ᐃᖅᑲᓇᐃᔮᒃᓴᖅ – ᑮᓇᐅᔭᓕᕆᔨ ᐃᑲᔫᓯᐊᔅᓴᓕᕆᔨᓗ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐃᖅᑲᓇᐃᔮᒃᓴᖅ – ᑮᓇᐅᔭᓕᕆᔨ ᐃᑲᔫᓯᐊᔅᓴᓕᕆᔨᓗ
ᔫᓂ 5, 2023 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᖃᐅᔨᑎᑦᑎᔪᒪᔪᑦ ᖁᕕᐊᓇᖅᑐᒥᒃ ᕿᑲᓇᐃᔮᖅᑖᖅᕕᒃᓴᒥᑦ. ᒫᓐᓇ ᐃᖅᑲᓇᐃᔭᖅᑎᒃᓴᖅᓯᐅᖅᑐᒍᑦ ᐊᑭᓕᖅᑕᐅᔾᔪᑎᓄᑦ ᐃᑲᔫᓯᐊᓄᓪᓚᐅ ᐊᐅᓚᑦᑎᔨᒥᒃ. ᐃᖅᑲᓇᐃᔮᖅᑖᖅᑐᖅ ᐱᓕᕆᐊᒃᓴᖃᕋᔭᖅᑐᖅ ᓄᐊᑦᑎᓗᓂ ᐃᑲᕐᕋᓕᐊᕆᔭᐅᔪᓂᑦ ᐃᖅᑲᓇᐃᔭᖅᑏᑦ, ᑲᑎᑎᕆᕙᓪᓗᓂ ᐃᑲᕐᕋᕆᔭᐅᔪᓂᑦ ᐊᒻᒪᓗ ᐊᑭᓕᖅᑕᐅᓂᖕᒋᑦ ᐊᑐᓂᑦ ᐃᖅᑲᓇᐃᔭᖅᑏᑦ ᓈᒻᒪᑦᑎᐊᕐᓗᑎᑦ, ᖃᐅᔨᒪᒋᐊᖅᐸᓪᓗᓂ ᐃᑲᕐᕋᕆᔭᐅᔪᓂᑦ ᓈᒻᒪᑦᑎᐊᖅᑎᑦᑎᓗᓂᓗ ᐊᒻᒪᓗ ᑕᒻᒪᖅᓯᒪᔪᖃᖅᐸᑦ ᐋᖅᑭᒃᓯᔪᓐᓇᕐᓗᓂ, ᑐᑭᒧᐊᒃᑎᑦᑎᓗᓂ ᐱᕙᒌᔭᐃᓗᓂᓗ ᖃᐅᑕᒫᑦ ᐊᐅᓚᕆᓂᕆᕙᒃᑕᖕᒋᓐᓂᒃ ᑲᑎᖖᒐᔪᓄᑦ ᐱᕚᓪᓕᕈᑎᒃᓴᓂᑦ ᑎᑎᕋᕐᕕᖕᒥᐅᑕᓕᕆᔾᔪᑎᓂᒃ.

ᐃᓕᓐᓂᐊᖅᓯᒪᔭᕆᐊᓕ ᐃᓚᖃᖅᑐᑦ ᖁᕝᕙᓯᖕᓂᓕᖕᒥᒃ 12-ᒥᒃ ᐊᔾᔨᐸᓗᖕᒐᓂᓘᓐᓃᑦ, ᐊᑎᓕᐅᖃᑕᐅᓯᒪᓗᓂ ᑲᓇᑕᒥ ᐊᑭᓕᖅᓱᐃᓂᕐᒧᑦ ᑲᑐᔾᔨᖃᑎᒌᓂ, ᐃᓕᓐᓂᐊᖅᓯᒪᓗᓂ ᑮᓇᐅᔭᓕᕆᓂᕐᒥᑦ ᐅᕝᕙᓘᓐᓃᑦ ᐊᑭᓕᖅᓱᖅᑕᐅᓂᕐᒧᑦ ᐃᑲᔫᓯᐊᓄ ᐊᐅᓚᑦᑎᓂᕐᒥᒃ ᐊᕐᕌᒍᓄᑦ ᐱᖕᒐᓱᓄᑦ ᐃᖅᑲᓇᐃᔭᕐᓂᑰᓗᓂ, ᖃᐅᔨᒪᑦᑎᐊᕐᓗᓂ Microsoft Suit-ᒥ (Excel, Word, Outlook, etc.), ᐃᓅᖃᑎᖃᕈᓐᓇᑦᑎᐊᕐᓗᓂ ᑐᓴᐅᒪᑎᑦᑎᔪᓐᓇᑦᑎᐊᕐᓗᓂ ᐃᖅᑲᓇᐃᔭᖃᑎᖃᕈᓐᓇᑦᑎᐊᕐᓗᓂ ᐊᔾᔨᒌᖖᒋᑦᑐᓄᑦ ᐃᖅᑲᖅᓇᐃᔭᖅᑎᓄᑦ, ᐊᐅᓚᑦᑎᔨᓄᑦ ᐊᒻᒪᓗ ᑭᒃᑯᑐᐃᓐᓇᕐᓄᑦ ᐊᒻᒪᓗ ᐋᖅᑭᒃᓱᑦᑎᐊᖅᑎᑦᑎᓯᒪᔪᓐᓇᕐᓗᑎ ᑎᑎᕋᖅᓯᒪᔪᓂᑦ ᓄᐊᑕᐅᔪᓂᑦ.

ᕿᒥᕐᕈᔪᓐᓇᖅᑕᐃᑦ ᐃᖅᑲᓇᐃᔮᒃᓴᖅ ᐅᕙᓂ:
https://city.applytojob.com/apply/XVWb5505Fa/Pay-And-Benefits-Administrator?source=Our%20Career%20Page%20Widget

ᐃᖃᓗᓂ ᓄᓇᓕᐸᐅᔭᒃᑯᑦ ᐊᖕᒋᕈᑎᖃᖅᓯᒪᔪᑦ ᓄᓇᕗᒻᒥ ᓄᓇᑖᖅᓯᒪᓂᕐᒧᑦ ᐊᖕᒋᖃᑎᒌᒍᑎᒥ. ᓄᓇᕗᒻᒥ ᐃᓄᐃᑦ ᓯᕗᓪᓕᐅᑎᑕᐅᓂᐊᖅᑐᑦ; ᐱᓇᓱᒃᑐᖅ ᓇᓗᓇᐃᑦᑎᐊᖅᓯᒪᔪᓂᑦ ᐊᔪᖖᒋᓂᖕᒋᓐᓂᒃ ᐃᓱᒪᒃᓴᖅᓯᐅᕈᑕᐅᖃᑕᐅᔪᒪᑐᐊᖅᐸᑦ ᑕᕝᕘᓇ ᐊᖕᒋᖃᑎᒌᒍᑎᒃᑯᑦ ᒪᓕᒡᓗᓂ

ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᓛᖅᑐᑦ ᐅᖃᐅᔾᔭᐅᔪᑑᓂᐊᖅᑐᑦ

##

ᑐᑭᓯᒋᐊᒃᑲᓐᓂᕈᒪᒍᕕᑦ, ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:
ᑭᐊᓐᑦ ᑐᕆᔅᑰᓪ ᑐᓴᐅᒪᑎᑦᑎᓂᕐᒧᑦ ᐊᑭᓕᖅᓱᐃᕙᒃᑐᓄᓪᓗ ᐱᔨᑦᑎᕋᕐᕕᖃᕐᓂᕐᒧᑦ ᐊᐅᓚᑦᑎᔨ
867-979-5607 k.driscoll@iqaluit.ca