ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᓯᔾᔨᖅᑐᑦ ᑲᐴᖅᑕᐅᓯᒪᓂᕐᒧᑦ ᐋᓂᐊᓇᖕᖏᑦᑐᒧᑦ ᐊᒻᒪ ᑮᓇᕐᒧᑦ ᒪᑐᐊᕐᓯᒪᒋᐊᖃᕐᓂᕐᒥᑦ
ᐃᐳᕈ 14, 2022 - ᐃᖃᓗᐃᑦ, ᓄᓇᕗᑦ
ᕕᕝᕗᐊᕆ 22, 2022, ᐱᓕᕆᔾᔪᑎᐅᓗᓂ ᑰᕕᑦ-19 ᓄᕙᕐᔪᐊᕐᓇᖅᑐᖅ ᐊᒥᓱᓄᑦ ᐋᓐᓂᐊᒍᑎᐅᓚᐅᖅᑐᖅ, ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐊᑐᓕᖅᑎᑦᑎᓕᓚᐅᖅᑐᑦ ᒪᓕᒐᕋᓛᕐᒥᑦ 931 ᐃᓯᕈᓐᓇᓂᕐᒧᑦ ᑲᑎᒪᔩᑦ ᑲᑎᒪᕕᖏᓐᓄᑦ, ᑲᑎᒪᔩᑦ ᑲᑎᒪᔨᕋᓛᖏᑕ ᑲᑎᒪᕕᖏᓐᓄᑦ ᐊᒻᒪ ᓄᓇᓕᓐᓂᑦ ᐊᐅᓚᑦᑎᔨᐅᔪᑦ ᐃᓪᓗᖁᑎᖏᓐᓄᑦ ᐊᑐᖅᑕᐅᓂᖓᓂᑦ ᑰᕕᑦ-19 ᓄᕙᕐᔪᐊᕐᓇᖅᑐᖅ ᐊᒥᓱᓄᑦ ᐋᓐᓂᐊᒍᑎᐅᓚᐅᖅᑐᖅ ᑲᐴᖅᑕᐅᓯᒪᒋᐊᖃᕐᓂᕐᒥᑦ ᐋᓐᓂᐊᓇᖕᖏᑦᑐᒧᑦ ᐱᑕᖃᖕᖏᕚᓪᓕᖁᓪᓗᒋᑦ ᐅᓗᕆᐊᓇᖅᑐᑦ ᐊᑦᑐᐊᔪᑦ ᑰᕕᑦ-19 ᓄᕙᕐᔪᐊᕐᓇᖅᑐᒧᑦ.
ᒐᕙᒪᒃᑯᑦ ᓄᓇᕘᒧᑦ ᐅᖃᐅᓯᕆᕋᑖᓚᐅᖅᑕᖓᑦ ᐱᓪᓗᒍ ᐊᑐᕈᓐᓃᑎᑦᑎᓂᕐᒥᑦ ᑭᒃᑯᑐᐃᓐᓇᕐᓂᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᑐᐊᕕᕐᓇᑐᒃᑯᑦ ᐱᑐᐃᓐᓇᐅᖏᔾᔪᑎᒋᓚᐅᖅᑕᖏᑦ, ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐊᓯᔾᔨᐅᑎᐅᔪᓂᑦ ᒪᓕᒐᕋᓛᑉ ᑎᑎᕋᕐᓯᒪᓂᖏᓐᓂᑦ ᐊᑦᑐᐃᔪᓂᑦ ᑲᐴᖅᑕᐅᓯᒪᓂᕐᒧᑦ ᐊᒻᒪ ᑮᓇᕐᒧᑦ ᒪᑐᐊᕐᓯᒪᒋᐊᖃᕐᓂᕐᒥᑦ ᐱᔾᔪᑎᖃᖅᑐᑦ ᐊᑐᖅᑕᐅᖁᔭᐅᔪᑦ ᐱᒋᐊᖅᑎᑕᐅᔪᑦ ᐃᓗᐊᓅᖓᓪᓗᑎᒃ ᓄᓇᓕᓐᓂᑦ ᐊᐅᓚᑦᑎᔨᓄᑦ ᐃᓪᓗᖁᑎᖏᑕ.
ᐃᖃᓗᐃᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᓂᕈᐊᓚᐅᕐᒪᑕ ᐊᓯᔾᔨᖅᑕᐅᖁᓪᓗᒍ ᒪᓕᒐᕋᓛᖅ #931, ᐲᖅᑕᐅᓗᑎᒃ ᓇᓗᓇᐃᔭᐃᖁᔨᔾᔪᑏᑦ ᑲᐴᖅᑕᐅᓯᒪᒋᐊᖃᕐᓂᕐᒥᑦ ᐋᓐᓂᐊᓇᖕᖏᑦᑐᒧᑦ ᑭᒃᑯᑐᐃᓐᓇᕐᓄᑦ ᐊᑐᖅᑕᐅᓚᐅᖅᑐᒥᑦ ᐊᑕᐅᑦᑎᒃᑯᑦ ᐃᓚᓯᓪᓗᑎᒃ ᐊᑐᖅᑕᐅᒋᐊᓕᓐᓂᑦ ᑭᒃᑯᑐᐃᓐᓇᕐᓄᑦ, ᐊᒻᒪ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᓐᓄᑦ, ᑮᓇᕐᒧᑦ ᒪᑐᐊᕐᓯᒪᒋᐊᖃᖅᑎᑕᐅᓗᑎᒃ ᐃᓗᐊᓅᕐᓂᐊᕈᑎᒃ ᓄᓇᓕᓐᓂᑦ ᐊᐅᓚᑦᑎᔨᓄᑦ ᐃᓪᓗᖁᑎᖏᑕ. ᐊᓯᔾᔨᐅᑎᐅᔪᖅ ᓴᖅᑭᖅᑕᐅᓂᐊᖅᑐᖅ ᐃᐳᕈ 26, 2022 ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᑲᑎᒪᓕᖅᐸᑕ.
ᓄᓇᓕᐸᐅᔭᒃᑯᑦ ᓄᓇᓕᕐᒥᐅᑕᓂᑦ ᑮᓇᕐᒧᑦ ᒪᑐᐊᕐᓯᒪᖁᔭᐅᓂᐊᖅᑐᑦ ᐃᓄᒋᐊᕝᕕᓐᓃᓕᕋᐃᒍᑎᒃ ᐅᕝᕙᓘᓐᓃᑦ ᐅᐸᕝᕕᐅᕙᓐᓂᖏᓐᓄᑦ ᓄᓇᓕᓐᓂᑦ ᐊᐅᓚᑦᑎᔨᓄᑦ ᐃᓪᓗᖁᑎᖏᑕ. ᐊᑐᖅᑕᐅᒋᐊᑐᖕᖏᑦᑐᖅ ᐃᓗᐊᓃᑦᑐᓄᑦ ᐊᐅᓚᔭᑦᑐᓄᑦ ᐊᒻᒪ ᐱᖕᖑᐊᖅᑐᓄᑦ (ᓲᕐᓗ ᐳᐃᔾᔪᕋᕐᕕᐅᑉ ᐃᓗᐊᓂ, ᐃᖃᐃᓕᓴᕐᕕᐅᑉ, ᐊᓯᖏᓐᓂᓪᓘᓐᓃᑦ.)
ᖁᔭᓐᓇᒦᕌᓗᒃ ᓄᓇᓕᕐᒥᐅᑕᐃᑦ ᒪᓕᖕᖑᐊᑕᕐᓯᓇᖅᐸᒻᒪᑕ ᑕᒪᒃᑯᓂᖓ ᐊᑐᐊᕆᐊᓕᓐᓂᑦ ᐊᒻᒪ ᐃᓕᑉᐸᓪᓕᐊᓂᕆᔭᕗᑦ ᒪᓕᑦᑐᒍ ᐱᑕᖃᐃᓐᓇᕐᓂᐊᓕᖅᑎᓪᓗᒍ ᑰᕕᑦ-19 ᓄᕙᕐᔪᐊᓇᖅᑐᖅ ᐃᓅᓯᑦᑎᓐᓂ ᑐᑭᓯᐅᒪᓂᕐᓴᐅᓕᖅᑐᑕᓗ ᖃᓄᖅ ᐅᕙᑦᑎᓐᓂᑦ ᓴᐳᒻᒥᒍᓐᓇᕐᒪᖔᑦᑕ ᑕᒪᑦᓱᒧᖓ.
ᐃᖃᓗᐃᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᐊᖏᕐᓯᒪᔪᑦ ᐊᑐᖅᑕᐅᒋᐊᓕᓐᓂᑦ ᖃᐅᔨᒋᐊᒃᑲᓐᓂᓛᕆᐊᑦᓴᖅ ᒪᐃ 24, 2022 ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᑲᑎᒪᓕᕐᒥᑉᐸᑕ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᔭᕗᕆ ᐴᕐᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᓂᕐᒥᑦ ᐊᐅᓚᑦᑎᔨᐅᑲᐃᓐᓇᖅᑐᖅ
ᓄᓇᓕᐸᐅᔭᐃᑦ ᐃᖃᓗᐃᑦ
g.byrne@iqaluit.ca
