐊᑐᕐᓂᕐᒧᑦ ᐅᕙᓂ ᖃᕋᓴᐅᔭᒃᑯᑦ ᓄᓇᙳᐊᓕᐊᖑᓯᒪᔪᖅ
- ᐊᐱᖅᑯᑎᔅᓴᓄᑦ, ᖃᐅᔨᒋᐊᕐᕕᒋᓗᒋᑦ: planning@iqaluit.ca | (867) 979-5661
ᑐᑭᓯᒋᐊᒃᑲᓐᓂᕈᒪᕖ ᐅᕝᕙᓘᓐᓃᑦ ᐃᑲᔪᖅᑕᐅᒍᒪᕖ?
ᖃᐅᔨᒋᐊᕐᕕᒋᓗᒋᑦ ᐃᑲᔪᑦᑎᐊᕈᓐᓇᖅᑐᑦ ᐃᖅᑲᓇᐃᔭᖅᑎᕗᑦ:
- ᐱᕙᓪᓕᐊᑎᑦᑎᓂᕐᒥᑦ, ᐸᕐᓇᐃᓂᕐᒥᑦ ᐊᒻᒪᓗ ᓄᓇᒥᑦ ᖃᐅᔨᓴᕐᓂᕐᒥᑦ: planning@iqaluit.ca | (867) 979-5661
- ᓄᓇᓕᕆᓂᕐᒧᑦ ᐊᒻᒪᓗ ᐊᑐᖅᑐᐊᖅᑐᓄᑦ ᐊᐅᓚᑦᑎᔩᑦ: lands@iqaluit.ca | (867) 979-5664
ᐃᑲᔫᑎᔅᓴᖅ: ᐃᑲᔫᑎᔅᓴᐃᑦ ᑕᑯᒋᐊᖃᑦᑕᐃᓐᓇᕐᓗᒋᑦ, ᒪᓕᒐᕋᓛᑦ, ᐊᒻᒪᓗ ᑐᕌᖓᖃᓯᐅᑎᔪᑦ ᓄᓇᙳᐊᓕᐊᖑᓯᒪᔪᑦ ᐱᓇᓱᓚᐅᙱᓐᓂᕐᓂ. ᐱᓕᕆᔨᕗᑦ ᐊᑐᐃᓐᓇᐅᔪᑦ ᑐᑭᓯᑎᑦᑎᓂᕐᒥᑦ ᒪᓕᒋᐊᓕᓐᓂᒃ, ᑐᔅᓯᕋᐅᑎᓕᕆᓂᕐᒥᑦ, ᐊᒻᒪᓗ ᐱᓕᕆᐊᕆᔭᐃᑦ ᒪᓕᑦᑎᐊᕋᓗᐊᕐᒪᖔᖅ ᓄᓇᓕᐸᐅᔭᒃᑯᑦ ᑕᑯᓐᓇᙳᐊᖅᑕᖓᓂ ᒪᓕᒋᐊᓕᓐᓂᓪᓗ. ᓈᒪᔪᓄᑦ ᓇᓗᓇᐃᔭᐅᑎᓄᑦ, ᑕᑯᒋᐊᕐᓗᒍ plan.iqaluit.ca/resources.
ᐃᑲᔫᑎᔅᓴᖅ: ᐱᒋᐊᖃᕋᔭᖅᑐᑎᑦ ᐃᓪᓗᕐᔪᐊᕐᒧᑦ ᐱᔪᓐᓇᐅᑎᒥᑦ ᓄᓇᕗᑦ ᒐᕙᒪᒃᑯᓐᓂ ᐱᕙᓪᓕᐊᑎᑦᑎᓂᕐᒧᑦ ᐱᔪᓐᓇᐅᑎᒥᑦ ᐊᖏᖅᑕᐅᓯᒪᓕᖅᑲᑦ ᓄᓇᓕᐸᐅᔭᒃᑯᓐᓂ. ᑐᑭᓯᒋᐊᕈᑎᔅᓴᑦ ᐃᓪᓗᕐᔪᐊᕐᒧᑦ ᐱᔪᓐᓇᐅᑎᒥᑦ ᑐᔅᓯᕋᐅᑎᐅᑉ ᐱᓕᕆᔾᔪᓯᖓᓂ ᒫᓂ ᑕᑯᔭᐅᒍᓐᓇᖅᑐᖅ
