ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᔅᓴᖅ
ᐃᓄᓐᓂᑦ ᑐᑭᓯᒋᐊᕈᑎᓄᑦ ᑲᑎᒪᓂᖓ – ᑭᓈᓗᓐᓄᑦ ᐱᖁᑎᕐᔪᐊᑦ
ᐱᐅᓯᑎᒋᐊᖅᑕᐅᓂᖏᓐᓄᑦ ᐱᓕᕆᐊᖅ
ᒪᐃ 25, 2022 – ᐃᖃᓗᐃᑦ, ᓄᓇᕗᑦ
• ᐱᖓᑦᑎᖅ, ᔫᓂ 15, 2022 ᐱᒋᐊᕐᓗᑎ 6:00 ᐅᓐᓄᒃᑯᑦ ᑎᑭᓪᓗᒍ 7:30 ᐅᓐᓄᒃᑯᑦ
• ᓄᓇᓕᐸᐅᔭᐃᑦ ᐊᓪᓚᕕᖓ (1085 ᒥᕝᕕᒃ ᐊᑐᕆᐊᖅ−ᓴᓂᕌᓃᑦᑐᖅ A)
• ᑐᓂᔭᐅᓂᐊᖅᑐᑦ ᐊᑐᐃᓐᓇᐅᓂᐊᖅᑐᑦ ᖃᓪᓗᓈᑎᑐᑦ ᐊᒻᒪ ᐃᓄᒃᑎᑐᑦ
• ᑐᓵᔨᖃᖅᑎᑦᑎᓂᐊᖅᑐᑦ ᓄᓇᓕᐸᐅᔭᐃᑦ ᐊᓪᓚᕕᖓᓂ
• ᑭᓇᕐᒧᑦ ᒪᑐᐊᑦ ᐊᑐᖅᑕᐅᖏᓐᓇᕆᐊᓖᑦ ᓄᓇᓕᐸᐅᔭᒃᑯᑦ ᐱᓕᕆᕕᖏᓐᓂ
• ᑲᑎᒪᓂᐅᔪᖅ ᑕᑯᔅᓴᐅᑦᑕᐅᑎᒋᓂᐊᕐᒥᔪᖅ ᖃᕋᓴᐅᔭᒃᑯᑦ ᓄᓇᓕᐸᐅᔭᐃᑦ ᐃᖃᓗᐃᑦ
ᕙᐃᔅᐳᒃ (Facebook) ᒪᑉᐱᒐᖓ
ᓄᓇᓕᐸᐅᔭᐃᑦ ᐃᖃᓗᐃᑦ ᐃᓄᓐᓂᑦ ᑐᑭᓯᒋᐊᕈᑎᖃᖅᑎᑦᑎᓂᕐᒧᑦ ᑲᑎᒪᑎᑦᑎᓂᐊᖅᑐᑦ ᐱᓕᕆᐊᖃᕐᓗᑎ ᓴᖅᑭᓂᐊᖅᑐᓂᑦ ᑭᓈᓗᓐᓄᑦ ᐱᖁᑎᕐᔪᐊᓄᑦ ᐱᐅᓯᑎᒋᐊᖅᑕᐅᓂᖏᓐᓄᑦ ᐱᓕᕆᐊᒧᑦ ᐊᑦᑐᐃᓂᖃᕐᓂᐊᖅᑐᖅ ᐃᓄᖃᕐᓂᓪᓗᐊᑕᖓᓂ ᒥᕝᕕᒃ ᐊᑐᕆᐊᖅ (ᐅᕙᓐᖓᑦ ᐅᑭᕕᑐᖃᒻᒨᕆᐊᖅ) ᐊᒻᒪ ᐊᓚᓐᖑᐊ ᐊᑐᕆᐊᖅ
(ᑎᑭᑦᑐᒍ ᐊᑭᓪᓕᖅ ᐊᑐᕆᐊᖅ).
ᑖᓐᓇ ᑐᑭᓯᒋᐊᕈᑎᖃᖅᑎᑦᑎᓂᐅᔪᖅ ᒪᑐᐃᖓᓂᐊᖅᑐᖅ ᓇᒻᒥᓂᕆᔭᐅᔪᓕᒫᓄᑦ ᐊᒻᒪ ᓄᓇᓕᒻᒥᐅᑕᓄᑦ ᑐᑭᓯᑦᑎᐊᑲᓐᓂᕈᒪᓂᖃᖅᑐᓂᑦ ᐱᓕᕆᐊᒥᑦ − ᐱᖃᓯᐅᑎᓪᓗᒥ ᓱᒻᒪᑦ ᑕᐃᒪᐃᒋᐊᖃᖅᑲ, ᖃᓄᖅ ᐱᒋᐊᕐᓂᖃᓂᐊᖅᑲ ᐊᒻᒪ ᖃᓄᖅ ᐱᐅᔪᓂᑦ ᐊᑦᑐᐃᓂᖃᓂᐊᖅᑲ ᓇᒻᒥᓂᕆᔭᐅᔪᓄᑦ ᐊᒻᒪ ᓄᓇᓕᒻᒥᐅᑕᓄᑦ.
ᐃᓚᒋᐊᕐᓗᒍ, ᑐᓂᓯᒍᓐᓇᓂᐊᕐᓗᑕ ᑐᑭᓯᒋᐊᕈᑎᓂᑦ ᐱᓕᕆᐊᒧᑦ ᐊᒻᒪ ᓇᓗᓇᐃᕐᓗᒍ ᓄᓇᓕᐸᐅᔭᐃᑦ ᐱᓕᕆᐊᖃᕐᓗᑎ ᖃᓄᐃᑦᑐᑐᐃᓐᓇᕐᓂᑦ ᐃᓱᒫᓗᒋᔭᐅᒧᓂᑦ ᓄᓇᓕᒻᒥᐅᑕᓄᑦ ᐊᒻᒪ ᓇᒻᒥᓂᕆᔭᐅᔪᓄᑦ, ᓄᓇᓕᐸᐅᔭᐃᑦ ᓴᖅᑭᑎᑦᑎᓯᒪᔪᑦ ᑎᒍᒥᐊᖅᑎᐅᖃᑕᐅᔪᓂᑦ ᐃᓚᒋᔭᐅᑎᑦᑎᓂᕐᒧᑦ ᑎᒥᐅᔪᒥᑦ ᑖᔅᓱᒧᖓ ᑭᓈᓗᓐᓄᑦ ᐱᐅᓯᑎᒋᐊᖅᑕᐅᓂᖏᓐᓄᑦ ᐱᓕᕆᐊᖅ. ᐅᖃᐅᓯᐅᔪᓐᓇᓂᐊᖅᑐᑦ ᐱᖃᓯᐅᔾᔨᔪᓐᓇᖅᑐᑦ ᓄᓇᓯᐅᑎᖃᕐᕖᑦ, ᐱᓱᖃᑦᑕᖅᑐᑦ ᐊᑦᑕᓇᐃᖅᓯᒪᓂᖏᑦ, ᓄᖅᑲᑲᐃᓐᓇᖃᑦᑕᖅᑐᑦ ᐃᒥᕐᒧᑦ ᐊᒻᒪ ᑭᓈᓗᓐᓄᑦ ᐱᔨᑦᑎᖅᑕᐅᔪᑦ, ᐊᒻᒪ ᐊᑐᕆᐊᑦ ᒪᑐᔭᐅᓯᒪᓂᖏᑦ.
ᓇᒻᒥᓂᕆᔭᐅᔪᑦ ᐊᒻᒪ ᓄᓇᓕᒻᒥᐅᑕᐃᑦ ᐃᓚᒋᔭᐅᔪᒪᒍᑎ ᐃᓄᓐᓂᑦ ᑐᑭᓯᒋᐊᕈᑎᖃᖅᑎᑦᑎᓂᕐᒧᑦ ᑲᑎᒪᓂᕐᒧᑦ ᐅᕝᕙᓘᓐᓃᑦ ᑎᒍᒥᐊᖅᑎᐅᖃᑕᐅᔪᑦ ᐃᓚᒋᔭᐅᑎᑦᑎᓂᕐᒧᑦ ᑎᒥᖓ, ᖃᐅᔨᒋᐊᕐᕕᒋᒍᒃ ᑳᒧᕋᓐ ᒪᒃᑖᓄᑦ ᐅᕙᓂ c.mcdonald@iqaluit.ca.
###
ᑐᑭᓯᐊᒃᑲᓐᓂᕈᒪᒍᕕᑦ, ᐊᑏᑐᖅ ᖃᐅᔨᒋᐊᕆᑦ ᐅᕗᖓ:
ᑳᒧᕋᓐ ᒪᒃᑖᓄᑦ
ᐱᓕᕆᐊᓂᑦ ᐱᓕᕆᔨ
ᓄᓇᓕᐸᐅᔭᖅ ᐃᖃᓗᐃᑦ
c.mcdonald@iqaluit.ca
