ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᓐᓄᑦ ᑐᓴᕋᔅᓴᖅ
ᓄᓇᓕᐸᐅᔭᖓᑕ ᐃᖃᓗᐃᑦ ᑕᒪᐃᑎᒍᑦ ᐸᕐᓇᒍᑎᖓ ᐊᒻᒪᓗ ᐊᕕᒃᑐᖅᓯᒪᓂᓕᐅᕐᓂᕐᒧᑦ ᒪᓕᒐᕋᓛᖅ 2022 – ᓄᓇᓕᒻᒥ ᖃᐅᔨᒐᓱᐊᓐᓂᖅ
ᒫᑦᓯ 4, 2022 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᖓ ᐃᖃᓗᐃᑦ ᓴᓇᕙᓪᓕᐊᓕᒻᒪᑦ ᓄᑖᒥᒃ ᑕᒪᐃᑎᒍᑦ ᐸᕐᓇᒍᑎᒥᒃ ᐊᒻᒪᓗ ᐊᕕᒃᑐᖅᓯᒪᓂᓕᐅᕐᓂᕐᒧᑦ ᒪᓕᒐᕋᓛᖅ ᐋᖅᑭᑦᑕᐅᖁᓪᓗᒍ ᖃᓄᐃᓕᖓᓕᕋᔭᒻᒪᖔᑦ ᓄᓇᓕᐸᐅᔭᖅ ᐊᖏᓪᓕᕙᓪᓕᐊᑎᓪᓗᒍ ᐊᑐᖅᑎᓪᓗᒋᑦ ᐊᑐᓐᓂᐋᑐᐃᓐᓇᖅᑐᑦ 20 ᐊᕐᕌᒍᐃᑦ. ᐃᑲᔪᑦᑕᐅᖁᓪᓗᒋᑦ ᐃᖃᓗᒻᒥᐅᑦ ᐊᖑᒻᒪᑎᑎᑕᐅᓗᑎᒃ ᐅᓪᓗᒥᒧᑦ, ᓴᓇᔭᔅᓴᖅ ᐃᑭᐊᕿᕕᒃ ᐋᖅᑭᔅᓱᑦᑕᐅᓯᒪᓕᖅᑯᒃ. ᐃᖃᓗᒻᒥᐅᑕᐃᑦ ᓇᓂᓯᒍᓐᓇᖁᑦ ᑐᓴᐅᒪᔾᔪᑎᒃᓴᓂᒃ ᓴᓇᔭᒃᓴᒧᑦ ᑕᐃᑰᓇ ᐃᑭᐊᕿᕕᒃᑯᑦ.
ᐃᓚᒋᔭᐅᓗᓂ ᑖᔅᓱᒧᖓ ᐱᓕᕆᓂᐅᔪᒧᑦ, ᓄᓇᓕᐸᐅᔭᒃᑯᑦ ᑐᓴᕈᒪᒻᒪᑕ ᐃᖃᓗᒻᒥᐅᑕᐅᖃᑕᐅᔪᓂᒃ. ᓄᓇᓕᒻᒥ ᖃᐅᔨᓇᓱᐊᓐᓂᖅ ᒪᑐᐃᖓᓕᖅᑐᖅ ᑎᑭᓪᓗᒍ ᒫᑦᓯ 25 ᐊᒻᒪᓗ ᓯᕗᓪᓕᖅᐹᖑᓂᐊᖅᑐᓂ ᐊᒥᓱᓂᑦ ᐱᒋᐊᕐᕕᔅᓴᐅᔪᓂᒃ ᐅᖃᕝᕕᐅᓗᑎᒃ ᓄᓇᓕᐸᐅᔭᒃᑯᑦ ᖃᐅᔨᖃᑦᑕᖅᓯᒪᔭᓐᓂᒃ, ᐃᓱᒪᒋᔭᓐᓂᒃ, ᐊᒻᒪᓗ ᐱᒍᒥᓇᖅᑐᖁᑎᓂᒃ. ᖃᐅᔨᓇᓱᐊᓐᓂᖅ ᐱᔭᐅᒍᓐᓇᖅᑐᖅ ᓴᓇᔭᔅᓴᐅᑉ ᐃᑭᐊᕿᕕᖓᒍᑦ, ᐅᕝᕙᓗᓂᑦ ᒪᑯᑎᒎᓇ ᐃᓚᖓᑦᑎᒍ ᖃᕋᑕᐅᔭᒃᑰᕈᑎᖃᕖᒃ:
• ᖃᓪᓗᓇᐅᔨᖓᔪᑦ ᖃᐅᔨᓇᓱᐊᕈᑎ
• ᐃᓄᒃᑎᑑᖓᔪᖅ ᖃᐅᔨᓇᓱᐊᕈᑎ
• ᐅᐃᕖᑎᑑᖓᔪᖅ ᖃᐅᔨᓇᓱᐊᕈᑎ
ᐊᑏ ᐅᖃᕝᕕᒋᓚᐅᕈᒃ ᓄᓇᓕᐸᐅᔭᐅᑉ ᐃᖃᓇᐃᔭᖅᑎᖓ ᐃᑲᔪᖅᑕᐅᒋᐊᖃᑐᐊᕈᕕᑦ ᐅᕝᕙᓗᓂᑦ ᑕᕝᕙᐅᔪᒥᒃ ᑕᕐᕋᓕᐊᕆᓯᒪᔪᒥᒃ ᖃᐅᔨᓇᓱᐊᕈᑎᒥᒃ.
ᓇᑯᒻᒦᕈᑎᒋᓗᒍ ᓄᓇᓕᒻᒧᒃ, ᑕᐃᒃᑯᐊ ᐃᓄᐃᑦ ᐱᕙᕇᒃᓯᔪᑦ ᖃᐅᔨᓇᓱᐊᕈᒥᒃ ᐱᒍᓐᓇᖅᑎᑕᐅᕗᑦ ᐃᓚᒋᔭᐅᓕᕈᓐᓇᓪᓗᑎᒃ ᐊᒧᒋᐊᖅᑕᐅᒍᑎᒧᑦ ᐊᑕᐅᓯᒻᒧᑦ ᑲᑎᑕᐅᓯᒪᔪᓄᑦ ᐃᓯᕈᓐᓇᐅᑎ ᐳᐃᔾᔪᕌᕝᕕᒻᒧᑦ (4 ᐃᓯᕈᓐᓇᑎᒃ) ᐅᕝᕙᓗᓂᑦ ᒪᕐᕉᒃ ᓂᕿᑖᕈᑎᒃ ᑐᓂᓯᒍᑎ ᐱᓯᒪᔭᒐᐃᑦ ᐊᑭᖃᓪᓗᐊᓪᓗᑎᒃ ᑎᑭᐅᒪᔪᓂᒃ $50−ᒧᑦ ᐊᑐᓂ.
##
ᑐᑭᓯᐊᒃᑲᓐᓂᕈᒪᒍᕕᑦ, ᐊᑏᑐᖅ ᖃᐅᔨᒋᐊᕆᑦ ᐅᕗᖓ:
ᐊᓕᐊᒃᓯ ᑳᒧᕋᓐ
ᑐᓴᐅᒪᖃᑎᒋᓐᓂᕐᒧᑦ ᐊᒻᒪᓗ ᐱᔨᔅᓯᖅᑕᐅᕙᒃᑐᓄᑦ ᐱᔨᔅᓯᕈᑎᒥ ᐊᐅᓚᑦᑎᔨ
ᓄᓇᓕᐸᐅᔭᖅ ᐃᖃᓗᐃᑦ
867-979-5607 | a.cameron@iqaluit.ca
