ᐅᑭᐅᒃᑯᑦ ᐱᖕᖑᐊᕐᕕᐊᓘᑉ ᐃᓗᐊᓂ ᐱᖕᖑᐊᕐᕕᐅᑉ ᐋᖅᑭᓱᖅᑕᐅᓂᖓ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐅᑭᐅᒃᑯᑦ ᐱᖕᖑᐊᕐᕕᐊᓘᑉ ᐃᓗᐊᓂ ᐱᖕᖑᐊᕐᕕᐅᑉ ᐋᖅᑭᓱᖅᑕᐅᓂᖓ

ᒪᐃ 1, 2026 – ᐃᖃᓗᐃᑦ, ᓄᓇᕗᑦ

 

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᓈᑦᓯᐅᖑᔭᒥ, ᒪᐃ 3, 2026 ᐅᓪᓗᖓᓂ ᑭᖑᓪᓕᖅᐹᖑᓛᕐᓂᖓᓄᑦ ᓂᓚᖓᓂ ᐱᖕᖑᐊᐸᑦᑐᓄᑦ ᓄᓇᓕᐸᐅᔭᒃᑯᑦ ᐊᓐᓂᑭᑦᑐᕐᕕᖏᓐᓂ.

ᓂᓚᐃᔭᐃᓂᖅ ᑕᒪᒃᑮᓐᓂᒃ ᐊᓐᓂᑭᑦᑐᕐᕖᓐᓂᒃ, ᐊᒻᒪᑦᑕᐅᖅ ᑰᓕᕐᕕᐅᑉ, ᐱᒋᐊᓛᖅᑐᑦ ᓇᒡᒋᔾᔭᐅᒥ, ᒪᐃ 4, 2026.

ᓄᓇᓕᐸᐅᔭᒃᑯᑦ ᖁᔭᓐᓇᒦᕈᒪᕗᑦ ᓄᓇᓕᕐᒥᐅᑕᓂᒃ, ᐊᑐᖅᐸᑦᑐᓂᒃ ᑲᑎᖕᖓᔪᓂᒃ, ᐊᒻᒪ ᐃᖅᑲᓇᐃᔭᖅᑏᑦ ᑲᔪᓯᑎᑦᓯᑦᓯᐊᖅᐸᓚᐅᕐᓂᖏᓐᓂᒃ ᐊᓐᓂᑭᑦᑐᕐᕕᓐᓂ ᐱᖕᖑᐊᕈᑎᖏᓐᓂᒃ ᐊᒻᒪ ᐃᑲᔪᕐᓱᐃᖏᓐᓇᐸᓐᓂᖏᓐᓄᑦ ᐊᒻᒪ ᐱᖃᑕᐅᕙᓐᓂᖏᓐᓄᑦ ᐱᖕᖑᐊᖅᑐᓕᕆᔾᔪᑎᓂᒃ ᐱᓕᕆᐊᑦᓴᓕᐊᖑᕙᑦᑐᑦ ᐱᓪᓗᒋᑦ.

ᓂᓚᐃᔭᖅᑕᐅᓚᐅᖅᑎᓪᓗᒍ, ᓴᓇᔭᐅᒋᐊᓖᑦ ᐊᖏᔫᑎᐅᖏᑦᑐᑦ ᐊᒻᒪ ᒪᑭᒪᑎᑦᓯᔾᔪᑎᓂᒃ ᐱᓕᕆᐊᖃᓛᖅᑐᑦ ᐱᔭᕇᖅᑕᐅᓗᑎᒃ ᐅᑭᐅᒃᑯᑦ ᐱᖕᖑᐊᕐᕕᐊᓗᒻᒥ (AWG) ᐃᓗᐊᓂ ᐱᖕᖑᐊᕐᕕᑦᓴᖅ ᐋᖅᑭᓱᖅᑕᐅᖏᓐᓂᖓᓂ. ᒫᓐᓇᐅᓂᖓᓂᓕ, ᓄᓇᓕᐸᐅᔭᒃᑯᑦ ᐃᓱᒪᒋᔭᖃᖅᑐᑦ ᐃᓪᓘᑉ ᐃᓗᐊᓂ ᐱᖕᖑᐊᕐᕕᑦᓴᖅ ᐊᑐᐃᓐᓇᐅᓕᕋᔭᕐᓂᖓ ᐊᒻᒪ ᒪᑐᐃᕈᓐᓇᕐᓯᓗᓂ ᑭᒃᑯᑐᐃᓐᓇᕐᓄᑦ ᐃᒻᒪᖄ ᐱᖓᔪᐊᑕ ᐱᓇᓱᐊᕈᓯᐊᓂ ᒪᐃ ᑕᖅᑭᐊᑕ. ᒪᑐᐃᕐᕕᑦᓴᖏᑦ ᐅᓪᓗᐃᑦ ᐊᑐᐃᓐᓇᐅᑎᑕᐅᕙᓐᓂᐊᖅᑐᑦ ᐱᓕᕆᐊᖑᕙᓪᓕᐊᓂᖏᑦ ᐱᔭᕇᖅᑕᐅᕙᓪᓕᐊᑎᓪᓗᒋᑦ.

ᑐᖕᖓᓱᑦᑎᓛᕈᒪᑦᓯᐊᖅᑕᕗᑦ ᓄᓇᓕᕐᒥᐅᑕᐃᑦ ᐱᖕᖑᐊᕐᕕᒻᒧᑦ ᐅᑎᓛᕐᓂᖏᑦ ᐊᒻᒪ ᕿᑲᑐᐃᓐᓇᖁᓇᒋᑦ ᐊᒻᒪ ᖁᕕᐊᓇᑦᓯᐊᖅᑐᓂᒃ ᐅᓪᓗᖃᖃᑦᑕᓛᖁᓪᓗᒋᑦ ᐊᐅᔭᐅᓂᐊᖅᑐᖅ ᐃᓪᓘᑉ ᐃᓗᐊᓂ ᐱᖕᖑᐊᕐᕕᒃ ᐱᓪᓗᒍ.

 

##

 

ᑐᑭᓯᒃᑲᓐᓂᕈᒪᒍᔅᓯ, ᖃᐅᔨᒋᐊᖅᕕᐅᔪᓐᓇᖅᑐᖅ:

ᔭᕝ ᐴᕐᓐ

ᑐᓴᐅᒪᑎᑦᓯᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᑎᔨ