ᑯᕕᔪᓐᓇᖅᓯᒃᑲᓐᓂᖅᑐᖅ ᐊᒻᒪᓗ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓂᖅ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᑯᕕᔪᓐᓇᖅᓯᒃᑲᓐᓂᖅᑐᖅ ᐊᒻᒪᓗ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓂᖅ

ᒪᐃ 20, 2026 – ᐃᖃᓗᐃᑦ, ᓄᓇᕗᑦ

 

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᓄᓇᖅᑲᑎᒌᓂᒃ ᐃᒥᕐᒧᑦ ᐱᔨᑦᑎᕋᐅᑎᑦ ᐊᔪᕈᓐᓃᕐᓂᖕᒋᓐᓂᒃ ᐊᒃᑐᖅᑕᐅᓯᒪᔪᓕᒫᓄᑦ ᖃᒥᖖᒐᖅᑲᐅᑎᓪᓗᒍ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ..

ᐃᓚᖕᒋᑦ ᓄᓇᓖᑦ ᑭᕕᔪᓐᓇᐃᓪᓕᖅᑲᐅᔪᑦ ᐱᕐᕈᓗᐊᕆᔪᖃᓚᐅᖅᑎᓪᓗᒍ ᐊᒻᒪᓗ, ᑕᐃᒪᐃᓐᓂᖕᒐᓄᑦ, ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᖅᑐᑦ. ᐊᒃᑐᖅᑕᐅᔪᑦ ᐃᒡᓗᐃᑦ ᐅᑯᐊᖕᒍᔪᑦ, 2200, 2600, 2700, 2802, 2804, 2806 ᐊᒻᒪᓗ 4000-ᖕᒋᓐᓃᑦᑐᑦ.

ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖕᒋᑦ ᖃᐅᔨᓴᐃᓐᓇᕐᓂᐊᖅᑐᑦ ᐊᐅᓚᓂᕆᔭᓂᒃ ᖁᔭᓕᓪᓗᑎᓪᓗ ᓄᓇᖅᑲᑎᒌᓂᒃ ᐅᑕᖅᑭᑦᑎᐊᕈᓐᓇᕐᓂᖕᒋᓐᓄᑦ.

ᐃᒥᐅᑉ ᐳᓪᓚᖕᒐ ᐱᐅᔪᓐᓃᓚᐅᖅᑎᓪᓗᒍ, ᐋᓐᓂᐊᖃᕐᓇᖖᒋᑦᑐᓕᕆᔨᒻᒪᕆᒃᑯᑦ ᓄᓇᕗᒻᒥ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᔾᔪᑎᒥᒃ ᑐᓴᖅᑎᑦᑎᑲᐅᑎᒋᔪᑦ. ᑖᓐᓇ ᐊᖕᒋᕐᕋᕆᔭᕐᓂᒃ ᐊᒃᑐᐃᓂᖃᕐᓂᖅᐸᑦ, ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᖅᑐᑎᑦ.

ᐋᓐᓂᐊᖃᕐᓇᖖᒋᑦᑐᓕᕆᔨᒻᒪᕆᒃᑯᑦ ᑎᑎᕋᕐᕕᖕᒐ ᑐᓴᖅᑎᑦᑎᑉᐸᑕ ᓄᓇᓕᐸᐅᔭᒃᑯᓐᓂ ᐃᖃᓗᖕᓂ ᐅᖃᐅᔾᔪᐃᔾᔪᑕᐅᓯᒪᔪᖅ ᐊᑐᕈᓐᓃᕐᓂᐊᖅᑐᖅ, ᓄᓇᖅᑲᑎᒌᑦ ᑐᓴᖅᑎᑕᐅᓛᖅᑐᑦ.

ᐅᔾᔨᖅᓱᕆᐊᖃᕐᓂᕐᒧᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᔪᑦ, ᓄᓇᓕᐸᐅᔭᒃᑯᑦ ᒪᓕᖁᔭᐅᔪᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕐᓗᑎᒃ ᕿᓚᒻᒥᐅᓛᖕᒍᔪᓐᓇᖅᑐᖅ 1-ᒥᓂᑦᒥᑦ.

ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᔪᑦ ᐅᑯᓂᖕᒐ ᐊᑐᕐᓂᐊᖅᑎᓪᓗᑎᑦ:

· ᐃᒥᕐᓂᐊᕐᓗᑎᑦ;
· ᐊᒫᒪᓕᐅᕐᓂᐊᕐᓗᑎᑦ ᓄᑕᕋᓄᑦ;
· ᐃᒥᒐᒃᓴᓕᐅᕐᓂᐊᖅᑎᓪᓗᑎᑦ ᓂᓚᓕᐅᕐᓂᐊᖅᑎᓪᓗᑎᓪᓗ;
· ᓰᕐᓇᖅᑐᓂᒃ ᐱᕈᖅᑐᓂᓪᓗ ᐃᕐᕈᖅᑐᐃᓂᐊᖅᑎᓪᓗᑎᑦ;
· ᓂᕆᓕᐅᕐᓂᐊᖅᑎᓪᓗᑎᑦ; ᐅᕝᕙᓘᓐᓃᑦ
· ᑭᒍᑎᓯᐅᕐᓂᐊᖅᑎᓪᓗᑎᑦ.

ᐃᒥᖅ ᑎᖅᑎᑎᑕᐅᔪᓐᓇᖅᑐᖅ ᐅᒃᑯᓯᖕᒥᑦ ᐊᑐᕐᓗᑎᑦ ᐃᒐᒃᑯᑦ ᐅᕝᕙᓘᓐᓃᑦ ᑏᓕᐅᕈᑎᒧᑦ ᐅᕝᕙᓘᓐᓃᑦ ᐅᐊᔭᒨᖅᑐᒧᑦ ᑎᖅᑎᑎᔾᔪᑎᓄᑦ ᐃᒻᒥᓂᒃ ᖃᒥᒍᓐᓇᐅᑎᖃᖖᒋᑦᑐᓄᑦ.

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᒐᒃᓴᖃᓛᕐᒥᔪᑦ ᑭᒃᑯᑐᐃᓐᓇᕐᓄᑦ ᐅᔾᔨᖅᓱᕆᐊᖃᕐᓂᕐᒧᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᓄᖅᑲᕈᓐᓇᖅᓯᒃᐸᑦ.

 

###

 

ᑐᑭᒋᓯᐊᒃᑲᓐᓂᕈᒪᒍᕕᑦ ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:

 

ᐳᕆᐋᓇ ᓴᐃᒻᒪᐃᔪᖅ-ᐸᐃᓐᔅ

ᐃᖅᑲᓇᐃᔭᖅᑐᓕᕆᔨᒃᑯᑦ ᑎᑎᕋᖅᑎᖕᒐ

ᐃᖃᓗᖕᓂ ᓄᓇᓕᐸᐅᔭ

867-979-5630 | B.Shaimaiyuk-Baines@iqaluit.ca

ᐅᖃᐅᓯᖃᕐᓗᓂ ᑐᐊᕕᕐᓇᖅᑐᒥᒃ ᐃᒥᕐᒧᑦ ᐱᔾᔪᑕᐅᔪᒥᒃ (ᓄᓇᓕᐊᐳᔭᒃᑯᑦ ᐃᒥᖅᑕᕐᕕᖕᒐ ᕿᕐᓛᖅᐸᑦ ᐅᕝᕙᓘᓐᓃᑦ ᐃᒥᐅᑉ ᐳᓪᓚᖃᖖᒋᓐᓂᖕᒐᓄᑦ) ᐃᖅᑲᓇᐃᔭᕐᓇᐅᑎᓐᓇᒍ