ᖁᐊᖅᑎᑦᑕᐃᓕᓗᒋᑦ ᓱᓪᓗᓕᓄᑦ ᐳᓪᓚᖃᐅᑏᑦ ᐊᒻᒪ ᑭᓈᓗᖃᕐᕖᑦ ᑯᕕᑦᑕᕐᕕᖏᑦ

ᑭᒃᑯᑐᐃᓐᓇᕐᓄᑦ ᑐᓴᕋᔅᓴᖅ

ᖁᐊᖅᑎᑦᑕᐃᓕᓗᒋᑦ ᓱᓪᓗᓕᓄᑦ ᐳᓪᓚᖃᐅᑏᑦ ᐊᒻᒪ ᑭᓈᓗᖃᕐᕖᑦ ᑯᕕᑦᑕᕐᕕᖏᑦ

ᐄᐳᕈ 2, 2026 – ᐃᖃᓗᐃᑦ, ᓄᓇᕗᑦ

 

 

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐅᖃᐅᔾᔨᒋᐊᕈᒪᔪᑦ ᓄᓇᓕᒻᒥᐅᓂᒃ ᐊᑐᖅᑕᐅᒐᔪᑉᐸᑦᑐᒥᒃ ᓄᓇᑎᓐᓂ ᓂᓪᓚᓱᑦᑎᓪᓗᒍ ᓯᓚ: ᓱᓪᓗᓕᓄᑦ ᐳᓪᓚᕋᐅᑏᑦ ᖁᐊᖃᑦᑕᕐᓂᖏᓐᓄᑦ. ᐅᓇ ᐊᑐᖅᑕᐅᒐᔪᑦᑐᖅ ᓂᓪᓚᓱᑦᑐᒻᒪᕆᐅᑎᓪᓗᒍ.

ᓱᓪᓗᓕᓄᑦ ᐳᓪᓚᖃᐅᑎᑦ ᓯᓚᑖᓅᖓᔪᖅ ᐃᕝᕕᑦ ᐊᖏᕐᕋᖓᓂ ᐊᒻᒪ ᐃᓯᖅᑎᑦᑎᕙᓪᓕᐊᔪᖅ ᓯᓚᒥ ᐃᕝᕕᑦ ᓱᓪᓗᓕᖏᑎᒍᑦ. ᐅᑯᐊ ᓱᓪᓗᓖᑦ ᐃᓪᓘᑉ ᖄᖓᓃᒐᔪᑦᑐᑦ ᐅᕝᕙᓘᓐᓃᑦ ᓯᓚᑖᓂ ᐊᖏᕐᕋᕕᑦ.  ᐆᓇᕐᓂᖓ ᐃᓪᓘᑉ ᐃᓗᐊᓂ ᖁᐊᖅᑎᑦᑎᔪᓐᓇᖅᑐᑦ ᑎᑭᑐᐊᕐᐸᑦ ᓂᓪᓚᖅ ᓯᓚᑖᓂᒃ ᓱᓪᓗᓕᐅᑉ ᐳᓪᓚᖃᐅᑎᖓᓄᑦ, ᓂᓚᕈᓕᖅᐸᓪᓕᐊᓪᓗᓂ. ᐳᓪᓚᖃᐅᑏᑦ ᓯᒥᑉᐸᑕ ᖁᐊᕐᒧᑦ ᐅᕝᕙᓘᓐᓂᑦ ᓂᓚᒧᑦ, ᐃᓯᖅᑎᑦᑎᔪᓐᓇᐃᓕᖃᑦᑕᖅᑐᖅ, ᖁᐊᖅᑎᑦᑎᓕᖅᑐᓂ ᕿᓈᓗᖃᕐᕕᐅᑉ ᓱᓪᓗᓕᖏᓐᓂ ᐅᕝᕙᓘᓐᓃᑦ ᑭᓈᓗᖃᕐᕖᑦ ᑯᕕᑦᑕᕐᕕᖏᓐᓂ. ᐅᓇ ᐊᑦᑐᐃᔪᓐᓇᖅᑐᖅ ᐊᖏᕐᕋᓕᒫᑦᑎᐊᓂᒃ, ᐱᖃᓯᐅᑎᓪᓗᒋᑦ ᓱᓪᓗᓖᑦ ᐊᒻᒪ ᓄᓇᓯᐅᑎᒃᑯᑦ ᐱᔨᖅᑎᕋᕈᑎᖏᓐᓂ.  

ᓯᒥᔅᓯᒪᔪᑦ ᐳᓪᓚᖃᐅᑏᑦ ᓱᓪᓗᓕᓂᒃ ᓯᒥᑦᑎᑦᑎᔪᓐᓇᕐᒪᑕ (P-traps) ᐃᒥᐅᑉ ᓯᒥᔅᓯᒪᔾᔪᑎᖏᓐᓂ ᓄᖑᐃᔪᓐᓇᖅᑐᖅ, ᑎᐱᖃᓕᖅᑎᑎᓪᓗᓂ ᐊᓇᕐᕕᒦᖔᖅᑐᓂᒃ ᐃᓪᓗᒧᑦ. ᐃᓚᖏᑦ ᐃᒪᐃᒍᓐᓇᖅᑐᑦ, ᐃᑉᐱᓐᓂᐊᓕᖅᑎᑦᑎᒐᓛᒍᓐᓇᖅᑐᖅ ᓲᕐᓗ ᓂᐊᖁᖑᓂᕐᒥᒃ ᐅᕝᕙᓘᓐᓂᑦ ᒥᕆᐊᖑᓂᕐᒥᒃ. ᑲᒪᒋᔭᐅᖏᑉᐸᑕ, ᑭᓈᓗᖃᕐᕖᑦ ᐃᓪᓘᑉ ᐃᓗᐊᓂ ᐊᒻᒪ ᐱᖁᑎᒥᒃ ᓱᕋᐃᑐᐃᓐᓇᕆᐊᓕᒃ.

ᓱᓇᒥᒃ ᖃᐅᔨᓴᕆᐊᖃᖅᐱᑦ:
ᐊᖏᕐᕋᖃᕐᑐᑦ ᖃᐅᔨᓴᕆᐊᖃᖅᑐᑦ ᓇᓗᓇᐃᒃᑯᑕᓂᒃ ᓲᕐᓗ ᓱᒃᑲᐃᑉᐸᑕ ᑯᕕᔫᑦ ᐅᐊᓴᕐᕕᓂᒃ, ᐅᕕᓂᕐᓂᐊᕐᕕᓂᒃ, ᐅᕝᕙᓘᓐᓃᑦ ᖁᕐᕕᓂᒃᑦ, ᓂᐱᖃᕐᐸᑦ ᑯᕕᕙᓪᓕᐊᔪᑦ, ᑎᐱᓗᑉᐸᑕ ᑭᓈᓗᖃᕐᕖᑦ, ᐅᕝᕙᓘᓐᓃᑦ ᓱᓪᓗᓖᑦ ᑭᖑᕐᕕᑦᑕᐅᒐᔪᑦᑐᑦ. ᑕᑯᒃᑭᑦ ᐊᔾᔨᓐᖑᐊᑦ ᐊᑖᓃᑦᑐᑦ ᐆᑦᑑᑎᑦ ᑭᓱᓂᒃ ᕿᓂᐊᕐᕋᕐᒪᖔᑉᐱᑦ.

ᐱᑎᑦᑎᑦᑕᐃᓕᒪᓂᖅ ᐊᒻᒪ ᐋᖅᑭᐅᒪᑎᑦᑎᓂᖅ:
ᐊᑲᐅᖏᓕᐅᕈᑕᐅᔪᓂᒃ ᐱᑎᑦᑎᑦᑎᑕᐃᓕᒪᕐᓂᕐᒧᑦ, ᓄᓇᓕᒻᒥᐅᑦ ᑎᓕᐅᖅᑕᐅᕗᑦ ᐃᒪᐃᓕᐅᖁᔭᐅᓪᓗᑎᑦ:

• ᖃᐅᔨᓴᐃᓐᓇᖃᑦᑕᕐᓗᒋᑦ ᓯᓚᑖᓃᑦᑐᑦ ᓱᓪᓗᓖᑦ ᖁᐊᖑᖏᒃᑲᓗᐊᕐᒪᖔᑕ ᐅᕝᕙᓘᓐᓃᑦ ᓂᓚᖃᖅᐸᑕ ᐊᒻᒪᓗ ᐲᔭᑦᑎᐊᕐᓗᒋᑦ ᐊᑐᐃᓐᓇᐅᓂᖏᑦ (ᐆᑦᑑᑎᒋᓗᒍ, ᓄᓇᒦᑦᑐᑦ)

• ᐃᓪᓘᑉ ᖄᖓᓅᖅᑕᐃᓕᒪᖃᑦᑕᕐᓗᓯ ᐅᕝᕙᓘᓐᓃᑦ ᐊᑦᑕᓇᖅᑐᒦᑦᑕᐃᓕᓗᑎᑦ ᓴᓗᒻᒪᔅᓴᐃᓇᓱᓪᓗᑎᑦ ᐳᓪᓚᖃᐅᑎᓂᒃ
• ᐆᓇᕈᔪᑦᑐᒦᑎᓪᓗᒍ ᐊᖏᕐᕋᕕᑦ ᐃᓗᐊ, ᐊᒻᒪ ᖃᐅᔨᓴᐃᓐᓇᖃᑦᑕᕐᓗᒋᑦ ᐳᓪᓚᖃᐅᑏᑦ ᓂᓪᓚᓱᑦᑎᓪᓗᒍ ᓯᓚ ᖁᐊᕐᓂᐊᖏᒻᒪᑕ

ᖃᐅᔨᓴᖃᑦᑕᕐᓂᖅ ᐳᓪᓚᖃᐅᑎᓂᒃ ᐊᒻᒪ ᑲᒪᒋᔭᐅᑦᑕᐅᑎᒋᕙᑉᐸᑕ ᖁᐊᕐᐸᓪᓕᐊᔪᑦ ᓯᕗᓂᐊᒍᑦ ᐃᑲᔪᕈᓐᓇᖅᑐᑦ ᐊᑲᐅᖏᓕᐅᕈᑕᐅᔪᓐᓇᖅᑐᒻᒪᕆᓂᒃ ᓱᓪᓗᓕᓂᒃ.  

ᑲᖐᓱᒃᑯᕕᑦ ᖁᐊᖅᓯᒪᔪᒥᒃ ᐳᓪᓚᖃᐅᑎᒥᒃ ᐅᕝᕙᓘᓐᓃᑦ ᑭᓈᓗᖃᕐᕕᒥᒃ, ᖃᐅᔨᒋᐊᕐᕕᒋᓗᒍ ᐱᔪᓐᓇᕐᓂᖃᖅᑐᖅ ᓱᓪᓗᓕᕆᔨᒃ ᖃᐅᔨᓴᕐᓂᐊᕐᒪᑦ ᐊᒻᒪ ᑲᒪᒋᓂᐊᕐᒪᒍ ᐊᑲᐅᖏᓕᐅᕈᑕᐅᔪᖅ.

ᖃᓄᐃᓕᐅᕈᑕᐅᑦᑕᐅᑎᒋᔪᑦ ᐃᑲᔪᖅᑐᐃᔪᓐᓇᖅᑐᑦ ᐱᒻᒪᕆᐅᓂᖅᓴᓄᑦ ᓱᓪᓗᓕᓄᑦ ᐊᑲᐅᖏᓕᐅᕈᑎᓂᒃ ᐊᒻᒪ ᐱᔨᖅᑎᕋᕐᓂᐅᕙᑦᑐᓄᓪᓗ ᓄᖅᑲᖓᑎᑦᑎᓂᕐᒥᒃ.

ᓄᓇᓕᐸᐅᔭᒃᑯᑦ ᖁᔭᓐᓇᒦᖅᐳᑦ ᓄᓇᓕᒻᒥᐅᓂᒃ ᐃᑉᐱᒍᓱᑦᑎᐊᕐᓂᖏᓐᓄᑦ ᐊᒻᒪ ᐃᑲᔫᑎᖃᕐᓂᖏᓐᓄᑦ ᒥᑭᓪᓕᕚᓪᓕᑎᑦᑎᓂᕐᒥᒃ ᖁᐊᖅᑎᑦᑎᑦᑕᐃᓕᒪᓂᕐᒧᑦ ᑭᓈᓗᖃᕐᕕᓂᒃ ᐊᒻᒪ ᑯᕕᑦᑕᕐᕕᖏᓐᓂ ᓄᓇᑦᑎᓐᓂ.

 

 

 

##

 

ᑐᑭᓯᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔭᕐᓇᐅᑎᓪᓗᒍ ᖃᐅᔨᒋᐊᕐᕕᒋᔪᓐᓇᖅᑕᐃᑦ:

ᕗᕆᐊᓇ ᓴᐃᒻᒪᐃᔪᖅ−ᕙᐃᓐᔅ

ᓴᓇᔪᓕᕆᔨᒃᑯᑦ ᐊᓪᓚᑦᑎᖓ

ᓄᓇᓕᐸᐅᔭᐃᑦ ᐃᖃᓗᓐᓂ

867-979-5630 | B.Shaimaiyuk-Baines@iqaluit.ca

ᐅᖃᐅᓯᖃᕈᒪᒍᕕᑦ ᑐᐊᕕᓐᓇᖅᑐᒥᒃ ᐃᒪᕐᒧᑦ ᐱᔾᔪᑎᐅᔪᒥᒃ (ᓄᓇᓕᐸᐅᔭᒃᑯᑦ ᐃᒥᖅᑕᕐᕕᖓ ᕿᓪᓛᖅᐸᑦ ᐅᕝᕙᓘᓐᓃᑦ ᐃᒪᖅ ᐳᓪᓚᖃᖏᓐᓂᖓᓄᑦ) ᐃᖅᑲᓇᐃᔭᕐᓇᐅᒍᓐᓃᖅᐸᑦ ᖃᐅᔨᒋᐊᕐᕕᒋᔪᓐᓇᖅᑕᐃᑦ: ᓄᓇᓕᐸᐅᔾᔭᒃᑯᑦ ᐅᖄᓚᕕᖓ 867-979-5650.