ᐃᖅᑲᓇᐃᔮᒃᓴᖅ – ᐳᐃᔾᔪᕋᕐᕕᖕᒥᑦ ᐊᖕᒐᔪᖅᑳᖅ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐃᖅᑲᓇᐃᔮᒃᓴᖅ – ᐳᐃᔾᔪᕋᕐᕕᖕᒥᑦ ᐊᖕᒐᔪᖅᑳᖅ
ᔫᓂ 13, 2023 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᖁᕕᐊᓇᖅᑐᒥᒃ ᐱᕕᒃᓴᑦᑎᐊᕙᖕᒥᒃ ᐊᔪᖖᒋᑦᑐᒧᑦ ᐃᖅᑲᓇᐃᔮᒃᓴᒥᑦ. ᒫᓐᓇ ᕿᓂᖅᑐᒍᑦ ᐳᐃᔾᔪᕋᕐᕕᖕᒧᑦ ᐊᖕᒐᔪᖅᑳᕐᒥᒃ.

ᑲᔪᓯᓂᖃᑦᑎᐊᖅᑐᖅ ᐱᓇᓱᒃᑐᖅ ᑲᒪᒋᔭᖃᕆᐊᖃᕐᓂᐊᖅᑐᖅ ᐃᓕᓐᓂᐊᖅᑕᐅᓂᐊᖅᑐᓄᑦ ᖃᔅᓯᒥᐅᓂᐊᕐᒪᖕᒑᑕ ᐋᖅᑭᒃᓱᐃᓂᕐᒥᒃ, ᓇᓗᓇᐃᔭᐃᓂᖅ, ᐃᖅᑲᓇᐃᔭᖅᑏᑦ ᖃᖕᒐᒃᑯᑦ ᐃᖅᑲᓇᐃᔭᕆᐊᖃᕐᒪᖕᒑᑕ, ᐊᔪᕈᓐᓃᖅᓴᔪᑦ ᐊᒻᒪᓗ ᐃᓕᓐᓂᐊᕈᑎᒃᓴᓄᑦ ᐃᓅᓯᒧᓪᓗ ᓇᐅᑦᑎᖅᓱᕐᓂᕐᒥᑦ. ᐱᓕᕆᐊᖃᖃᑦᑕᕐᓂᐊᖅᑐᑦ ᐃᓅᓯᒧᑦ ᓴᐳᔾᔨᔨᐅᓂᕐᒥᑦ ᐊᒻᒪᓗ ᐃᓕᓐᓂᐊᖅᑎᑦᑎᓗᑎᒃ ᐳᐃᔾᔪᕋᕐᓂᕐᒥᑦ. ᑐᑭᓯᐅᒪᔭᕆᐊᓖᑦ ᐊᒻᒪᓗ ᑕᑯᒃᓴᐅᑎᑦᑎᓗᑎᒃ ᐊᔪᖖᒋᓐᓂᕆᔭᐅᓪᓗᐊᑕᖅᑐᓂᒃ ᐱᖖᒍᐊᖅᑐᓕᕆᔨᒃᑯᓐᓄᑦ ᐊᒻᒪᓗ ᐅᖃᓪᓚᖃᑎᖃᕈᓐᓇᑦᑎᐊᕐᓗᓂ. ᐊᔪᖖᒋᓐᓂᖃᕆᐊᖃᕐᒥᔪᖅ ᓈᓚᑦᑎᐊᕈᓐᓇᕐᓂᕐᒥᒃ ᐃᓱᒫᓘᑕᐅᔪᓂᒃ ᐅᓐᓂᕐᓘᑎᒋᔭᐅᔪᓂᓪᓗ, ᐊᑯᖖᒋᓕᐅᕈᑎᓕᕆᔪᓐᓇᑦᑎᐊᕆᐊᓕᒃ ᐃᓯᖅᓯᒪᔪᓄᑦ, ᐃᖅᑲᓇᐃᔭᖅᑎᓄᑦ ᑭᒃᑯᑐᐃᓐᓇᕐᓄᓪᓗ.

ᐊᔪᙱᓐᓂᕆᔭᕆᐊᓕᖕᒋᑦ ᑲᓇᑕᓕᒫᒥᑦ ᐃᓅᓯᕐᒧᑦ ᓇᐅᑦᑎᖅᓱᖅᓯᓂᕐᒧᑦ ᐱᔨᑦᑎᕋᖅᐸᖕᓂᕐᒧᑦ ᑐᓐᓂᖅᑯᓯᐊᖅᓯᒪᓗᓂ, ᐋᓐᓂᖅᑐᓕᕆᔾᔪᑕᐅᒐᔪᑦᑐᑦ ᐊᒻᒪᓗ ᐃᓅᓕᓯᓇᓱᓐᓂᖅ, ᐃᓅᓯᕐᒥᒃ ᓴᐳᔾᔨᓇᓱᓐᓂᕐᒥᒃ ᑲᑐᔾᔨᖃᑎᒌᑦ ᐳᐃᔾᔪᕋᕐᓂᕐᒧᑦ ᐃᓕᓐᓂᐊᖅᑎᑦᑎᔨ, ᐃᓅᓯᕐᒥᒃ ᓴᐳᔾᔨᓇᓱᓐᓂᕐᒧᑦ ᐃᓕᓴᐃᔨᖕᒐ/ᖃᐅᔨᓴᖅᑎ, LSS ᐊᑐᖅᑕᐅᔭᕆᐊᓕᒃ ᐋᓐᓂᖅᑐᓕᕆᓂᕐᒥᒃ ᐃᓕᓴᐃᔨ/ᖃᐅᔨᓴᖅᑎ, WHMIS ᐊᒻᒪᓗ ᓄᓇᕗᒻᒥ ᐊᖁᑦᑐᓐᓇᐅᑎᖃᕐᓗᓂ ᖁᕝᕙᓯᓐᓂᓕᖕᒥᒃ 5-ᒥᒃ.

ᐅᑯᐊ ᐱᔭᐅᔪᓐᓇᕆᐊᖃᓪᓚᕆᒃᑐᑦ: ᑲᓇᑕᒥ ᐃᓅᓯᕐᒧᑦ ᓴᐳᔾᔨᔨ ᐃᓕᓴᐃᔨ ᐊᒻᒪᓗ ᖃᐅᔨᓴᖅᑎ, ᐃᓅᓯᕐᒥᒃ ᓴᐳᔾᔨᓇᓱᓐᓂᕐᒥᒃ ᑲᑐᔾᔨᖃᑎᒌᑦ ᐳᐃᔾᔪᕋᕐᓂᕐᒧᑦ ᐃᓕᓐᓂᐊᖅᑎᑦᑎᔨ, ᐳᐃᔾᔪᕋᕐᕕᖕᒧᑦ ᐊᐅᓚᑦᑎᔪᓐᓇᕐᓂᕐᒧᑦ ᖁᑦᑎᓐᓂᖕᒐ 1, ᐃᓅᓯᕐᒥᒃ ᓴᐳᔾᔨᓇᓱᓐᓂᕐᒥᒃ ᖃᐅᔨᓴᖅᑎᒧᑦ ᐱᔭᕆᐅᖅᓴᖅᑎᑦᑎᔨ, AST-ᓄᑦ ᐃᓕᓴᐃᔨ (ᐃᓅᓯᕐᒥᒃ ᓴᐳᔾᔨᓇᓱᓐᓂᕐᒥᒃ ᐳᐃᔾᔪᕋᕐᕕᖕᒥ ᑲᒪᔨᐅᓂᕐᒧᑦ ᐊᔪᕈᓐᓃᖅᓴᓯᒪᓗᓂ), LSS ᐳᐃᔾᔪᕋᕐᕕᖕᒥ ᐃᒡᓗᕐᔪᐊᒥ ᖃᐅᔨᓴᖅᑎ, High Five (PCD), ᖃᐅᔨᓴᕈᓐᓇᕐᓗᓂ, ᐃᖃᐃᓐᓂᕐᒧᑦ ᐃᓕᓴᕆᔭᐅᔾᔪᑎᑖᖅᓯᒪᓗᓂ (CALA, Canfit, Waterart, AQX), NCCP ᐊᔪᕈᓐᓃᖅᓴᖅᑎᑦᑎᓂᕐᒧᑦ ᖁᑦᑎᓐᓂᖕᒐ 1, ᐊᒻᒪᓗ ᐱᓕᕆᓂᑰᓗᓂ ᐱᖖᒍᐊᖅᑐᓕᕆᓂᕐᒧᑦ ᐊᐅᓚᑦᑎᔾᔪᑎᓂᒃ.

ᕿᒥᕐᕈᔪᓐᓇᖅᑕᐃᑦ ᐃᖅᑲᓇᐃᔮᒃᓴᖅ ᐅᕙᓂ:

https://city.applytojob.com/apply/vBtOFPf41Y/Aquatics-Program-Supervisor--?source=Our%20Career%20Page%20Widget

ᐃᖃᓗᓂ ᓄᓇᓕᐸᐅᔭᒃᑯᑦ ᐊᖕᒋᕈᑎᖃᖅᓯᒪᔪᑦ ᓄᓇᕗᒻᒥ ᓄᓇᑖᖅᓯᒪᓂᕐᒧᑦ ᐊᖕᒋᖃᑎᒌᒍᑎᒥ. ᓄᓇᕗᒻᒥ ᐃᓄᐃᑦ ᓯᕗᓪᓕᐅᑎᑕᐅᓂᐊᖅᑐᑦ; ᐱᓇᓱᒃᑐᖅ ᓇᓗᓇᐃᑦᑎᐊᖅᓯᒪᔪᓂᑦ ᐊᔪᖖᒋᓂᖕᒋᓐᓂᒃ ᐃᓱᒪᒃᓴᖅᓯᐅᕈᑕᐅᖃᑕᐅᔪᒪᑐᐊᖅᐸᑦ ᑕᕝᕘᓇ ᐊᖕᒋᖃᑎᒌᒍᑎᒃᑯᑦ ᒪᓕᒡᓗᓂ.

ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᓛᖅᑐᑦ ᐅᖃᐅᔾᔭᐅᔪᑑᓂᐊᖅᑐᑦ.

##

ᑐᑭᓯᒋᐊᒃᑲᓐᓂᕈᒪᒍᕕᑦ, ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:
ᑭᐊᓐᑦ ᑐᕆᔅᑰᓪ ᑐᓴᐅᒪᑎᑦᑎᓂᕐᒧᑦ ᐊᑭᓕᖅᓱᐃᕙᒃᑐᓄᓪᓗ ᐱᔨᑦᑎᕋᕐᕕᖃᕐᓂᕐᒧᑦ ᐊᐅᓚᑦᑎᔨ 867-979-5607 k.driscoll@iqaluit.ca