ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᓇᓕᐸᐅᔭᓕᒫᖅ ᑯᕕᔪᓐᓇᐃᓪᓕᔪᖅ
ᓄᓇᓕᐸᐅᔭᒃᑯᑦ ᖃᐅᔨᒪᖁᔨᔪᑦ ᐅᓐᓄᓴᑦ 9 am ᑕᓪᓕᕐᒥᖅ ᓰᑏᐱᕆ -ᒨᖅᐸᑦ, ᓄᓇᓕᐸᐅᔭᓕᒫᖅ ᑯᕕᔪᓐᓇᔾᔮᖕᒋᓐᓂᖕᒐᓂ. ᑯᕕᔪᓐᓇᐃᓪᓕᑎᑕᐅᔭᕆᐊᓕᒃ ᐃᒥᐅᑉ ᓱᓪᓗᓕᖕᒋᑦ ᓴᓇᔭᐅᔭᕆᐊᖃᕐᓂᖕᒋᓐᓄᑦ ᐃᒡᓗᕐᔪᐊᒥ.
ᐃᒥᖅ ᐳᓪᓚᖃᕈᓐᓃᓂᖅᐸᑦ, ᐊᖏᔪᖅᑳᖓᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᓄᓇᕘᒧᑦ ᓴᖅᑮᕙᑦᑐᑦ ᐅᔾᔨᕈᓱᒋᐊᖁᔨᔾᔪᑎᒥᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᖅᐸᑦᑐᑎᒃ. ᑕᒪᓐᓇ ᐃᒥᒃᑯᑦ ᓄᖅᑲᑎᑦᓯᒍᑎᐅᔪᖅ ᐊᑦᑐᐊᓯᒪᒍᓂ ᐃᕝᕕᑦ ᓇᔪᒐᖓᓐᓂᑦ, ᐅᔾᔨᕈᓱᒋᐊᕈᑎᒃᑯᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᕗᑎᑦ.
ᐊᖏᔪᖅᑳᖓᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᑐᓴᖅᑎᑦᓯᒍᓂ ᓄᓇᓕᐸᐅᔭᐃᑦ ᐃᖃᓗᓐᓂ ᑎᒥᖁᑎᖏᓐᓂᑦ ᐅᖃᐅᔾᔪᐃᔾᔪᑎᐅᓯᒪᔪᖅ ᐊᑐᕈᓐᓃᕐᒪᑦ, ᓄᓇᓕᕐᒥᐅᑕᐃᑦ ᑐᓴᖅᑎᐸᑦᑕᕗᑦ.
ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᓯᒪᑎᓪᓗᒋᑦ, ᓄᓇᓕᐸᐅᔭᒃᑯᑦ ᐃᒥᕐᒥᒃ ᐃᒥᖅᑕᐅᓂᐊᖅᑐᓂᑦ ᐅᕝᕙᓘᓐᓃᑦ ᓂᕆᔭᐅᓂᐊᖅᑐᓄᑦ ᐃᓚᓕᐅᔾᔭᐅᕙᓐᓂᐊᖅᑐᓂᑦ ᐅᐊ ᒪᓇᐅᒐᓗᐊᒥᑦ ᑎᖅᑎᑎᑦᑎᖃᑦᑕᖁᔭᐅᔪᑦ ᐊᑯᓂᐅᓂᕐᓴᓘᓐᓃᑦ.
ᐃᒥᓕᒫᑦ ᐊᑐᖅᑕᐅᓂᐊᖅᑐᑦ ᐅᑯᓅᓇ ᑎᖅᑎᑎᑕᐅᓯᒪᒋᐊᓖᑦ:
- ᐃᒥᖅᑕᐅᓂᐊᖅᑐᑦ;
- ᐱᐊᕋᕐᓄᑦ ᐊᒫᒪᓕᐅᕈᑎᐅᓂᐊᖅᑐᑦ;
- ᐃᒥᒐᑦᓴᓕᐅᕈᑎᐅᓂᐊᖅᑐᑦ ᐊᒻᒪ ᓂᓚᕋᓛᓕᐅᕈᑎᐅᓂᐊᖅᑐᑦ;
- ᐱᕈᖅᑐᒥᓂᕐᓂᒃ ᐊᔾᔨᒌᖏᑦᑐᓂᑦ ᐃᕐᕈᖅᑑᑎᐅᓂᐊᖅᑐᑦ;
- ᓂᖅᑎᐅᕈᑎᐅᓂᐊᖅᑐᑦ; ᐅᕝᕙᓘᓐᓃᑦ
- ᑭᒍᓯᑎᐅᕈᑎᐅᓂᐊᖅᑐᑦ.
ᐃᒥᖅ ᑎᖅᑎᑎᑕᐅᒍᓐᓇᖅᑐᖅ ᐅᒃᑯᓯᒻᒧᑦ ᐅᕝᕙᓘᓐᓃᑦ ᑏᓕᐅᕈᑎᒧᑦ ᐃᒐᒥ ᐅᕝᕙᓘᓐᓃᑦ ᐅᐊᔭᒨᖅᑐᒧᑦ ᑏᓕᐅᕈᑎᒧᑦ ᐃᖕᒥᓂᒃ ᖃᒥᑦᑕᖏᑦᑐᒧᑦ. ᐃᒥᕐᒥᒃ ᑎᖅᑎᑎᑦᑎᒋᐊᑐᖕᖏᑦᑐᖅ ᐊᑐᖅᑕᐅᓂᐊᖅᑎᓪᓗᒍ ᐊᓯᖏᓐᓄᑦ ᑎᑎᕋᖅᑕᐅᓯᒪᔪᓄᑦ.
##
ᑐᑭᓯᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔭᕐᓇᐅᑎᓪᓗᒍ ᑐᑭᓯᒋᐊᕐᕕᒋᔪᓐᓇᖅᑕᐃᑦ: ᓲ ᐊᐃᕗᕆ ᓴᓇᔪᓕᕆᔨᒃᑯᓐᓄᑦ ᑎᑎᕋᖅᑎ S.Avery@iqaluit.ca | 867-979-5630
ᐅᖃᐅᓯᖃᕆᐊᖃᕈᕕᑦ ᐃᒥᐅᑉ ᒥᒃᓵᓄᑦ (ᕿᕐᓛᖅᑐᖃᖅᐸᑦ ᐃᒪᖃᖖᒋᑦᑐᖅᑕᖃᖅᐸᓪᓘᓐᓃᑦ) ᐃᖅᑲᓇᐃᔭᕐᓇᐅᑎᓐᓇᒍ: ᓄᓇᓕᐸᐅᔭᒃᑯᑦ ᐅᖄᓚᕕᐅᔪᓐᓇᖅᑐᑦ 867-979-5650
