ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᑦᑎᓂᑦ ᓴᓗᒪᑎᑦᓯᓂᖅ
ᔫᓂ 16, 2022- ᐃᖃᓗᐃᑦ, ᓄᓇᕗᑦ
ᑭᒡᒐᑐᖅᑐᒋᑦ ᓄᓇᑦᑎᓂ ᓴᓗᒻᒪᖅᓴᐃᑎᑦᓯᔨᕗᑦ ᓄᓇᓕᐸᐅᔭᒃᑯᓪᓗ ᑲᑎᒪᔨᖏᑦ ᐃᖅᑲᓇᐃᔭᖅᑏᓪᓗ, ᓄᓇᓕᐸᐅᔭᒃᑯᑦ ᖁᕕᐊᓲᑎᖃᕈᒪᔪᑦ ᓄᓇᖃᖅᑐᓂᑦ, ᓇᖕᒥᓂᓕᓐᓂᑦ, ᒐᕙᒪᒃᑯᓐᓂᑦ ᐊᒻᒪ ᑲᑐᔾᔨᖃᑎᒌᓂᑦ ᑲᑎᑦᑐᓐᓇᓚᐅᕐᖓᑕ ᓴᓗᒻᒪᖅᓴᐃᓪᓗᑎᑦ ᐊᑕᐅᑦᓯᒃᑯᑦ ᓄᓇᑦᑎᓂ ᓴᓗᒻᒪᖅᓴᐃᓕᕐᒥᑎᓪᓗᑕ ᐊᕐᕌᒍᑦᑎᓂ. ᖁᔭᓐᓇᒦᖅᐸᑦᓯ ᐃᑲᔪᕈᒪᓂᑦᓯᓐᓄᑦ ᓴᓗᒻᒪᖅᓴᐃᓐᖑᐊᑕᕐᓯᓐᓇᓚᐅᕋᑦᓯ.
ᐃᒻᒪᖃ 1500 ᐊᑦᑕᑯᓂᑦ ᕿᓪᓚᔪᑭᐊᓂᑦ ᓄᐊᑦᓯᔪᓐᓇᓚᐅᕐᑐᑦ ᓴᓂᖅᑕᒥᓂᕐᓂᑦ ᓄᓇᑦᑎᓂ ᓴᓗᒻᒪᖅᓴᐃᑎᓪᓗᑕ − ᐃᖃᓗᓐᓂᑦ ᓴᓂᕐᓂᑦ ᓄᐊᑦᓯᓂᕐᐹᖑᓚᐅᕐᑐᒍᑦ ᐅᓪᓗᒥᒧᑦ !
ᐃᖃᓗᐃᑦ ᓄᓇᓕᐸᐅᔭᖓᑦ ᖁᔭᓐᓇᒦᕈᒪᕗᑦ ᑲᑐᔾᔨᖃᑎᑦᑎᓂᑦ ᓴᓗᒻᒪᖅᓴᐃᓂᑦᑎᓂ: ᓄᓇᕗᑦ ᒐᕙᒪᖓᑕ ᐊᕙᑎᓕᕆᔨᒃᑯᖏᑦ, ᓄᓇᕗᒧᑦ ᑐᕌᕋᑦᓴᓕᐅᕐᑏᑦ (ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ) ᐅᓂᒃᑳᕐᕕᐅᑉ ᐳᓚᕋᑦᑐᓕᕆᔨᖏᑦ, ᓯᓚᕐᔪᐊᒥ ᐆᒪᔪᓕᕆᔩᑦ ᑲᓇᑕᒥ, ᓴᓪᓗᒥᓂᐅᑉ ᐋᒃᑎᒃ ᕙᓐᓱᔅ ᓂᐅᕕᕐᕕᖓ, ᓄᐊᑦᒫᑦ ᑎᒻ ᕼᐅᐊᑕᓐ ᑳᐱᕐᕕᖓ, ᐃᓐᓂᕐᕕᒃᑯᑦ, ᕚᐱᓐ ᑳᓄᔅ ᓂᐅᕕᕐᕕᖓ ᐊᒻᒪ ᓯᓈᒃ ᓂᕿᓂᑦ ᑎᑭᓴᐃᕕᒃ.
ᑲᔪᖏᖅᑐᐃᔪᒪᕗᒍᑦ ᓄᓇᖅᑲᑎᑦᑎᓂᑦ ᓇᖕᒥᓂᓕᓐᓂᓪᓗ ᓄᓇᕗᑦ ᓴᓗᒪᐃᓐᓇᕈᓐᓇᖁᓪᓗᒍ ᐊᕐᕌᒍᓕᒫᖅ ᐅᑯᐊ ᐃᓱᒪᒋᔭᐅᓗᑎᑦ:
• ᐃᖅᑲᐃᑎᑦᓯᕙᓪᓗᑕ ᐱᖃᓐᓇᕆᔭᑦᑎᓂᑦ ᐃᓚᑦᑎᓂᓪᓗ ᐊᑦᑕᐅᑎᓕᐊᖑᓯᒪᔪᓄᑦ ᓇᒥᑐᐃᓐᓇᖅ ᐃᒋᑦᓯᖃᑦᑕᖁᓪᓗᒋᑦ
• ᓴᓂᕐᓂᑦ ᐴᖅᑲᐃᕙᓪᓗᓯ ᓅᓯᒪᓂᑦᓯᓂ, ᓯᑯᒥ ᐅᒥᐊᖅᑐᕐᓂᑦᓯᓂᓗ
• ᐊᑦᑕᐅᑎᕗᑦ ᓯᓚᒥ ᓴᓗᒻᒪᖅᓴᖅᐸᓪᓗᒋᑦ ᓴᓗᒻᒪᕆᐊᕆᐊᖃᓕᕋᐃᑉᐸᑕ
• ᐊᑦᑕᐅᑎᓯ ᑕᑕᑎᓗᐊᖃᑦᑕᖏᓪᓗᒋᑦ ᑐᓗᒐᕐᓄᑦ/ᕿᒻᒥᓄᑦ ᐊᒻᒪᑎᖅᑕᐅᖃᑦᑕᓂᐊᓐᖏᒪᑕ ᐊᑦᑕᑯᑦ
• ᓴᓇᖃᑦᑕᖅᑐᑦ ᓯᓚᑎᓯ ᓴᓗᒻᒪᖅᓴᕐᐸᓪᓗᒋᑦ ᐱᕈᓇᖅᓯᑎᓪᓗᒋᓪᓗ − ᐊᑦᑕᑯᑦ ᓱᓇᒃᑯᑏᓪᓗ ᑎᑦᑕᐅᑦᔭᐃᕐᓯᒪᕙᓪᓗᒋᑦ
• ᓯᒡᒐᓕᐊᒥᓃᑦ ᐴᖅᑲᑦᓯᐊᕐᐸᓪᓗᒋᑦ ᐃᒋᑦᓯᕕᓐᓄᑦ ᓯᒡᒐᓕᐊᒥᓂᕐᓄᑦ
ᓴᓗᒪᑎᓪᓗᒍ ᓄᓇᓕᐸᐅᔭᕗᑦ ᐃᓱᒪᑦᑎᓐᓄᑦ ᐊᑲᐅᓯᓴᕈᑕᐅᒻᒥᒻᒪᑦ ᐊᒻᒪ ᐃᒪᖁᑎᕗᑦ ᐆᒪᔪᓪᓗ ᖃᓄᐃᖁᓇᒋᑦ.
ᓄᓇᓕᐸᐅᔭᒃᑯᑦ ᖁᔭᓐᓇᒦᓪᓚᕆᒃᑭᕗᑦ ᓄᓇᖃᖅᑐᓂᑦ ᐃᑲᔪᕐᐸᒻᒪᑕ ᐅᖓᑎᒃᑲᓂᐊᓄᑦ ᓴᓗᒻᒪᖅᓴᐃᓂᖕᒥᑦ ᐋᖅᑭᑦᓱᐃᓕᕋᐃᒻᒪᑕ ᐃᒻᒥᓂᖕ ᓄᓇᒥᓂᖕ ᓴᓗᒻᒪᖅᓴᐃᕙᒻᒪᑕ ᐊᕐᕌᒍᓕᒫᖅ. ᓯᕗᓕᕐᑎᐅᕙᒃᑲᑦᓯ ᓇᓗᓇᕋᓂᓗ ᐱᒃᑯᒋᓪᓗᒍ ᐱᓐᓇᕆᒐᑦᓯᐅᖕ ᐊᕙᑎᕗᑦ ᓄᓇᕗᓪᓗ.
ᐊᖏᔪᖅᑲᐅᑎᖃᖅᕕᒃ ᓄᓇᓕᐸᐅᔭᕗᑦ ᓄᓇᕗᒥ, ᐃᔾᔪᐊᕈᒥᓇᕐᑐᒥᑦ ᐊᑲᐅᔪᒧᑦ ᓴᖅᑭᔮᕐᑎᑦᓯᖁᓪᓗᑕ ᐊᒻᒪ ᐊᑦᑕᑯᓂᑦ ᓄᓇᑐᐃᓐᓇᕐᒨᕐᑎᑦᓯᑕᐃᓕᓗᑕ.
##
ᑐᑭᓯᒋᐊᒃᑲᓂᕈᒪᒍᕕᑦ, ᖃᐅᔨᒋᐊᕈᓐᓇᕐᑐᑎᑦ ᐆᒧᖓ:
ᐊᓕᒃᓯ ᑳᒧᕋᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5607 |a.cameron@iqaluit.ca
