ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑲᑎᒪᔨᓄᑦ ᐃᓚᒋᔭᐅᔪᑦ ᐱᓕᕆᐊᑦᓴᑖᖅᑐᑦ
ᓅᕖᐱᕆ 15, 2023 - ᐃᖃᓗᐃᑦ, ᓄᓇᕗᑦ
ᓄᑖᑦ ᓂᕈᐊᖅᑕᐅᕋᑖᓚᐅᖅᑐᑦ ᐃᖃᓗᐃᑦ ᓄᓇᓕᐸᐅᔭᒃᑯᑦ ᑲᑎᒪᔨᒋᓂᐊᓕᖅᑕᖏᑦ ᓯᕗᓪᓕᖅᐹᒥ ᑲᑎᒪᓂᖃᓚᐅᖅᑐᑦ ᓅᕖᐱᕆ 14, ᐊᒻᒪ ᓯᕗᓪᓕᖅᐹᖑᓚᐅᖅᑐᖅ ᐱᔭᑦᓴᖏᓐᓂ ᑎᒃᑯᐊᕐᓯᓂᖅ ᒪᐃᔭᐅᑉ ᑐᓪᓕᑦᓴᖓᓂᑦ ᐊᒻᒪ ᑲᑎᒪᔨᕋᓛᓄᑦ ᐃᑦᓯᕙᐅᑕᑦᓴᓂᑦ.
ᑭᒻᐳᓕ ᓯᒥᖦ ᑎᒃᑯᐊᖅᑕᐅᓚᐅᖅᑐᖅ ᒪᐃᔭᐅᑉ ᑐᓪᓕᖓᓄᑦ, ᐊᒻᒪᑦᑕᐅᖅ ᐃᑦᓯᕙᐅᑕᕈᖅᑎᑕᐅᓗᓂ ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᑲᑎᒪᔨᕋᓛᓄᑦ.
ᑲᑎᒪᔨ ᕼᐅᕆ ᕙᓗᐊᕈᑎ ᐊᑦᑎᖅᑕᐅᓚᐅᖅᑐᖅ ᒪᐃᔭᐅᑉ ᑐᓪᓕᕆᑲᐃᓐᓇᕈᓐᓇᖅᑐᓂᐅᒃ ᐊᑐᐃᓐᓇᐅᑎᓐᓇᒍ, ᐃᑦᓯᕙᐅᑕᕈᖅᑎᑕᐅᓗᓂ ᓴᓇᔪᓕᕆᓂᕐᒥᑦ ᐊᒻᒪ ᖃᐅᔨᒪᔨᑕᐃᑦ ᓴᓇᒋᐊᓕᓐᓂᑦ ᑲᑎᒪᔨᕋᓛᓄᑦ, ᐊᒻᒪ ᐃᑦᓯᕙᐅᑕᐅᓂᕐᒧᑦ ᐃᖅᑲᓇᐃᔭᖅᑎᓄᑦ ᐅᓐᓂᕐᓗᒋᐊᕐᕕᓐᓄᑦ ᑲᑎᒪᔨᕋᓛᓄᑦ.
ᑮᓇᐅᔭᓕᕆᓂᕐᒥᑦ ᑲᑎᒪᔨᕋᓛᑦ ᐃᑦᓯᕙᐅᑕᖃᕐᓂᐊᖅᑐᑦ ᑲᑎᒪᔨ ᑲᐃᐅᓪ ᓴᐳᕐᑦ, ᐃᑦᓯᕙᐅᑕᐅᓂᐊᕆᓪᓗᓂ ᑖᓐᓇ ᑖᑦᓯᓂᑦ ᐃᓄᑦᑕᐅᑎᓂᑦ ᕿᒥᕐᕈᔩᑦ ᑲᑎᒪᔨᕋᓛᓄᑦ.
ᑲᑎᒪᔨ ᒪᑑᓴᓕ ᑯᓄᒃ ᓂᕈᐊᖅᑕᐅᓚᐅᖅᑐᖅ ᐃᑦᓯᕙᐅᑕᓂᐊᖁᓪᓗᒍ ᓄᓇᓕᓐᓂ ᑮᓇᐅᔭᓕᐅᕋᓱᐊᕈᑎᓕᕆᓂᕐᒥᑦ ᐱᕙᓪᓕᐊᔪᓕᕆᓂᕐᒧᑦ ᑲᑎᒪᔨᕋᓛᓄᑦ ᐊᒻᒪ ᐃᑦᓯᕙᐅᑕᐅᓂᕐᒧᑦ ᐃᓗᕕᖃᕐᕕᓕᕆᓂᕐᒥᑦ ᑲᑎᒪᔨᕋᓛᓄᑦ.
ᑲᑎᒪᔨ ᕉᒪᐃᓐ ᓯᑏᕙᓐᓴᓐ ᓯᕗᓕᖅᑎᐅᓂᐊᖅᑐᖅ ᑕᒪᒃᑮᓐᓄᑦ ᑲᑎᒪᔨᓄᑦ ᐋᖅᑭᒋᐊᕆᔨᓄᑦ ᐊᒻᒪ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᐅᓐᓂᕐᓗᒋᐊᕐᕕᓐᓄᑦ ᑲᑎᒪᔨᓄᑦ. ᐱᖕᖑᐊᖅᑐᓕᕆᔨᒃᑯᑦ ᑲᑎᒪᔨᕋᓛᖏᑦ ᑲᑎᒪᔨ ᓵᒻ ᑎᓕᒥᑦ ᐃᑦᓯᕙᐅᑕᖃᕐᓂᐊᖅᑐᑦ, ᐊᒻᒪ ᒪᐃᔭ ᓵᓗᒨᓂ ᐊᕙ ᓯᕗᓕᖅᑎᐅᓂᐊᖅᑐᓂ ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᒋᐊᖃᖏᓐᓂᖏᓐᓂᑦ ᑲᑎᒪᔨᕋᓛᓄᑦ.
ᑭᖑᓪᓕᕐᒥ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᑲᑎᒪᓛᓕᕐᒥᔪᑦ ᐅᓐᓄᒃᑯᑦ 6-ᒨᖅᐸᑦ ᓄᕖᐱᕆ 28.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑭᐊᓐᑦ ᑐᕆᔅᑰᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᓯᔨ
867-979-5607 k.driscoll@iqaluit.ca
**ᑕᑯᓗᒍ ᐊᔾᔨᙳᐊᖅ PDF−ᑯᑦ ᑎᑎᖅᑲᖁᑎᖏᓐᓂ**
