ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓇᔪᒐᕐᓂᒃ ᐊᖏᔫᑎᓂᑦ ᓱᓇᒃᑯᑖᓂᑦ ᓄᐊᑦᓯᓂᕐᒥᑦ ᐱᓕᕆᐊᑦᓴᖅ
ᔫᓂ 20, 2023 - ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᖁᕕᐊᒋᓪᓗᒍ ᑐᓴᖅᑎᑦᓯᒍᒪᓕᕆᕗᑦ ᐊᕐᕌᒍᑕᒫᕐᓯᐅᑎ ᐊᖏᔫᑎᓂᑦ ᓴᓂᕐᓂᒃ ᓄᐊᑦᓯᓂᕐᒥᑦ ᐱᓕᕆᐊᑦᓴᖅ ᐊᑐᖅᑕᐅᓛᓕᕐᒥᒻᒪᑦ ᔫᓂ 26 ᐊᒻᒪ ᔫᓂ 27, 2023. ᑕᒪᓐᓇ ᐊᑲᐅᓈᕈᑎᐅᔪᓐᓇᓛᓕᕐᒥᔪᖅ ᐱᔭᕆᐊᑐᓗᐊᖅᑐᓂᑦ ᓴᓂᕐᓂᒃ ᐃᒋᑦᑎᓇᓱᒋᐊᑦᓴᖅ ᐊᑭᓖᒐᓂ ᐃᒋᑦᓯᔾᔪᑎᑦᓴᓂᑦ ᐃᑲᔪᓛᖅᑐᑎᓪᓗ ᓴᓇᔪᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ.
ᓄᓇᓕᕐᒥᐅᑕᐃᑦ ᐅᑯᓂᖓ ᐃᒋᐅᖅᑲᐃᒍᓐᓇᕐᓂᐊᓕᕐᒥᔪᑦ:
• ᒪᕐᕉᓐᓂᒃ (2) ᓱᓇᒃᑯᑖᒥᓃᓐᓂᒃ (ᐅᐊᓴᕐᕕᒥᓂᖅ, ᐸᓂᕐᓰᕕᒥᓂᖅ, ᖁᐊᒃᑯᕕᒥᓂᖅ, ᖁᐊᖃᐅᑎᒥᓂᖅ,
ᐅᕝᕙᓘᓐᓃᑦ ᐃᒐᒥᓂᕐᒥᒃ)
• ᐱᖓᓱᓂᑦ (3) ᐊᖏᔫᑎᓂᑦ ᐃᓪᓗᒥᐅᑕᒥᓂᕐᓂᒃ ᓴᓂᕐᓂᒃ ᐅᖁᒪᐃᓐᓂᓕᓐᓂᑦ 50 ᐸᐅᓐᓯᓂᑦ ᐅᕝᕙᓘᓐᓃᑦ ᐅᖁᒪᐃᓐᓂᕐᓴᓂᑦ ᐊᒻᒪ ᐊᖏᔫᑎᐅᓗᐊᖅᑐᓂᑦ ᐴᖅᑕᐅᓇᓱᒃᑲᓗᐊᕈᑎᒃ ᐊᖏᔫᑎᓄᑦ ᕿᕐᓂᖅᑕᓄᑦ
ᓴᓂᒃᑯᕕᓐᓄᑦ. ᐅᑯᐊ ᐱᖃᓯᐅᔾᔭᐅᔪᓐᓇᖅᑐᑦ:
o ᐃᓪᓗᒥᐅᑕᐃᑦ (ᐃᑦᓯᕙᐅᑕᑯᑖᑦ, ᐃᑦᓯᕙᐅᑕᐃᑦ, ᓂᕐᕆᕖᑦ, ᐊᓪᓕᓃᑦ, ᐊᓯᖏᓪᓗ)
o ᓇᑎᑦᓴᑦ (ᒥᖅᑯᓖᑦ, ᐊᓪᓕᕋᐃᑦ ᓂᕈᒥᑦᑐᑦ, ᐊᒻᒪ ᓇᑎᑦᓴᑦ ᓵᑦᑐᑯᑖᑦ), ᑲᑎᑎᕐᓯᒪᓗᒋᑦ ᐃᒫᒃ
ᐊᖏᓂᖃᕐᓗᑎᒃ 1.7 ᒦᑕᐃᑦ x 1 ᒦᑕ (5 ᕖᑦ ᓴᓂᒧᑦ x 3 ᕖᑦ ᑐᑭᒧᑦ) ᑕᑭᓂᖃᕐᓗᑎᒃ (ᐊᑕᐅᓯᖅ ᑲᑎᑕᐅᓯᒪᔪᖅ ᐊᔾᔨᓕᒃ ᐊᑕᐅᓯᕐᒥᑦ ᐃᓗᐃᑦᑐᒥᑦ)
o ᓱᓪᓗᓕᒥᓃᑦ ᑯᕝᕕᕕᒥᓃᑦ, ᐱᖃᓯᐅᔾᔭᐅᓗᑎᒃ ᖁᕝᕖᑦ;
o ᐃᒐᓛᒥᓃᑦ ᐊᒻᒪ ᑕᕐᕋᖅᑐᑎᒥᓃᑦ
ᕿᒪᑦᑕᐅᓯᒪᒋᐊᖃᓛᖅᑐᑦ ᐊᖏᔫᑏᑦ ᓴᓃᑦ - ᒪᓕᑦᑐᒋᑦ ᖃᐅᑕᒫᖅᑐᖅᓯᐅᑎᓯ ᓴᓂᑦᑕᖅᑕᐅᕕᓯ ᐊᖅᑯᑎᖓ - ᐅᑯᐊ
ᒪᓕᑦᑕᐅᓗᑎᒃ:
• ᑲᑎᒪᑎᖕᖏᓪᓗᒋᑦ ᓴᓂᑐᐃᓐᓇᐃᑦ ᓴᓂᐊᓅᖅᐸᓪᓗᒋᑦ ᓴᓂᒃᑯᕕᓯ ᓯᓚᒥ
• ᐋᖅᑭᓱᕐᓯᒪᓂᖏᑦ ᓱᓇᒃᑯᑖᑎᒍᑦ
• ᓄᐊᑕᐅᓯᒪᑐᐃᓐᓇᖅᑐᑦ ᐊᑕᐅᑦᓯᒧᑦ
• ᑕᒫᓂᖅᑭᕈᓘᔭᖅᐸᑕ ᐃᑉᐱᒋᔭᐅᔾᔮᖏᑦᑐᑦ
ᓱᓇᑐᐃᓐᓇᐃᑦ ᐃᒋᑕᐅᒋᐊᖃᖏᑦᑐᑦ ᓅᑕᐅᓯᒪᒋᐊᖃᓛᖅᑐᑦ ᖃᓂᒋᔭᖏᓐᓂᑦ ᓴᓂᒃᑯᕖᑦ (ᓲᕐᓗ ᑐᒃᑲᕆᐊᓖᑦ, ᐃᖕᖑᐊᑦ, ᐊᓯᖏᓪᓗ) ᑕᒻᒪᐅᑕᐅᓗᑎᒃ ᓄᐊᑕᐅᖃᓯᐅᑎᑦᑕᖅᐱᐊᕐᒪᑕ.
ᖃᐅᔨᒪᒋᐊᓕᒃ ᑮᓇᐅᔭᓕᐅᕐᕕᐅᓂᖏᑦ ᐱᖃᓯᐅᔾᔭᐅᓯᒪᖏᒻᒪᑕ ᐊᖏᔫᑎᓂᑦ ᓴᓂᑦᑕᓛᖅᑐᓄᑦ (ᓲᕐᓗ ᓄᓇᓕᐅᑉ ᕿᑎᐊᓂᑦ ᐃᓄᒋᐊᕝᕕᒻᒥᑦ, ᑰᓕᐊᕆᐊᒥᑦ ᐊᒻᒪ ᖃᖅᑲᓕᐊᕆᐊᒥᑦ ᐊᑐᕆᐊᕐᒥᑦ).
ᐅᑯᐊ ᓱᓇᑐᐃᓐᓇᐃᑦ ᓄᐊᑕᐅᓛᖏᑦᑐᑦ ᐊᒻᒪ ᐊᑦᓯᕕᒻᒨᕈᔾᔭᐅᕙᒋᐊᖃᖅᐸᑦᑐᑎᒃ ᓇᖕᒥᓂᖅ ᓄᓇᓕᕐᒥᐅᑕᓄᑦ:
• ᐅᐊᔭᒨᖅᑐᑦ (ᑏᕖᑦ, ᖃᕋᑕᐅᔭᐃᑦ, ᐊᓯᖏᓪᓗ)
• ᐃᓪᓗᓃᖕᖔᕐᓯᒪᔪᑦ ᐅᓗᕆᐊᓇᖅᑐᑦ ᓴᓃᑦ
• ᓄᓇᒃᑰᔫᒥᓃᑦ, ᐱᖃᓯᐅᔾᔭᐅᓗᑎᒃ ᖃᒧᑕᐅᔭᐃᑦ, ᐱᓲᑎᑲᓪᓚᐃᑦ
• ᓄᓇᒃᑰᔫᓄᑦ ᐃᓚᑦᓴᔭᐃᑦ, ᐱᖃᓯᐅᔾᔭᐅᓗᑎᒃ ᓄᓇᒃᑰᔫᓄᑦ ᐃᑦᓯᕙᐅᑕᒥᓃᑦ
• ᐊᑦᓴᓗᐊᒥᓃᑦ
• ᑲᑎᓯᒪᕈᓘᔭᖅᑐᑦ ᓴᓃᑦ ᐊᔾᔨᒌᖏᑦᑐᑦ
• ᐃᓪᓗᓕᐅᕈᑎᒥᓃᑦ ᐊᒻᒪ ᓱᕋᐃᔭᖅᑕᐅᓯᒪᔪᑦ ᐃᓪᓗᒥᓃᑦ
• ᕿᔪᐃᑦ (ᓴᓇᔪᓄᑦ/ᓱᕋᐃᔭᐃᔪᓄᑦ ᓴᓃᑦ, ᐃᓕᔾᔨᕕᒥᓃᑦ, ᓱᓇᒃᑯᑖᒃᑯᕕᒥᓃᑦ, ᐃᑦᑎᕐᕕᐅᔭᒥᓃᑦ ᐴᒥᓃᑦ, ᒪᑐᒥᓃᑦ, ᐊᓯᖏᓪᓗ)
• ᓴᕕᕋᔭᐃᑦ
• ᐳᓪᓚᖃᕐᕕᒥᓃᖅ
• ᕚᑕᓖᒥᓃᑦ
• ᓯᐅᕋᐃᑦ ᐊᒻᒪ ᐅᔭᖅᑲᐃᑦ
• ᐆᒪᔪᖁᑎᓂᑦ ᓴᓃᑦ
• ᐃᑦᑎᕐᕕᐅᔭᐃᑦ ᑎᒋᖓᔪᑦ - ᐱᖃᓯᐅᔾᔭᐅᓯᒪᒌᖅᑐᑦ ᖃᐅᑕᒫᕐᑐᖅᓯᐅᑎᓄᑦ ᓴᓂᑦᑕᐸᑦᑐᓄᑦ, ᐅᕝᕙᓘᓐᓃᑦ ᐊᑦᓯᕕᒻᒨᕈᔾᔭᐅᔪᓐᓇᕐᒥᔪᑦ ᓇᖕᒥᓂᖅ
ᐅᑯᐊ ᐅᖃᐅᓯᐅᓯᒪᔪᑦ ᐱᖃᓯᐅᔾᔭᐅᓯᒪᔾᔮᖏᑦᑐᑦ ᓇᔪᒐᕐᓂᑦ ᐊᖏᔫᑎᓂᑦ ᓴᓂᑦᑕᓕᖅᐸᑕ ᐊᒻᒪ ᐊᑭᓕᖅᑕᐅᓗᑎᒃ ᐃᒋᑕᐅᔭᕆᐊᖃᓛᖅᑐᑦ. ᑕᑯᔭᐅᔪᓐᓇᖅᑐᑦ ᐊᑭᓕᕐᓱᐃᔾᔪᑎᐅᕙᑦᑐᑦ ᖁᓪᓕᕐᓄᑦ ᐅᖃᐅᓯᐅᓯᒪᔪᓄᑦ, ᑕᑯᒋᐊᖁᔪᖅ ᒪᓕᒐᕋᓛᖅ #908 ᑲᑎᕐᓱᕐᓯᒪᔪᑦ ᐊᑭᓕᕆᐊᓖᑦ ᐊᒻᒪ ᐊᑭᓕᐅᑎᐅᖁᔭᐅᓯᒪᔪᑦ ᒪᓕᒐᕋᓛᖅ ᓄᓇᓕᐸᐅᔭᐃᑦ ᐃᖃᓗᐃᑦ ᐃᑭᐊᖅᑭᕕᖓᓐᓂ ᐅᕙᓂ https://www.iqaluit.ca/content/consolidated-fees-and-charges-law-no-908
ᐊᑖᓃᑦᑐᑦ ᓄᓇᓕᐸᐅᔭᒃᑯᑦ ᓇᔪᒐᐃᑦ ᓴᓂᖏᓐᓂᑦ ᓄᐊᑦᓯᓕᖅᐸᑕ ᐅᓪᓗᕐᓯᐅᑎ ᐊᒻᒪ ᓄᓇᖕᖑᐊᖅ
• ᓇᒡᒋᔾᔭᐅ: ᓄᓇᓕᐅᑉ ᕿᑎᐊ; ᐊᑦᓯᓂᕐᓴᒥᐅᑕᐃᑦ ᐃᖃᓗᓐᓂ (ᓄᓇᖕᖑᐊᒥ ᐊᒥᐊᓖᑦ ᖁᖅᓱᖅᑐᒥᑦ)
• ᓇᒡᒋᔾᔭᐅᓕᖅᑭ: ᓂᐊᖁᖕᖒᑎᑦ; ᓄᓇᓕᐅᑉ ᕿᑎᐊ; ᑕᓐᑐᕋ ᕚᓕ (ᓂᐊᖁᖕᖒᓯᐊᕆᐊᖅ ᐊᑦᓯᓂᕐᓴᖅ) (ᓄᓇᖕᖑᐊᒥ ᐊᒥᐊᓖᑦ ᑐᖑᔪᖅᑐᒥᑦ)
• ᐱᖓᑦᓯᖅ: Hᐋᐱ ᕚᓕ, ᐃᒥᖅᑕᕐᕕᒥᓂᕐᒥ ᐃᓪᓗᖃᕐᕕᒃ; ᑕᓯᓗᓕᐊᕆᐊᖅ (ᓄᓇᖕᖑᐊᒥ ᐊᒥᐊᓖᑦ ᐅᐊᕐᕆᓐᔾᒥᑦ ᐊᐅᐸᔮᖅᑐᖅ)
• ᑎᓴᒻᒥᖅ: ᑕᓐᑐᕋ ᕆᑦᔾ (ᓂᐊᖁᖕᖒᓯᐊᕆᐊᖅ ᖁᑦᓯᓂᕐᓴᖅ ((ᓄᓇᖕᖑᐊᒥ ᐊᒥᐊᓖᑦ ᐃᑦᑎᖕᖑᐊᖅ)
• ᑕᓪᓕᕐᒥᖅ: ᐱᓱᕐᕋᐅᑉ ᐃᓪᓗᖃᕐᕕᖓᓂ (ᓄᓇᖕᖑᐊᒥ ᐊᒥᐊᓖᑦ ᑐᖑᔪᐊᖓᔪᖅ)
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᓲ ᐊᐃᕗᕆ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ
ᓄᓇᓕᐸᐅᔭᐃᑦ ᐃᖃᓗᐃᑦ
s.avery@iqaluit.ca
867-979-5630
