ᐆᒪᔪᓂᒃ ᓂᕐᔪᑎᓂᒃ ᒥᑭᒋᐊᑦ - ᓄᓇᓕᓐᓂ ᐊᑦᑕᓇᑦᑕᐃᓕᒪᔪᓕᕆᓂᒃᑯᑦ ᐃᖅᑲᐃᑎᑦᓯᔾᔪᑎ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐆᒪᔪᓂᒃ ᓂᕐᔪᑎᓂᒃ ᒥᑭᒋᐊᑦ - ᓄᓇᓕᓐᓂ ᐊᑦᑕᓇᑦᑕᐃᓕᒪᔪᓕᕆᓂᒃᑯᑦ ᐃᖅᑲᐃᑎᑦᓯᔾᔪᑎ

ᓅᕖᐱᕆ 6, 2026 – ᐃᖃᓗᐃᑦ, ᓄᓇᕗᑦ

 

ᓄᓇᕗᑦ ᐊᐱᓯᒪᓕᖅᑎᓪᓗᒍ ᐊᒻᒪ ᒥᑭᒋᐊᕐᓂᐊᐸᓐᓂᐊᓕᕐᒥᔪᑦ ᐃᓱᒪᒋᓪᓗᒋᑦ, ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᐃᓱᒫᓗᔾᔫᒥᖃᑦᑕᖁᔭᐅᓗᑎᒃ ᐆᒪᔪᓂᒃ ᓂᕐᔪᑎᓂᒃ ᒥᑭᒋᐊᕆᔭᓂᒃ ᐆᒪᔪᖁᑎᖏᓐᓂᒃ ᐊᖏᕐᕋᒥᓂ ᐊᓃᖃᓯᔮᖃᑎᖃᖅᑎᓪᓗᒋᑦ.

ᓄᓇᓕᕐᒥᐅᑕᐃᑦ ᐊᑐᖅᐸᑎᓪᓗᒋᑦ ᓄᓇᓕᓐᓂ ᑐᓪᓕᓂᐅᔪᓂᒃ, ᐊᑐᕆᐊᓂᒃ ᐊᒻᒪ ᐊᕙᑎᑦᑎᓐᓃᑦᑐᓂᒃ, ᐳᐃᒍᔾᔭᐃᕐᓯᒪᒋᐊᖃᖅᐸᓂᐊᖅᑐᑦ ᐆᒪᔪᓄᑦ ᓂᕐᕈᑎᓂᒃ ᒥᑭᒋᐊᑦ ᓴᐅᓯᒪᑐᐃᓐᓇᕆᐊᖃᕐᓂᖏᓐᓄᑦ ᐊᐳᒻᒧᑦ. ᐊᖏᕐᕋᒥᓂ ᐆᒪᔪᖁᑎᒥᓂᒃ ᖃᓂᒋᔭᖃᖅᐸᓪᓗᑎᒃ ᑕᒫᓂᖅᑭᑎᓗᐊᖅᐸᖏᓪᓗᒋᓪᓗ ᐊᒻᒪ ᐊᕙᑎᖏᓐᓂᒃ ᐃᑉᐱᒍᓱᔾᔫᒥᖁᔭᐅᕙᓐᓂᐊᖅᑐᑦ ᐱᔮᖅᑯᑕᐅᖏᑐᒃᑯᑦ ᒥᑭᒋᐊᖃᑦᑕᖁᓇᒋᑦ ᑕᑯᑦᓴᐅᖏᑦᑐᓄᑦ.

ᓄᓇᓕᐸᐅᔭᒃᑯᑦ ᐃᖅᑲᐃᑎᑦᓯᑲᓐᓂᕆᕗᑦ ᑕᐃᒃᑯᓂᖓ ᒥᑭᒋᐊᕐᓂᐊᐸᓐᓂᐊᖅᑐᓂᒃ ᒥᑭᒋᐊᓂᒃ ᐃᓂᖃᖅᑎᑦᓯᒋᐊᖃᖅᐸᓐᓂᖏᓐᓄᑦ ᒪᓕᑦᑕᐅᓗᑎᒃ ᓄᓇᕘᒥ ᒪᓕᒐᐃᑦ ᐊᒻᒪ ᒥᑭᒋᐊᖃᕐᕕᐅᒋᐊᖃᖏᑦᑐᓂᒃ ᐃᑉᐱᒍᓱᖁᔭᐅᕙᓐᓂᐊᖅᑐᑦ. ᒥᑭᒋᐊᖃᖅᐸᑦᑐᑦ ᐃᓱᒫᓗᖁᔭᐅᔫᒥᓂᐊᖅᑐᑦ ᐊᑦᑕᓇᖅᑐᒦᖁᔨᖏᓪᓗᑎᒃ ᓄᓇᓕᕐᒥᐅᑕᓂᒃ, ᐊᖏᕐᕋᓂ ᐆᒪᔪᖁᑎᐅᕙᑦᑐᓂᒃ ᐊᒻᒪ ᐊᓯᕈᓘᔭᖏᓐᓂᒃ ᖃᓂᒋᔭᖃᕐᓂᐊᕈᑎᒃ ᐊᑐᕆᐊᓂᒃ ᐊᒻᒪ ᑐᓪᓕᓂᕐᓂᒃ. ᓄᓇᓕᕐᒥᐅᑕᐃᑦ ᐃᖅᑲᐃᑎᑕᐅᒋᕗᑦ ᐸᕝᕕᓴᖃᑦᑕᖁᔭᐅᒐᑎᒃ, ᓅᑦᑎᖃᑦᑕᖁᔭᐅᒐᑎᒃ ᐅᕝᕙᓘᓐᓃᑦ ᐊᑐᖃᑦᑕᖁᔭᐅᒐᑎᒃ ᒥᑭᒋᐊᕐᓂᒃ ᐊᖅᑯᓵᖅᑕᒥᓂᒃ ᐱᓱᕋᔮᑦᑎᓪᓗᒋᑦ ᓄᓇᒥ.

ᐱᓱᕋᔮᑦᓯᒪᒐᓗᐊᖅᑐᓂ, ᓄᓇᒥᒃ ᑲᔾᔮᕈᓱᑦᑐᖃᕈᓂ ᐅᕝᕙᓘᓐᓃᑦ ᐱᖃᑕᐅᔪᖃᕈᓂ ᒥᑭᒋᐊᕐᓂᐊᖅᑐᓄᑦ, ᐊᓯᑦᑎᓐᓂᒃ ᐃᓱᒫᓘᑎᖃᕐᓂᐅᕙᓐᓂᐅᔪᖅ ᐊᑐᖅᑕᐃᓐᓇᕆᕙᑦᑕᑎᓐᓂᒃ ᓯᓚᒥ ᖃᓄᐃᓕᐅᕈᑎᐅᔪᓂᒃ ᐃᓘᓐᓇᑎᓐᓂᒃ ᐊᑦᑕᓇᖅᑐᒦᔾᔭᐃᒃᑯᑎᐅᒍᓐᓇᕐᒪᑕ.

ᖃᐅᔨᓴᒃᑲᓐᓂᖅᐸᒍᑦᑕ ᖃᓄᐃᓕᐅᕈᑎᑦᑎᓐᓂᒃ ᐊᒻᒪ ᐊᓯᑦᑎᓐᓂᒃ ᐃᓱᒫᓘᑎᖃᕐᓂᐅᕙᑦᑐᖅ ᐃᓘᓐᓇᑎᓐᓂᒃ ᓯᓚᒥᒃ ᑲᔾᔮᕈᓱᑎᑦᓯᑲᓐᓂᕈᓐᓇᕐᒪᑕ ᐊᑦᑕᓇᔾᔭᐃᕐᓯᒪᑦᑎᐊᐸᓪᓗᑕ.

 

##

 

ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:

ᔭᕝ ᐴᕐᓐ

ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ

ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca