ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᔪᓕᕆᓂᕐᒥᑦ ᒪᓕᒐᕋᓛᑉ ᑎᑎᕋᕐᓯᒪᓂᖏᓐᓂᑦ ᐊᓯᔾᔨᐅᑎ 943, ᐊᓯᔾᔨᐅᑎ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᔪᓕᕆᓂᕐᒥᑦ ᒪᓕᒐᕋᓛᕐᒧᑦ 894, ᐊᒻᒪ ᑎᒍᔭᐅᒪᔪᓄᑦ ᓄᓇᒃᑰᔫᓄᑦ ᐊᒻᒪ ᓱᓇᒃᑯᑖᓄᑦ ᒪᓕᒐᕋᓛᖅ 944
ᓰᑏᐱᕆ 21, 2022 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᓄᑖᒥᑦ ᐊᑐᓕᖅᑕᐅᕋᑖᓚᐅᖅᑐᒥᑦ ᐊᓯᔾᔨᐅᑎᒥᑦ ᑎᑎᕋᕐᓯᒪᓂᖏᓐᓂᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᔪᓕᕆᓂᕐᒥᑦ ᒪᓕᒐᕋᓛ 894, ᐊᓯᔾᔨᐅᑎᐅᔪᖅ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᔪᓕᕆᓂᕐᒥᑦ ᒪᓕᒐᕋᓛᖅ 943. ᐊᒻᒪᑦᑕᐅᖅ ᓄᓇᓕᐸᐅᔭᐃᑦ ᐃᖃᓗᐃᑦ ᐊᑐᓕᖅᑎᑦᑎᔪᑦ ᒪᓕᒐᕋᓛᕐᒥᑦ 944 ᑎᒍᔭᐅᒪᔪᓄᑦ ᓄᓇᒃᑰᔫᓄᑦ ᐊᒻᒪ ᓱᓇᒃᑯᑖᓄᑦ ᒪᓕᒐᕋᓛᕐᒥᑦ.
ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᔪᓕᕆᓂᕐᒥᑦ ᐊᓯᔾᔨᐅᑎ ᒪᓕᒐᕋᓛᖅ 943 ᐱᖃᓯᐅᔾᔨᓯᒪᔪᖅ ᖁᕝᕙᒋᐊᕈᑎᖏᓐᓂᑦ ᖃᓄᐃᓕᑦᓯᔾᔪᑎᐅᕙᑦᑐᒥᑦ ᖄᖐᓪᓗᓂ ᐃᓕᓐᓂᐊᕐᕕᓐᓄᑦ ᐹᓯᒥᑦ ᐃᑭᐅᕋᐃᔪᒥᑦ ᐅᕝᕙᓘᓐᓃᑦ ᓂᐅᕋᐃᔪᒥᑦ ᐃᓕᓐᓂᐊᖅᑎᓂᑦ ᓱᕈᑦᓯᓂᑦ ᐃᓗᐊᓂ ᓄᓇᓕᐅᑉ ᓄᖅᑲᖓᖁᔨᔾᔪᑎᖓ ᐊᒻᒪ ᐊᐅᐸᑦᑐᖅ ᖃᐅᒪᖏᑦ ᖃᐅᒻᒪᓪᓛᑎᑕᐅᑎᓪᓗᒋᑦ. ᖃᓄᐃᓕᑦᓯᔾᔪᑎᐅᔪᖅ ᖁᕝᕙᒋᐊᖅᑕᐅᔪᖅ $1000-ᓄᑦ.
ᒪᓕᒐᕋᓛᑎᒍᑦ ᐅᖃᐅᓯᖃᕐᒥᔪᖅ ᓄᓇᒃᑰᔫᖅᑐᓂᑦ ᐅᑯᓂᖓ ᐊᑐᖅᑐᓂᑦ:
“ᓄᖅᑲᑎᑦᑎᔪᑦ ᓄᓇᒃᑰᔫᒥᑦ ᐊᖅᑯᑎᒥ ᐊᕝᕕᐊᓕᖅᑐᓂ ᐊᑐᕆᐊᒃᑯᑦ ᐃᖏᕐᕋᔪᓂᑦ, ᐊᑐᕆᐊᒃᑯᑦ ᐃᖏᕐᕋᔪᓄᑦ ᒪᓕᒐᖅᑕᖃᖅᑎᓐᓇᒍ ᓄᓇᒃᑰᔫᒥᑦ ᓄᖅᑲᖁᔨᔾᔪᑎᒥᑦ ᐅᕝᕙᓘᓐᓃᖅ ᐅᔾᔨᕈᓱᒋᐊᖁᔨᔾᔪᑎᒥᑦ”.
ᓇᓗᓇᐃᕆᐊᕐᓗᒍ ᐅᖃᐅᓯᐅᔪᑦ, ᓇᓪᓕᐅᑐᐃᓐᓇᖅ ᓄᓇᒃᑰᔫᖅᑐᖅ ᓄᖅᑲᖅᑐᖅ, ᐸᕝᕕᓴᑦᑐᖅ ᐊᒻᒪ ᓄᖅᑲᖓᑎᑦᑎᑐᐃᓐᓇᖅᑐᖅ ᓄᓇᒃᑰᔫᖅᑐᓂᑦ, ᓄᓇᒃᑰᔫᖅᑐᓂᑦ ᓇᒧᑦ ᐃᖏᕐᕋᒋᐊᖃᕐᒪᖔᑕ ᐅᖃᐅᔾᔪᐃᓇᓱᑦᑐᑦ ᐅᕝᕙᓘᓐᓃᑦ ᓄᓇᒃᑰᔫᖅᑐᓂᑦ ᓇᒧᑦ ᓴᖑᑎᑦᑎᓇᓱᐊᖅᑐᑦ ᐊᑐᕆᐊᒧᑦ ᐅᕝᕙᓘᓐᓃᑦ ᐊᓯᐊᓅᖁᔨᓇᓱᐊᖅᑐᑦ ᐊᖅᑯᑎᐅᑉ ᓱᕋᐃᕗᑦ ᑎᑎᕋᕐᓯᒪᔪᓃᑦᑐᓂᑦ 2.18 ᐊᒻᒪ ᐊᑭᓖᑎᑕᐅᔪᓐᓇᖅᑐᑦ $200.00.
ᐊᓯᔾᔨᐅᑎᒍᑦ ᐱᖃᓯᐅᔾᔨᓯᒪᒻᒥᔪᑦ ᐊᑭᓕᕆᐊᓖᑦ ᓄᓇᒃᑰᔫᖅᑐᓄᑦ ᐃᓱᒪᒋᔭᖏᓐᓂᑦ ᒪᓕᒐᕋᓛᓕᕆᔨᐅᑉ “ᐊᑦᑕᓇᖅᑐᒦᓕᕆᐊᖓ”. ᐱᖃᓯᐅᔾᔭᐅᔪᑦ ᑭᓯᐊᓂᑦᑕᐅᖅ ᐊᓯᖃᕈᓐᓇᕆᓪᓗᑎᒃ ᓄᓇᒃᑰᔫᓂᑦ ᓱᓇᒃᑯᑖᖃᖏᑦᑐᓄᑦ ᐅᔪᑦᓯᓪᓛᓗᐊᔾᔭᐃᒃᑯᑎᓂᑦ ᐊᐳᕐᓂᕈᑎᒃ ᓯᕗᕌᒍᑦ ᐅᖓᑖᒍᓪᓘᓐᓃᑦ ᓄᓇᒃᑰᔫᑦ, ᖃᓄᑎᒋᑦ ᐳᖅᑐᑎᒋᓂᖓᓄᑦ ᓈᒻᒪᖏᑦᑐᒃᑯᑦ ᐅᔪᑦᓯᓪᓛᓗᐊᔾᔭᐃᒃᑯᑎᖏᑦ, ᐃᒐᓛᖏᑕ ᐊᓕᒍᖏᑦ, ᖃᐅᒪᖏᑦ ᓄᓇᒃᑰᔫᑦ ᓯ ᓯᕗᕌᓂ ᐊᒻᒪ ᐅᖓᑖᓂ.
ᐊᑭᓕᕆᐊᓖᑦ ᑲᓕᒍᑎᖏᒍᑦ, ᓈᒻᒪᑦᑐᓂᑦ ᖃᐅᒪᖃᖕᖏᑦᑐᓄᑦ ᑲᓕᒍᑎᖏᓐᓂ ᐊᒻᒪ ᑲᓕᒍᑎᖏᑕ ᓄᖅᑲᖅᑕᐅᑎᖏᒍᑦ ᓱᕋᐃᔪᑦ ᐆᕕᖓ ᒪᓕᒐᕋᓛᕐᒥᑦ ᐊᒻᒪᑦᑕᐅᖅ ᓄᓇᕗᒻᒥ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᔪᓕᕆᓂᕐᒥᑦ ᒪᓕᒐᕐᒥᑦ, ᐊᒻᒪ ᓄᓇᒃᑰᔫᓄᑦ ᓱᓇᒃᑯᑖᖃᖅᑎᑕᐅᖏᑦᑐᓄᑦ ᐃᓘᓐᓇᖏᓐᓂᑦ ᐱᔾᔪᓯᒍᑦ ᐊᑐᖅᑕᐅᒋᐊᖃᖅᐸᑦᑐᓂᑦ ᓱᓇᒃᑯᑖᓂᑦ ᒪᓕᑦᑐᒋᑦ ᓄᓇᕗᒻᒥ ᓄᓇᒃᑰᔫᓄᑦ ᓱᓇᒃᑯᑖᓄᑦ ᐱᔾᔪᓯᕐᓂᒃ ᖃᓄᐃᓕᔭᐅᔾᔪᑎᖃᕈᓐᓇᖅᑐᑦ ᐊᒻᒪ ᐃᒻᒪᖄ ᓄᓇᒃᑰᔫᖓ ᓱᓇᒃᑯᑖᖓᓘᓐᓃᑦ ᑎᒍᔭᐅᓗᑎᒃ.
ᐊᓯᔾᔨᐅᑎᒍᑦ ᐃᓚᔭᐅᔾᔪᑎᖃᖅᑐᑦ ᒪᓕᒐᕋᓛᓕᕆᔨᓄᑦ ᐱᔪᓐᓇᐅᑎᓂᑦ ᑎᒍᓯᔪᓐᓇᕐᓂᖏᓐᓂᑦ ᓄᓇᒃᑰᔫᓂᑦ ᓱᕋᐃᔪᓂᑦ ᒪᓕᒐᕋᓛᕐᒥᑦ 943, ᐃᓱᒪᒋᔭᖓᒍᑦ ᓴᐃᓕᖓᑎᑦᑎᔨᐅᑉ, ᑎᒍᓯᔪᓐᓇᕐᒪᑕ ᓄᓇᒃᑰᔫᒥᑦ ᓱᕋᐃᔪᓂᑦ ᓇᓪᓕᑐᐃᓐᓇᖏᓐᓂᑦ ᑎᑎᕋᖅᑕᐅᓯᒪᔪᓂᑦ ᐅᕙᓂ ᒪᓕᒐᕋᓛᕐᒥ ᓱᕋᐃᔭᐃᑐᐃᓐᓇᖁᓇᒋᑦ ᐊᑐᕆᐊᖃᖏᑦᑐᓂᑦ ᐊᑐᖅᐸᓪᓗᑎᒃ.
ᓄᓇᓕᐸᐅᔭᒃᑯᑦ ᐊᑐᓕᖅᑎᑦᓯᓚᐅᕐᒥᔪᑦ ᑎᒍᔭᐅᒪᔪᓄᑦ ᓄᓇᒃᑰᔫᓄᑦ ᐊᒻᒪ ᓱᓇᒃᑯᑖᓄᑦ ᒪᓕᒐᕋᓛᕐᒥᑦ 944.
ᐃᓘᓐᓇᖏᓐᓂᑦ ᒪᓕᒐᕐᓂᑦ ᐱᔾᔪᑎᓕᓐᓂᑦ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᔪᓕᕆᓂᕐᒥᑦ ᒪᓕᒐᕋᓛᒥᑦ 894, ᐊᓯᔾᔨᐅᑎᖓ ᒪᓕᒐᕋᓛᖅ 943 ᐊᒻᒪ ᓄᓇᒃᑰᔫᓄᑦ ᑎᒍᔭᐅᒪᔪᓄᑦ ᒪᓕᒐᕋᓛᖅ 944, ᓄᓇᓕᕐᒥᐅᑕᐃᑦ ᐊᒻᒪ ᐃᖃᓗᓐᓄᑦ ᓂᐅᕐᕈᕙᑦᑐᑦ ᐅᐸᖁᔭᐅᔫᒐᓗᐊᑦ ᑕᑯᒋᐊᕈᒪᒍᑎᒃ ᓄᓇᓕᐸᐅᔭᒃᑯᑦ ᐃᑭᐊᖅᑭᕕᖏᓐᓄᑦ ᐅᑯᓄᖓ www.iqaluit.ca.
https://www.iqaluit.ca/content/law-894-traffic-safety-law
https://www.iqaluit.ca/content/traffic-safety-law-no-943-amendment-law-894
https://www.iqaluit.ca/content/impounded-vehicle-and-equipment-law-no-944
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᕌᑦ ᒪᒡᕗᐊᕐᑦ
ᐊᖏᔪᖅᑳᖓᑦ ᒪᓕᒐᕋᓛᓕᕆᔨᒃᑯᑦ
City of Iqaluit
867-979-5670 | r.mugford@iqaluit.ca
