ᑎᕆᒐᓐᓂᐊᓄᑦ ᒥᑭᒋᐊᓂᑦ ᐃᑉᐱᒍᓱᒋᐊᖁᔭᐅᔪᑦ ᓄᓇᒦᓕᕈᑎᒃ ᐃᓄᖃᖏᓐᓂᖓᓂ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᑦ
ᑎᕆᒐᓐᓂᐊᓄᑦ ᒥᑭᒋᐊᓂᑦ ᐃᑉᐱᒍᓱᒋᐊᖁᔭᐅᔪᑦ ᓄᓇᒦᓕᕈᑎᒃ ᐃᓄᖃᖏᓐᓂᖓᓂ 
ᓅᕖᐱᕆ 29, 2022 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᑎᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᐅᔾᔨᕈᓱᔾᔫᒥᖁᔭᐅᓗᑎᒃ ᓄᓇᒦᓕᕋᐃᒍᑎᒃ ᐃᓄᖃᖏᓐᓂᖓᓂ - ᐱᓗᐊᖅᑐᒥ ᓱᕈᓯᓛᖅᑕᖃᖅᑎᓪᓗᒍ, ᐅᕝᕙᓘᓐᓃᑦ ᐆᒪᔪᖁᑎᒥᓂᒃ ᐊᐃᑉᐸᖃᖅᑎᓪᓗᒋᑦ - ᑎᕆᒐᓂᐊᓄᑦ ᒥᑭᒋᐊᖅᑕᖃᐅᕐᒪᑦ ᓇᒥᑐᐃᓐᓇᖅ.

ᓄᓇᓕᕐᒥᐅᑕᐃᑦ ᐃᖅᑲᐃᑎᑕᐅᒋᕗᑦ ᐃᑉᐱᒍᓱᑦᓯᐊᕆᐊᖃᖅᐸᒻᒪᑕ ᐊᐃᑉᐸᖃᕈᑎᒃ ᐊᖏᕐᕋᒥ ᐆᒪᔪᖁᑎᒥᓂᒃ ᐊᒻᒪ ᓱᕈᓯᕐᓂᒃ ᓄᓇᓕᐊᕐᓯᒪᑎᓪᓗᒋᑦ. ᓄᓇᓕᓐᓂ ᒪᓕᒐᕋᓛᖅ #924, ᖃᐅᔨᒪᔭᐅᔪᑦ ᐊᖏᕐᕋᒥ ᐆᒪᔪᕈᑎᓂᑦ ᐊᐅᓚᑦᑎᔾᔪᑎ ᒪᓕᒐᕋᓛᖑᔪᖅ, ᑎᑎᕋᕐᓯᒪᔪᖃᕐᒪᑦ ᐃᓘᓐᓇᑎᒃ ᐆᒪᔪᓕᒫᑦ ᐱᑐᑦᓯᒪᒋᐊᖃᖅᐸᒻᒪᑕ ᐊᒻᒪ ᐊᐅᓚᑕᐅᖏᓐᓇᕐᓗᑎᒃ ᖃᐅᑕᒫᑦ.

ᑎᑎᕋᕐᓯᒪᕕᒻᒦᑦᑐᑦ 5.7.17(b) ᓄᓇᕗᑦ ᓄᓇᑖᕈᑎᐅᓯᒪᔪᖅ ᐊᖏᕈᑎᒥ ᑎᑎᕋᕐᓯᒪᔪᖅᑕᓕᒃ ᐊᖑᓇᓱᑦᑏᑦ ᐊᒻᒪ ᒥᑭᒋᐊᕐᓂᐊᖅᑏᑦ ᒥᑭᒋᐊᓕᕐᓱᐃᒋᐊᖃᖏᒻᒪᑕ ᐃᓗᐊᓂ 1 ᒪᐃᓕᐅᑉ, ᐅᕝᕙᓘᓐᓃᑦ 1.6 ᑭᓛᒥᑕᐅᑉ, ᐃᓪᓗᒥᑦ ᐅᕝᕙᓘᓐᓃᑦ ᓇᑉᐸᖅᑕᐅᓯᒪᔪᒥᑦ ᓱᓇᑐᐃᓐᓇᕐᒥᑦ.

ᖃᐅᔨᒪᓂᐊᖅᑯᓯ ᒪᓕᒐᕐᓂᑦ ᓱᕋᐃᓂᐅᒻᒪᑦ ᐸᕝᕕᓴᐃᓪᓗᓂ ᒥᑭᒋᐊᓂᑦ.

ᑐᑭᓯᒋᐊᕈᒪᔪᑦ ᖃᐅᔨᒋᐊᕈᓐᓇᖅᑐᑦ ᓄᓇᓕᓐᓂ ᐆᒪᔪᕐᓂᐊᖅᑎᒃᑯᑦ ᐊᓪᓚᕝᕕᖓᓄᑦ ᐅᕗᖓ ᐅᖄᓚᓗᑎᒃ 867-975-7700.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᐃᖅᑲᓇᐃᔭᕐᓇᐅᑎᓪᓗᒍ ᐅᓪᓗᒃᑯᑦ ᖃᐅᔨᒋᐊᕐᓗᒍ:

 

ᔭᕗᕆ ᐴᕐᓐ

ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᓂᕐᒥᑦ ᐊᐅᓚᑦᑎᔨᐅᑲᐃᓐᓇᖅᑐᖅ

ᓄᓇᓕᐸᐅᔭᐃᑦ ᐃᖃᓗᐃᑦ

867-979-5619 | g.byrne@iqaluit.ca