ᐃᒥᐅᑉ ᖃᓄᐃᓐᓂᖓ ᐱᓪᓗᒍ ᑐᓴᕋᑦᓴᖅ

ᐃᒥᐅᑉ ᖃᓄᐃᓐᓂᖓ ᐱᓪᓗᒍ ᑐᓴᕋᑦᓴᖅ

ᓄᓇᓕᕐᒥᐅᑕᐃᑦ ᖃᐅᔨᒪᖁᔭᐅᓕᕆᕗᑦ ᓱᓪᓗᓕᒃ ᐃᒥᕐᒧᑦ ᐊᑐᖅᑕᐅᓕᕐᒪᑦ ᐃᒥᕐᒥᒃ ᓴᓗᒻᒪᕐᓴᐃᕕᒻᒥ. ᓱᓪᓗᓕᒃ ᐊᑐᖅᑕᐅᒋᐊᓕᓚᐅᖅᑐᖅ ᐅᓐᓄᒃᑯᑦ ᔮᓐᓄᐊᕆ 19. ᓱᓪᓗᓕᒃ ᐃᒻᒪᐸᑦᑐᖅ ᐃᒥᖅᑕᕕᒻᒥᑦ ᑲᖕᖔᑎᑕᐅᕙᑦᑐᒥᑦ, ᖁᐱᕐᕈᐊᕐᔪᕋᓛᓂᑦ ᑐᖁᓴᐃᑎᓂᑦ ᐃᓚᐅᖅᑕᐅᓕᖅᑐᓂ ᐊᒻᒪ ᓱᓪᓗᓕᒃᑰᖅᑎᑕᐅᓕᖅᑐᓂ ᐃᒥᖃᖅᑎᑦᓯᔾᔪᑎᒧᑦ ᐊᖏᕐᕋᓄᑦ ᓄᓇᓯᐅᑎᒃᑯᑦ ᐊᒻᒪ ᓱᓪᓗᓕᒃᑯᑦ ᐃᒥᖃᖅᑎᑕᐅᕙᑦᑐᓄᑦ. ᑕᒪᓐᓇ ᐃᒥᖅ ᖄᖐᕙᑦᑐᖅ ᐃᓘᓐᓇᖏᓐᓂᑦ ᖁᐊᖅᑕᖅᑐᓂᑦ ᖃᑦᑕᓂᑦ ᐃᒥᕐᒥᒃ ᓴᓗᒻᒪᕐᓴᐃᕕᒻᒦᑦᑐᓂᑦ, ᐊᒻᒪ ᖃᐅᔨᓴᖅᑕᐅᖏᓐᓇᖅᑐᓂ ᓱᕈᓐᓇᖅᑐᖃᓕᖕᖏᒃᑲᓗᐊᕐᒪᖔᖅ ᐃᒥᖅ.

• ᐃᒥᖅ ᑎᖅᑎᑎᑕᐅᖁᔭᐅᔪᖅ ᐊᑐᖅᑕᐅᓚᐅᖏᓐᓂᖓᓂ ᒫᓐᓇᐅᓂᖓᓂ ᓄᓇᓕᕐᒥᐅᑕᓄᑦ ᓱᓪᓗᓕᒃᑯᑦ ᐊᒻᒪ ᓄᓇᒃᑰᔫᒃᑯᑦ ᐃᒥᖃᖅᑎᑕᐅᕙᑦᑐᓂᑦ.
• ᐃᓘᓐᓇᑎᒃ ᐃᒥᓕᒫᑦᑎᐊᑦ ᑎᖅᑎᑎᑕᐅᖃᑦᑕᕆᐊᓖᑦ ᐅᑯᓄᖓ ᐊᑐᖅᑕᐅᓂᐊᕈᑎᒃ:

• ᐃᒥᖅᑕᐅᓗᓂ.
• ᐱᐊᕋᕐᓄᑦ ᐊᒫᒪᓕᐅᕈᑎᐅᓗᓂ.
• ᔫᓯᓕᐅᕈᑎᐅᓗᓂ ᐊᒻᒪ ᓂᓚᓕᐅᕈᑎᐅᓗᓂ.
• ᐱᕈᖅᑐᒥᓂᕐᓂᒃ ᓯᕐᓇᖅᑐᓂᑦ ᐊᒻᒪ ᓯᕐᓇᖏᑦᑐᓂᑦ ᐃᕐᕈᖅᑑᑎᐅᓂᐊᖅᑎᓪᓗᒍ.
• ᓂᖅᑎᐅᕈᑎᐅᓂᐊᖅᑎᓪᓗᒍ.
• ᑭᒍᑎᓯᐅᖅᑐᓄᑦ ᐃᕐᕉᑎᒋᓂᐊᕐᓗᒍ.

• ᐃᒥᖅ ᑎᖅᑎᑎᑕᐅᒋᐊᓕᒃ 1 ᒪᓇᒥᑦ ᐅᒃᑯᓯᒻᒥ ᐅᕝᕙᓘᓐᓃᑦ ᑏᓕᐅᕈᑎᒥ ᐃᒐᒦᓗᓂ ᐅᕝᕙᓘᓐᓃᑦ ᐅᐊᔭᒨᖅᑐᒧᑦ ᑎᓕᐅᕈᑎᒧᑦ ᐃᖕᒥᓂᒃ ᖃᒥᒍᑎᖃᖕᖏᑦᑐᒥ.

ᓄᓇᓕᐸᐅᔭᒃᑯᑦ ᖃᐅᔨᒪᖁᔨᒻᒥᔪᑦ ᓄᓇᓕᕐᒥᐅᑕᓂᑦ ᐊᖏᔪᐊᓘᖏᑦᑐᒥᑦ ᓱᕈᐃᓯᒪᔪᒥᑦ ᐱᑕᖃᓚᐅᕐᓂᖓᓂᑦ ᐅᓪᓛᖓᓂ ᔮᓐᓄᐊᕆ 19, 2022. ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ ᖃᐅᔨᑎᑕᐅᓚᐅᖅᑐᑦ ᑕᒪᑦᓱᒥᖓ ᐊᒻᒪ ᐱᓕᕆᐊᖃᓕᖅᑐᑎᒃ ᒪᓕᑦᑕᐅᓗᑎᒃ ᓯᕗᓂᐊᒍᑦ ᐋᖅᑭᑦᑕᐅᕙᒌᕐᓯᒪᔪᑦ ᐱᓕᕆᔾᔪᑎᑦᓴᑦ. ᖃᐅᔨᓴᖅᐸᓂᐊᖅᑐᑦ ᐃᒥᕐᒥᒃ ᐊᒻᒪ ᖃᐅᔨᓴᐃᓐᓇᓂᐊᖅᑐᑎᒃ.

• ᖃᐅᔨᓴᐅᑎᐅᔪᖅ ᖃᐅᑕᒫᑦ ᐃᒥᕐᒥᒃ ᓴᓗᒻᒪᕐᓴᐃᕕᒻᒥ ᓴᓗᒻᒪᓴᕐᓯᒪᔪᒥᑦ ᐃᒥᕐᒥᒃ ᖃᐅᔨᕕᐅᓚᐅᖅᑐᖅ ᐊᖏᔪᐊᓘᖏᑦᑐᒥᑦ ᓱᕈᐃᓯᒪᔪᒥᑦ.
• ᑯᕕᑎᑕᐅᓚᐅᖅᑐᖅ ᐃᒥᖅ ᐃᒥᒃᑯᕕᒻᒥᑦ ᐲᔭᖅᑕᐅᒐᓱᐊᖅᑐᓂ ᓱᕈᐃᓯᒪᓂᖓ ᓱᓪᓗᓕᓐᓅᓚᐅᖏᓐᓂᖓᓂ ᐃᒥᓕᕆᔾᔪᑎᓄᑦ.

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᔭᕝ ᐴᕐᓐ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓂᑦ ᐊᐅᓚᑦᑎᔨᐅᑲᐃᓐᓇᖅᑐᖅ
g.byrne@iqaluit.ca