ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑐᓴᒐᔅᓴᐃᑦ ᓴᖅᑭᑎᑕᐅᔪᑦ
ᐃᖃᓗᐃᑦ ᐱᙳᐊᖅᑐᓕᕆᓂᕐᒧᑦ ᐊᔪᖏᓚᖅ ᐸᕐᓇᒍᑎ ᐱᓚᐅᖅᓯᒪᓪᓗᓂ ᑲᓇᑕᒥ ᑐᓂᔭᐅᔾᔪᑎᒥᒃ ᐱᐅᓂᕐᐹᖑᓂᒻᒧᑦ − ᖃᐅᔨᓇᓱᐊᓐᓂᒻᒥᒃ, ᑲᓇᑕᒥ ᑲᑐᔾᔨᖃᑎᒋᑦ ᓄᓇᓕᕆᓂᒻᒥ ᓴᓇᓯᒪᓂᓕᕆᔨ (CSLA)
ᐅᒡᒍᓯ 8, 2022 − ᐃᖃᓗᐃᑦ, ᓄᓇᕗᑦ
ᔪᐊᔾᔨ ᕼᐅᕐᕆᔅ ᐃᖃᓇᐃᔭᖃᑎᒋᑦ ᑎᒥᖁᑖ ᑐᓂᓯᔭᐅᓚᖅᓯᒪᒻᒪᑕ ᑲᓇᑕᒥ ᑐᓂᓯᔭᐅᓪᓗᓂ ᐱᐅᓛᖑᓂᖓᓄᑦ, ᖃᐅᔨᓇᓱᐋᓂᒻᒥ ᐃᒻᒥᒃᑰᖓᓂᖓᓂ, ᑲᓇᑕᒥ ᑲᑐᔾᔨᖃᑎᒋᑦ ᓄᓇᓕᕆᓂᒻᒥ ᓴᓇᓯᒪᓂᓕᕆᔨ (CSLA) ᐃᖃᓇᐃᔭᖃᑎᖃᓐᓂᖏᓐᓄᑦ ᓄᓇᓕᐸᐅᔭᖓᓂᒃ ᐃᖃᓗᐃᑦ ᐅᑯᓇᓂ ᐃᖃᓗᐃᑦ ᐱᙳᐊᖅᑐᓕᕆᓂᕐᒧᑦ ᐊᔪᖏᓚᖅ ᐸᕐᓇᐅᑎᖓᓂ.
ᑐᙵᕕᒋᓗᒋᑦ ᐃᓄᐃᑦ ᖃᐅᔨᒪᔭᑐᖃᖏᑦ, ᖃᐅᔨᓇᓱᐊᕐᓂᖅ ᐃᖃᓗᓐᓂ ᐱᙳᐊᖅᑐᓕᕆᓂᕐᒧᑦ ᐊᔪᖏᓚᖅ ᐸᕐᓇᐅᑎᖓᓂᒃ ᐊᑐᓕᖅᑎᑦᑎᓚᐅᒻᒪᑦ ᓄᓇᓕᒥᐅᑕᐃᑦ ᖃᐅᔨᒪᓂᖏᓐᓂᒃ (LocalsKnow) ᐱᓕᕆᐊᖑᓕᓪᓗᓂᓗ ᖃᐅᔨᔭᐅᖁᓪᓗᒍ ᐅᖃᓪᓚᒍᓯᖓ ᐱᙳᐊᖅᑐᓕᕆᓂᒻᒧᑦ ᐱᓕᕆᓂᕆᔭᐅᓱᖅ, ᓇᓗᓇᐃᖅᑕᐅᓪᓗᑎᒃ ᑕᒪᒃᑯᐊ ᐱᙳᐊᕐᕕᒃ ᑕᕝᕙᐅᔪᑦ ᓇᔪᒐᑐᐃᓐᓇᐅᖏᒻᒪᑕ, ᑭᓯᐊᓂᑦᑕᐅᖅ ᐃᓕᖅᑯᓯᒃᑰᖓᓂᖃᒻᒪᑕ ᐊᒻᒪᓗ ᐅᒃᐱᕆᔭᐅᔪᑎᒍ ᐋᖅᑭᒃᓯᒪᓂᖃᐅᕐᖓᑕ. ᓴᖅᑭᑎᑕᐅᓪᓗᓂ ᖃᐅᔨᓇᓱᐊᓐᓂᖅ ᑐᒃᓯᕌᕆᔪᐅᔪᖅ ‘ᐊᓯᕈᒻᒪᑦ’ ᐱᓕᕆᐊᖑᓇᓱᓐᓂᖓᓂᑦ ᐱᙳᐊᕐᕕᒃ ᐱᔭᐅᑎᑦᑎᓕᓪᓗᓂ ᐱᔭᐅᒋᐊᓕᓐᓂᒃ ᐊᒻᒪᓗ ᐱᒍᒪᔭᐅᓗᐊᙳᐊᖅᑐᓂᒃ ᐃᖃᓗᒻᒥᐅᓄᑦ ᓯᕗᓪᓕᐅᑎᑕᐅᓕᓪᓗᑎᒃ.
ᐸᕐᓇᒍᑎ ᐅᖃᐅᓯᖃᓗᐊᙳᐊᒻᒪᑦ ᑕᒪᔾᔭᐅᔪᓂᒃ ᐊᒻᒪᓗ ᓇᓗᓇᖏᑦᑎᐊᖅᑐᓂᒃ ᓴᙱᓂᖏᓐᓂᒃ ᓄᓇᓕᐅᑉ, ᑎᑎᖅᑕᐅᓯᒪᔪᑦ ᒫᓐᓇ ᐱᓕᕆᔾᔪᑎᒋᔭᐅᔪᑦ, ᐋᖅᑭᒃᓱᖅᓯᒪᓂᐅᔪᑦ ᐊᒻᒪᓗ ᐃᒫᖑᑐᐃᓐᓇᕆᐊᖃᓪᓗᑎᒃ ᑕᐅᕗᖓᒃᑲᓐᓂᖅ ᐱᕙᓪᓕᐊᑎᑕᐅᒐᔭᕐᓗᓂ ᑕᒪᒃᑭᒃᑕᐅᓗᓂ ᐱᙳᐊᖅᑐᓕᕆᓂᒻᒧᑦ ᐱᓕᕆᔾᔪᑏᑦ ᐃᓘᓐᓇᓕᒫᖓᓂ ᐊᑐᕈᓐᓇᓐᓂᓕᒫᖓᑕ. ᓇᓗᓇᐃᖅᓯᒻᒪᑦ ᐱᔭᐅᒋᐋᓕᑦ ᓄᓇᓕᒥᐅᑕᓐᓂᒃ ᐅᖓᑖᓄᖓᒻᒪᑕ ᐋᖅᑭᑦᑕᐅᓯᒪᕙᒌᑦᑐᑦ ᐃᓱᒪᒋᔭᐅᓯᒪᔪᑦ ᐱᙳᐊᖅᑐᓕᕆᓂᒻᒧᑦ ᒪᑯᑎᒎᓇ ᐃᑲᔪᖅᓱᐃᓪᓗᑎᒃ ᐃᖃᓗᒻᒥᐅᓂᒃ ᐊᑐᐃᓐᓇᖁᓪᓗᒋᑦ ᐃᓅᓯᖃᕈᓯᖏᓐᓂᒃ ᓈᒻᒪᓯᑦᑎᐊᓐᓇᕆᔭᐅᖏᓐᓂᒃ. ᐸᕐᓇᒍᑎ ᐱᒻᒪᕆᐅᓛᖑᖃᑕᐅᒻᒪᑦ ᖃᐅᔨᒪᑎᑕᐅᓪᓗᓂ ᓄᓇᓕᒻᒥᑦ ᓄᐊᑕᐅᓯᒪᔪᓂᒃ ᖃᐅᔨᒪᔪᑎᓂᑦ ᐃᓚᒋᔭᐅᓪᓗᑎᒃ ᐱᖅᑯᓯᒃᑰᖓᔪᑦ ᐊᒻᒪᓗ ᐊᑕᐅᑦᑎᒃᑰᖃᑎᒋᔭᐅᓪᓗᓂ ᐱᙳᐊᖅᑐᓕᕆᓂᐅᑉ ᐋᖅᑭᒃᓱᖅᓯᒪᓂᖏᓐᓄᑦ ᑕᒪᒃᑭᖏᓐᓂᒃ ᓄᓇᓕᒻᒥ ᐊᒻᒪᓗ ᐅᑭᐅᖅᑕᖅᑐᓕᒫᒥ ᐋᖅᑭᓱᖅᓯᒪᓂᖏᓐᓂ. ᑕᐃᒫᖑᓱᖑᓂᖓᓄᑦ ᓴᓇᕕᖁᐅᑉ ᖃᐅᔨᔭᐅᓇᓱᓂᖓ ᑲᔪᓯᑦᑎᐊᓂᖓᑕ ᓲᕐᓗ ᒪᑯᓇᓂ ᐃᒡᓗᖁᑎ ᐊᑲᕐᕉᑎᓕᑕᐅᓯᒪᓂᖓᑕ ᖃᓄᑎᒋᐅᓂᖓ ᐊᒻᒪᓗ ᐱᓕᕆᔾᔪᑎᒥ ᐱᓕᕆᖃᑕᐅᓂᖏᑦ ᑎᑎᖅᓯᒐᓛᑐᐃᓐᓇᒻᒪᑕ ᖄᖓᓂᒃ ᐊᖏᓂᖅᓵᓗᑉ ᐃᖃᓇᐃᔭᕆᔭᐅᔪᑉ ᓄᓇᓕᐸᐅᔭᒃᑯᓐᓂᒃ ᐃᖃᓗᐃᑦ ᐱᙳᐊᖅᑐᓕᕆᔨᒃᑯᖏᑕ ᐱᓕᕆᐊᕆᕙᑦᑕᖏᓐᓂ ᓄᓇᓕᒻᒥ.
ᓄᓇᓕᐸᐅᔭᒃᑯᑦ ᐃᖃᓗᐃᑦ ᓇᑯᒻᒦᕈᒪᒻᒪᑕ ᔪᐊᔾᔨ ᕼᐅᕐᕆᔅ ᐃᖃᓇᐃᔭᖃᑎᒋᑦ ᑎᒥᖁᑖᓂᒃ ᐊᒻᒪᓗ ᐃᓘᓐᓇᖏᓐᓂᒃ ᓄᓇᓕᒥᐅᑕᓐᓂᒃ ᑕᐃᒃᑯᓂᖓ ᑭᐅᖃᑦᑕᐅᒪᐅᖅᑐᓂᒃ ᐱᓕᕆᒍᓇᓯᑎᑕᐅᓪᓗᑎᒃ ᓄᓇᓕᐸᐅᔭᒃᑯᑦ ᐃᖃᓗᐃᑦ ᐱᖃᖁᓪᓗᒋᑦ ᐊᑑᑎᖃᑦᑎᐊᖅᑐᒥᒃ ᐱᙳᐊᖅᑐᓕᕆᓂᕐᒧᑦ ᐊᔪᖏᓚᖅ ᐸᕐᓇᐅᑎᒥᒃ ᐱᔭᐅᑎᑦᑎᔪᓐᓇᕋᔭᖅᑐᒥᒃ ᓄᓇᓕᒥᐅᑕᖁᑎᑦᑎᓐᓄᑦ ᐊᒡᒋᖅᑐᓂ ᐊᕐᕌᒍᓂᐊᑐᐃᓐᓇᖅᑐᓂ.
###
ᑐᑭᓯᐊᒃᑲᓐᓂᕈᒪᒍᕕᑦ, ᐊᑏᑐᖅ ᖃᐅᔨᒋᐊᕆᑦ ᐅᕗᖓ:
ᐊᓕᐊᒃᓯ ᑳᒧᕋᓐ
ᑐᓴᐅᒪᖃᑎᒋᓐᓂᕐᒧᑦ ᐊᒻᒪᓗ ᐱᔨᔅᓯᖅᑕᐅᕙᒃᑐᓄᑦ ᐱᔨᔅᓯᕈᑎᒥ ᐊᐅᓚᑦᑎᔨ
ᓄᓇᓕᐸᐅᔭᖅ ᐃᖃᓗᐃᑦ
867-979-5607 | a.cameron@iqaluit.ca
