ᐊᑐᕆᐊᓂᑦ ᐊᑦᑕᓇᐃᖅᓯᒪᓂᖅ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᓂᑦ ᐊᑦᑕᓇᐃᖅᓯᒪᓂᖅ
ᔪᓂ 2, 2022 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᐃᑦ ᑐᓴᖅᑎᑦᑎᒍᒪᔪᑦ ᐃᖃᓗᒻᒥᐅᑕᓂᑦ ᐱᔾᔪᑎᖃᖅᑐᓂᑦ ᒪᓕᑦᑕᐅᔭᕆᐊᓕᓐᓂᑦ ᐊᑖᓂ ᓄᓇᓕᒻᒥ ᐃᖏᕋᖃᑦᑕᖅᑐᓄᑦ ᐊᑦᑕᓇᐃᖅᓯᒪᓂᕐᒧᑦ ᒪᓕᒐᕋᓛᖅ 894, ᐃᖅᑲᐃᑎᓪᓗᒋᑦ ᐃᖏᕋᖃᑦᑕᖅᑐᑦ ᐃᓚᖏᓐᓂ ᐊᑐᕆᐊᓂᑦ ᐊᑦᑕᓇᐃᖅᓯᒪᓂᕐᒧᑦ ᒪᓕᒐᐃᑦ, ᐊᒻᒪ ᑕᑯᔅᓴᐅᑎᓪᓗᒋᑦ ᓯᖁᒥᑦᑕᐅᒐᔪᖃᑦᑕᖅᑐᑦ.

ᓈᓚᑦᑕᐃᓐᓇᕆᓗᒋᑦ ᓴᖅᑭᔮᖅᑎᑕᐅᔪᓕᒫᑦ ᐃᖏᕋᓂᖏᓐᓄᑦ ᑭᓪᓕᒋᒋᐊᖃᖅᑕᖏᑦ ᑎᑎᕋᖅᓯᒪᔪᑦ. ᐃᖏᕋᓂᖏᓐᓄᑦ ᑭᓪᓕᖏᑦ ᐃᖃᓗᓐᓂ ᑭᓯᐊᓂ ᐊᓯᐊᒍᑦ ᓴᖅᑭᔮᖅᑎᑕᐅᒍᓂ 30 ᑭᓚᒦᑕᐃᑦ/ᐃᑲᕐᕋᖅ.

ᐊᐅᓚᐅᑎᖃᖅᑐᓕᒫᑦ ᐃᖏᕋᔾᔪᑏᑦ ᐱᓯᒪᑦᑎᔭᕆᐊᓖᑦ ᒫᓐᓇᒨᖓᔪᓂᑦ ᐊᒻᒪ ᓇᓗᓇᐃᖅᑕᐅᓯᒪᔪᓂᑦ ᐊᑎᓕᐅᖅᓯᒪᓂᕐᒧᑦ ᐊᒻᒪ ᓇᓪᓕᐅᒃᑯᒫᓄᑦ, ᐃᖅᑲᓇᐃᔭᐅᑏᑦ ᐱᓲᑏᑦ ᐊᒻᒪ ᑎᓴᒪᓖᑦ ᐱᓲᑏᑦ ᐊᑎᓕᐅᖅᑕᐅᔪᓐᓇᖅᑐᑦ ᓄᓇᕗᑦ ᒐᕙᒪᒃᑯᓐᓂ ᐃᖏᕋᔪᓕᕆᔨᒃᑯᓐᓂ ᐊᒻᒪ ᒪᓕᒐᖅᑎᒍᑦ ᐱᔪᓐᓇᖅᑎᑕᐅᓗᓂ ᐊᐅᓚᑕᐅᓗᓂ ᐊᑐᕆᐊᓂᑦ.

ᑎᓯᔪᑦ ᓇᓴᐃᑦ ᐊᑐᖅᑕᐅᖏᓐᓇᕆᓖᑦ ᓇᓗᓇᐃᖅᑕᐅᓯᒪᔪᓄᑦ ᖃᓄᐃᑦᑑᓂᖏᓐᓄᑦ ᐱᖃᓯᐅᑎᓪᓗᑎ ᑎᓴᒪᓖᑦ ᐱᓲᑏᑦ 900 ᑭᓗᕈᒐᒻ ᖃᑎᓕᒫᖅᑐᒍ ᓄᓇᓯᐅᑦ ᐅᖁᒪᐃᓐᓂᖓ (GVW) ᐅᕝᕙᓘᓐᓃᑦ ᐃᑭᒪᕕᖓ ᒪᑐᓯᒪᓪᓗᓂ, ᓴᐳᒻᒥᔾᔪᑏᑦ ᓴᕕᕋᔭᐃᑦ, ᐅᕝᕙᓘᓐᓃᑦ ᐊᓯᖏᑦ ᖁᓛᒍᑦ ᐅᕝᕙᓘᓐᓃᑦ ᐃᑭᒪᕕᖓᓂ ᖃᓄᐃᑦᑑᓂᖓ ᐋᖅᑭᔅᓯᒪᓂᖓ.

ᐱᓲᑏᑦ ᐊᐅᓚᔪᓐᓇᖅᑎᑕᐅᖏᑦᑐᑦ ᓄᓇᓕᓐᒥ ᐊᑐᕆᐊᖏᓐᓂ ᑭᓯᐊᓂ ᐊᑎᓕᐅᖅᑕᐅᓯᒪᒍᓂ, ᓇᓪᓕᐅᒃᑯᒫᖃᕐᓗᓂ ᐊᒻᒪ ᓯᕗᖓᒍᑦ ᑐᓄᐊᒍᓪᓗ ᖃᐅᒻᒪᖅᑯᑎᖃᕐᓗᓂ.

ᓇᓪᓕᐅᒃᑯᒫᖃᖏᑦᑐᑦ ᐊᒻᒪ ᐊᑎᓕᐅᖅᑕᐅᓯᒪᖏᑦᑐᑦ ᐊᐅᓚᐅᑎᓖᑦ ᐃᖏᕋᔾᔪᑏᑦ ᐱᔭᐅᔪᓐᓇᖅᑐᑦ ᐊᒻᒪ ᐱᓯᒪᔭᐅᓗᑎ ᐊᒻᒪᓗᑦᑕᐅᖅ ᐊᑭᓖᑎᑕᐅᓗᑎ ᐊᑖᓂ ᓄᓇᓕᒻᒧᑦ ᐃᖏᕋᖃᑦᑕᖅᑐᓄᑦ ᐊᑦᑕᓇᐃᖅᓯᒪᓂᕐᒧᑦ ᒪᓕᒐᕋᓛᖅ.

ᐊᑐᖅᑕᐅᓂᖏᑦ ᕿᓗᐊᑦ ᐊᒻᒪ ᓱᕈᓯᕐᓄᑦ ᐃᔅᓯᕙᐅᑕᐃᑦ ᐊᑐᖅᑕᐅᖏᓐᓇᕆᐊᖃᖅᑐᑦ ᖃᖓᒃᑯᓕᒫᖅ, ᑭᓯᐊᓂ ᐱᔪᓐᓇᖅᑎᑕᐅᒍᓂ ᓇᓗᓇᐃᖅᑕᐅᓯᒪᔪᒧᑦ ᖃᓄᐃᑦᑑᓂᖓ ᐊᐅᓚᐅᑎᓕ ᐃᖏᕋᔾᔪᑎ ᐅᕝᕙᓘᓐᓃᑦ ᓇᓗᓇᐃᖅᑕᐅᓯᒪᔪᒧᑦ ᖃᓄᐃᑦᑑᓂᖑ ᐊᖁᑏᑦ ᐅᕝᕙᓘᓐᓃᑦ ᐃᑭᒪᔪᑦ ᐊᐅᓚᐅᑎᓕᒻᒥ ᐃᖏᕋᔾᔪᑎᒥᑦ ᐊᑖᓂ ᐃᖏᕋᖃᑦᑕᖅᑐᓄᑦ ᐊᑦᑕᓇᐃᑦᑎᒪᓂᕐᒧᑦ ᐱᖁᔭᖅ ᐃᓚᖓ 146 (4) ᐃᓚᒍᑕᒃᑲᓐᓂᖓ (a), (b) ᐊᒻᒪ (c).

ᐊᖅᑯᑦᑐᑦ ᐊᖁᒋᐊᖃᖏᑦᑐᑦ ᐃᖏᕋᔾᔪᑎᒥᑦ ᑎᒍᒥᐊᕐᓗᑎ ᐅᕝᕙᓘᓐᓃᑦ ᐊᑐᕐᓗᑎ ᐅᖄᓚᐅᑎᕋᓛᒥᑦ.

ᖄᖏᖅᓯᖃᑦᑕᕐᓂᖅ ᑕᓕᖅᐱᐊᒍᑦ ᐊᑐᕆᐊᒃᑯᑦ ᐱᔪᓐᓇᖅᑎᑕᐅᖏᑦᑐᖅ, ᑭᓯᐊᓂ ᓴᖑᓂᐊᕐᓂᖓᓄᑦ ᖃᐅᒪᖏᓐᓂ ᐃᑭᑦᑎᓯᒪᓗᓂ. ᐊᑐᕆᐊᑉ ᑭᓪᓕᖓᒍᑦ ᐅᕝᕙᓘᓐᓃᑦ ᐊᑐᕆᐊᒥᐅᖏᑦᑐᑦ ᖄᖐᓗᓂ ᑕᓕᖅᐱᐊᒍᑦ ᐱᔪᓐᓇᖅᑎᑕᐅᖏᑦᑐᖅ.

ᑖᒃᑯᐊ ᐊᑕᖏᕐᓇᑎ ᒪᓕᑦᑕᐅᔭᕆᐊᓖᓐᓇᐅᖏᑦᑐᑦ, ᓄᓇᓕᐸᐅᔭᒃᑯᑦ ᐃᖃᓗᐃᑦ ᑲᔪᖏᖅᓴᐃᔪᑦ ᐃᖃᓗᒻᒥᐅᑕᓕᒫᓂᑦ ᖃᐅᔨᒪᓂᖃᓕᕐᓗᑎ ᓄᓇᓕᒻᒥ ᐃᖏᕋᖃᑦᑕᖅᑐᓄᑦ ᐊᑦᑕᓇᐃᖅᓯᒪᓂᕐᒧᑦ ᒪᓕᒐᕋᓛᖅ 894 ᖃᐅᔨᒋᐊᕐᕕᒋᓗᒍ ᓄᓇᓕᐸᐅᔭᒃᑯᑦ ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᖓ https://www.iqaluit.ca/content/law-894-traffic-safety-law ᐊᒻᒪᓗᑦᑕᐅᖅ ᓄᓇᕗᒻᒥ ᐃᖏᕋᖃᑦᑕᖅᑐᓄᑦ ᐊᑦᑕᓇᐃᖅᓯᒪᓂᕐᒧᑦ ᐱᖁᔭᖅ https://www.nunavutlegislation.ca/en/consolidated-law/traffic-safety-act...

ᐃᑲᔪᖃᑕᐅᒋᑦ ᐊᑐᕆᐊᕗᑦ ᐊᑦᑕᓇᖏᑎᓪᓗᒋᑦ ᑭᒃᑯᓕᒫᓄᑦ.

ᑐᑭᓯᐊᒃᑲᓐᓂᕈᒪᒍᕕᑦ, ᐊᑏᑐᖅ ᖃᐅᔨᒋᐊᕆᑦ ᐅᕗᖓ:

ᕌᑦ ᒪᒡᕗᑦ
ᐊᖏᔪᖅᑳᖅ
ᓄᓇᓕᐸᐅᔭᖅ ᐃᖃᓗᐃᑦ
867-979-5670 | r.mugford@iqaluit.ca