ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑲᓇᑕᐅᑉ ᐅᓪᓗᖓᓂ ᓄᓇᓯᐅᕐᓗᑎᑦ ᓴᖅᑭᔮᕐᑎᑦᓯᖃᑕᐅᓛᕈᒪᔪᓂᑦ ᕿᓂᖅᑐᒍᑦ − ᐊᑎᓕᐅᖃᑕᐅᓯᒪᔪᑦ ᐅᓪᓗᖓᑕ ᑭᓪᓕᖓ ᐅᖓᔭᕆᐊᕐᑕᐅᔪᖅ ᔫᓂ 29, 2022ᒧᑦ
ᔪᓂ 23, 2022 - ᐃᖃᓗᐃᑦ, ᓄᓇᕗᑦ
ᐃᖃᓗᐃᑦ ᓄᓇᓕᐸᐅᔭᒃᑯᖏᑦ ᑐᓐᖓᓱᑦᑎᑦᓯᓕᕆᕗᑦ ᓄᓇᖃᖅᑐᓂᑦ, ᓄᓇᓕᓐᓂ ᑲᑐᔾᔨᖃᑎᒌᓂᑦ ᓇᖕᒥᓂᓕᓐᓂᓪᓗ ᓄᓇᓯᐅᑎᒥᓄᑦ ᓴᓇᓯᔭᖏᓐᓂᑦ ᓴᖅᑭᔮᕐᑎᑦᓯᖃᑕᐅᓛᕈᒪᔪᓂᑦ ᔪᓚᐃ 1ᖑᓕᕐᐸᑦ (ᑲᓇᑕᐅᑉ ᐅᓪᓗᖓᓂ ᓇᓪᓕᐅᓂᕐᓯᐅᖅᑎᓪᓗᒋᑦ) ᖁᕕᐊᓲᑎᖃᕐᓗᑎᑦ.
ᒪᓕᒐᖏᑦ ᓄᓇᓯᐅᑎᒃᑯ ᓴᖅᑭᔮᕐᑎᑦᓯᓛᕈᒪᔪᑦ ᓴᓇᐅᒐᒥᓂᖕ:
• ᐃᓘᓐᓇᑎᑦ ᓴᖅᑭᔮᕐᑎᒍᒪᔭᓯ ᓴᓇᐅᒐᓯ ᐊᒻᒪ/ᐅᕝᕙᓘᓐᓃᑦ ᐃᓄᐃᑦ ᐱᖃᑕᐅᓛᕈᒪᔪᑦ ᐊᑎᓕᐅᕐᓯᒪᒋᐊᓖᑦ ᓄᓇᓕᐸᐅᔭᒃᑯᑦ ᐱᓐᖑᐊᕐᑐᓕᕆᔨᒃᑯᖏᓐᓄᑦ ᓯᕗᕐᖓᒍᑦ ᐱᒋᐊᓚᐅᖏᓂᖏᓂ.
• ᐱᖃᑕᐅᓂᐊᕐᑐᓕᒫᑦ ᓴᖅᑭᔮᕐᑎᑦᓯᒋᐊᓖᑦ ᑕᑯᒥᓇᕐᓴᐅᑎᓕᓐᓂᑦ, ᓂᔾᔭᐅᓯᔭᕐᑐᓂᑦ, ᓴᓇᐅᒐᖏᓐᓂᑦ ᓄᓇᓯᐅᒻᒥ ᐊᒻᒪ/ᐅᕝᕙᓘᓐᓃᑦ ᐊᓐᓄᕌᓯᒪᓗᑎᑦ ᑕᑯᒥᓇᕐᑐᓂᑦ. ᓄᓇᓯᐅᑏᓪᓗ ᑲᓕᓐᓂᐊᕐᑐᑦ ᓴᖅᑭᔮᕐᑎᑦᓯᕕᖏᓐᓂᑦ ᑲᓕᒐᕐᓂᑦ ᑕᑯᒥᓇᕐᓴᐅᑎᖃᓛᕆᕗᑦ.
• ᑭᖑᓕᕐᕇᓪᓗᑎᑦ ᐃᖏᕐᕋᖃᑕᐅᓛᕐᑐᑦ ᓴᓇᓯᒪᑦᓯᐊᕆᐊᓖᑦ ᐊᑦᓱᖏᑦᓯᐊᕐᓯᒪᓗᑎᑦ ᐊᒻᒪ ᐊᑦᑕᓇᕐᔭᐃᕐᓯᒪᓗᒋᑦ ᓴᖅᑭᔮᕐᑎᓂᐊᕐᑕᖏᑦ ᓄᓇᓯᐅᑎᖏᓪᓗ ᑲᓕᓐᓂᐊᕐᑐᑦ ᐃᖏᕐᕋᒍᓐᓇᑦᓯᐊᕐᓗᑎᑦ. ᐊᑦᑕᓇᕐᔭᐃᕈᑏᑦ ᐊᖅᓵᖅᑑᔭᑦ ᓴᓐᓂᕈᐊᓖᓪᓗ ᐊᑐᕐᓗᒋᑦ ᑲᓕᒐᒦᑦᑐᒥᑦ ᑲᓕᓐᓂᐊᕈᕕᑦ. ᓇᖏᕐᓂᐊᕐᑐᑦ ᑲᓕᑕᒥ ᐊᑦᓱᖏᖅᑕᐅᓯᒪᓗᑎᑦ
ᐊᕙᓗᐊᒍᑦ ᐅᕝᕙᓘᓐᓃᑦ ᑎᒍᒻᒥᕕᖃᑦᓯᐊᕐᓗᑎᑦ ᐃᔪᒃᑲᖁᓇᒋᑦ.
ᐱᖃᑕᐅᔪᒪᒍᑦᓯ, ᐊᑎᓕᐅᕈᓐᓇᕐᑕᓯ ᓴᖅᑭᔮᕐᑎᓂᐊᕐᑕᓯᓂᑦ ᖃᐅᔨᒋᐊᕐᕕᒋᓗᒍ ᕕᓕ ᐋᓐᑐᓴᓐ ᔫᓂ 29, 2022ᖑᓚᐅᖏᓂᖓᓂ.
ᑐᑭᓯᒋᐊᒃᑲᓂᕈᒪᒍᕕᑦ ᖃᐅᔨᒋᐊᕐᕕᑦᓴᖅ:
ᕕᓕ ᐋᓐᑐᓴᓐ
ᐱᓐᖑᐊᕐᑐᓕᕆᔨ
867-979-5620 | b.anderson@iqaluit.ca
