ᐱᒻᒪᕆᐋᓗᒃ ᑐᓴᐅᒪᒍᑎᔅᓴᖅ ᐅᖃᐅᓯᖃᑦᑐᖅ ᐃᕝᕕᑦ ᓄᓇᖁᑎᖓᓄᑦ ᑖᔅᓯᔭᕈᑎᒧᑦ ᐊᑭᓖᖁᔨᒍᑎᒥᒃ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐱᒻᒪᕆᐋᓗᒃ ᑐᓴᐅᒪᒍᑎᔅᓴᖅ ᐅᖃᐅᓯᖃᑦᑐᖅ ᐃᕝᕕᑦ ᓄᓇᖁᑎᖓᓄᑦ ᑖᔅᓯᔭᕈᑎᒧᑦ ᐊᑭᓖᖁᔨᒍᑎᒥᒃ

ᕕᕝᕗᐊᕆ 25, 2026 – ᐃᖃᓗᐃᑦ, ᓄᓇᕗᑦ

 

ᓄᓇᓕᐸᐅᔭᖓ ᐃᖃᓗᐃᑦ ᖃᐅᔨᒪᖁᔨᒻᒪᑦ ᓄᓇᓕᒥᐅᑕᔪᓂᒃ ᐊᑐᑦᑕᐅᑲᐄᓐᓇᓂᐋᑦᑐᒥᒃ ᓄᓇᖁᑎᒧᑦ ᑖᔅᓯᔭᕈᔨᖑᑎᒥᒃ ᑐᓴᑦᑎᑦᑎᒍᑎᒥᒃ ᓯᕗᓪᓕᖅ ᐊᕝᕙᖓᓄᑦ 2026−ᒧᑦ ᐊᐅᓪᓚᑦᑎᑕᐅᓯᒪᓕᓐᓂᖏᓐᓄᑦ ᑎᑎᖃᓂᐋᕕᒃᑯᑦ ᐊᑐᓕᓪᓗᓂ ᕕᕗᐊᕆ 17, 2026−ᒥ.

ᐊᑭᓖᑕᐅᖁᔭᐅᓗᑎᒃ ᑎᑭᑎᓪᓗᒋᑦ ᐅᓪᓗᖏᒃ ᒪᕐᕈᐄᓕᓯᒪᔪᒃ ᐊᑭᓖᕕᐅᖁᔭᐅᓪᓗᑎᒃ. ᓯᕗᓪᓕᖅ ᐊᑭᓖᒍᑎ ᐱᔭᐅᒋᐋᖃᑉᐳᖅ ᒫᔾᔨ 31−ᖓᓂ, 2026 ᐊᒻᒪᓗ ᐱᖃᑖ ᐊᑭᓖᒍᑎᑦ ᐱᔭᐅᒋᐋᖃᑉᐳᖅ ᒪᐃ 29−ᖓᓂ, 2026−ᒥ. ᓄᓇᓕᒻᒥᐅᑕᔪᑦ ᑲᔪᖏᔅᓴᑦᑕᐅᕗᑦ ᐊᑭᓖᖁᔭᐅᓪᓗᑎᒃ ᐊᑭᓕᖁᔭᐅᔪᓂᒃ ᐅᓪᓗᖓᓂ ᐅᕝᕙᓘᓐᓃᑦ ᓯᕗᓂᖓᓂ ᐊᑭᓕᑦᑕᐅᕕᒋᒋᐋᖃᑦᑕᖓᑕ ᐅᓪᓗᖏᓐᓂ ᐊᑭᑦᑐᕆᐋᕈᑎᖏᓐᓂᒃ ᐊᑭᓖᒋᐋᖃᓕᖁᓇᒋᑦ ᐊᑭᓕᑦᑕᐅᖁᔭᐅᔪᓂᒃ.

ᐊᑭᑦᑐᕆᐋᕈᑎᖏᑦ ᐊᑭᓕᑦᑕᐅᒋᐋᖃᓕᑦᑎᑕᐅᓂᐋᒻᒪᑕ ᐊᑭᓕᑦᑕᐅᖏᑦᑐᑦ ᐅᓄᓐᓂᖏᑦ ᒪᓕᓪᓗᒋᑦ ᐊᑐᑦᑕᐅᒋᐋᓕᑦ ᓄᓇᓕᐸᐅᔭᒃᑯᓂᒃ ᒪᓕᒐᕋᓛᖁᑎᖏᑦ.

ᓄᓇᖁᑎᒧᑦ ᑖᔅᓯᔭᕈᑏᑦ ᐊᑑᑎᖃᒻᒪᑦ ᐱᒻᒪᕆᐋᓗᓂᒃ ᐊᑑᑎᖃᓪᓗᑎᒃ ᐃᑲᔪᕈᑎᒋᔭᐅᔪᓄᑦ ᐱᔨᔅᓯᕈᑎᒋᔭᐅᕙᑦᑐᓂᒃ ᓄᓇᓕᑦᑎᓐᓄᑦ ᑕᑎᒋᔭᐅᕙᑐᑎᓪᓗ ᖃᐅᑕᒫᑦ ᐊᑐᑦᑕᐅᖏᐊᖃᓂᖏᓄᑦ, ᐃᓚᒋᔭᐅᓪᓗᑎᒃ ᐊᑐᕆᐋᓂᒃ ᐋᖅᑭᐅᒪᑎᑦᑎᓃᑦ, ᐃᒥᒻᒧᑦ ᐱᔨᔅᓯᕈᑎᓂᒃ, ᐱᙳᐋᕕᖃᑦᑎᑦᑎᓂᒻᒧᑦ, ᐊᒻᒪᓗ ᑐᐊᕕᓐᓇᔅᓯᔪᖃᑦᑎᓪᓗᒍ ᐱᔨᔅᓯᕈᑎᓂᒃ. ᓇᑯᒻᒦᑦᑕᕗᑦ ᓄᓇᓕᒥᐅᑕᐅᔪᑦ ᑲᔪᓯᓂᖏᓄᑦ ᐃᑲᔪᕈᑎᖃᓂᖏᓐᓄᑦ ᐃᖃᓗᐃᑦ ᓴᙱᔫᖏᓐᓇᑎᑕᐅᖁᓪᓗᒍ ᐊᒻᒪᓗ ᓯᕗᒧᐋᑉᐸᓪᓕᐋᑦᑎᐋᖁᓪᓗᒍ.

ᑕᐃᒪᓕ ᒫᓐᓇᕋᑖᖅ ᐱᓚᐅᕈᕕᑦ ᑎᑎᖃᓂᐋᕕᒃᑯᑦ ᐱᑐᖃᐅᓕᑦᑐᒃᑯᑦ PO (ᑎᑎᖃᓂᐊᕕᒃᑯᑦ) ᑎᑎᖃᒃᑯᕕᒃᑯᑦ ᐊᒻᒪᓗ ᐋᖅᑭᒋᐋᓚᐅᔅᓯᒪᓇᒍ ᐊᑭᓖᒐᔅᓴᓄᑦ ᑐᕌᕈᑏᑦ ᓄᓇᓕᐸᐅᔭᒃᑯᓐᓂ, ᐅᕝᕙᓘᓐᓃᑦ ᐋᖅᑭᔅᓱᓚᐅᔅᓯᒪᓇᒍ ᐃᕐᖐᓐᓇᑦᑕᕈᑎᒃᑯᑦ ᐊᑭᓕᒐᔅᓴᓕᐅᑦᑕᐅᒍᑏᑦ, ᑲᔪᖏᔅᓴᐃᕗᒍᑦ ᐃᓕᓐᓂᒃ ᐅᖃᕕᖃᖁᓪᓗᑎᑦ ᑮᓇᐅᔭᓕᕆᔨᒃᑯᑦ ᐱᓕᕆᕕᖓᓂᒃ ᐃᕐᖐᓐᓇᑦᑕᕈᑎᒃᑯᑦ ᐅᕘᓇ accountsreceivable@iqaluit.ca ᐅᕝᕙᓘᓐᓃᑦ ᐅᖄᓚᓗᑎᑦ ᐅᕗᖓ 867-979-5602 ᑐᓴᐅᒪᒍᑎᔅᓴᑎᑦ ᐊᖑᒻᒪᑎᑦᑎᐋᖁᓪᓗᒋᑦ. ᐊᖑᒻᒪᑎᑦᑎᐋᙱᓐᓇᑦᑎᒋᐋᓕᑦᑎᑦ ᐅᓪᓗᒥᒧᑦ ᑎᑎᖃᓂᐋᕕᓐᓄᑦ ᑐᕌᕈᑎᑦ ᐱᒍᓐᓇᖁᓪᓗᑎᑦ ᐊᑭᓕᔅᓱᕆᐋᓕᓐᓂᒃ ᑭᖑᕙᓯᖏᓪᓗᑎᒃ ᐊᒻᒪᓗ ᐊᑲᐅᓈᕈᑎᖏᑦᑐᖃᖁᓇᒍ ᑭᖑᕙᓯᓕᕈᑎᓂᒃ.

ᐃᓚᒋᔭᐅᒃᑲᓂᕈᓐᓇᑦᑐᖅ ᐊᑲᐅᓈᓂᖓᓄᑦ ᐊᒻᒪᓗ ᓴᐃᓕᑦᑎᐋᖁᓪᓗᑎᒃ ᐃᓱᒪᒃᑯᑦ, ᓄᓇᓕᒥᐅᑕᐅᔪᑦ ᓂᕈᐋᕈᓐᓇᒻᒥᔪᑦ ᓄᓇᖁᑎᒧᑦ ᑖᔅᓯᔭᕈᑏᑦ ᑐᕌᑦᑕᐅᑎᒋᓗᑎᒃ ᐊᑭᓕᒐᔅᓴᓕᐋᕆᔭᐅᓗᑎᒃ ᐊᐅᑦᑕᔫᖁᑎᒧᑦ ᐊᑭᓖᑦᑕᐅᑎᒋᒍᑎᒧᑦ ᑎᑎᕋᔅᓯᒪᔪᒃᑯᕕᒻᒦᑎᑕᐅᔪᒧᑦ.

ᐊᑭᓖᒍᓐᓇᒻᒥᔪᓯ ᖃᕋᑕᐅᔭᒃᑯᑦ ᑮᓇᐅᔭᒃᑯᕕᓕᕆᒍᑎᒃᑯᑦ, ᓇᒻᒥᓂᖅ ᐅᐸᓗᒍ ᓄᓇᓕᐸᐅᔭᒃᑯᑦ ᐊᒡᓚᒡᕕᖓ, ᐅᕝᕙᓘᓐᓃᑦ ᐊᑭᓖᒍᓐᓇᑦᑎᑦᑎᒍᑎᒋᓲᒃᑯᑦ ᐊᑭᓖᓗᑎᑦ. ᑮᓇᐅᔭᓕᕆᔨᒃᑯᓐᓂ ᐱᓕᕆᖃᑎᒋᑦᑐᑦ ᖁᕕᐊᓱᑲᔭᑦᑐᑦ ᐃᖃᔪᕆᐊᔅᓴᖅ ᐃᓕᓐᓂᒃ ᐋᖅᑭᔅᓱᐃᒍᑎᔭᐅᓪᓗᑎᑦ ᐃᓕᓐᓅᑦᑕᐅᑎᒋᓗᑎᒃ ᐊᑭᓖᖁᔭᐅᒍᑎᑎᑦ ᐅᕝᕙᓘᓐᓃᑦ ᑭᐅᔭᐅᒍᓐᓇᑦᑐᑎᒃ ᖃᓄᐃᑐᐄᓐᓇᖅ ᐊᐱᖅᑯᑎᔅᓴᖃᑐᐋᕈᕕᑦ ᑕᒪᒃᑯᓂᖓ ᐊᑭᓖᓂᒻᒧᑦ ᓇᓖᕋᕈᓐᓇᑦᑕᓐᓂᒃ.

ᑕᐃᒪᓕ ᐊᐱᖅᑯᑎᔅᓴᖃᓂᕈᕕᑦ ᐃᓕᓐᓄᑦ ᐊᑭᓕᑦᑕᐅᖁᔭᐅᔪᓂᒃ ᐅᕝᕙᓘᓐᓃᑦ ᐅᖃᖃᑎᒌᒍᑎᖃᕈᒪᒍᕕᑦ ᐊᑭᓖᒍᑎᑦ ᐋᖅᑭᔅᓱᔅᓯᒪᓂᖏᓐᓂᒃ, ᐊᑏ ᐃᑲᔪᑦᑖᐅᑎᓚᐅᕆᑦ. ᓄᓇᓕᐸᐅᔭᒃᑯᑦ ᐱᓕᕆᒍᒪᒻᒪᑕ ᐃᑲᔪᕈᒻᒪᓪᓗᑎᒃ ᓄᓇᓕᒥᐅᑕᐅᔪᓂᒃ ᐃᑲᔪᑦᑕᐅᓗᑎᒃ ᓇᓕᖃᖃᐅᑎᒃᑯᕕᖏᑦ ᐊᑭᓕᔅᓴᖃᓗᐋᓕᖁᓇᒋᑦ.

ᑭᖑᓪᓕᑉᐹᑦ ᑖᔅᓯᔭᑦᑎᑦᑎᒍᑎᒥᒃ ᑐᓴᑦᑎᑦᑎᒍᑎᑦ ᑭᖑᓪᓕᑉᐹᒧᑦ ᐊᕝᕙᖓᓄᑦ 2026 ᓂᕆᐅᒋᔭᐅᕗᑦ ᐱᔭᕇᑦᑕᐅᓯᒪᓕᓂᐋᑦᑐᕆᔭᐅᓪᓗᑎᒃ ᔫᓂ 2026−ᒥ.

##

 

ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᔩᐅᑉ ᕙᕐᓂ

ᐊᖏᔪᖅᑳᖅ ᑐᓴᐅᒪᔪᓕᕆᔨᒃᑯᓐᓄᑦ ᐊᒻᒪ ᐊᑭᓕᕐᓱᐃᔨᓄᑦ ᐱᔨᖅᑎᕋᐅᑎ

ᓄᓇᓕᐸᐅᔭᐃᑦ ᐃᖃᓗᐃᑦ

(867) 979-5619 | G.Byrne@iqaluit.ca