ᓄᑖᖖᒍᕆᐊᖅᓯᒪᔪᖅ ᑐᓴᒐᒃᓴ ᐱᔾᔪᑎᖃᖅᑐᓂ ᐋᒡᒌᓯ 24-ᖕᒍᓚᐅᖅᑐᒥ ᖃᓄᐃᓐᓂᐅᓚᐅᖅᑐᖅ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᓄᑖᖖᒍᕆᐊᖅᓯᒪᔪᖅ ᑐᓴᒐᒃᓴ ᐱᔾᔪᑎᖃᖅᑐᓂ ᐋᒡᒌᓯ 24-ᖕᒍᓚᐅᖅᑐᒥ ᖃᓄᐃᓐᓂᐅᓚᐅᖅᑐᖅ

ᓰᑎᐱᕆ 4, 2026 – ᐃᖃᓗᐃᑦ, ᓄᓇᕗᑦ

 

ᐃᖃᓗᖕᓂ ᓄᓇᓕᐸᐅᔭᒃᑯᑦ ᓄᑖᖖᒍᕆᐊᖅᓯᒪᔪᒥᒃ ᑐᓴᖅᑎᑦᑎᔪᒪᔪᑦ ᕿᒻᒥᖅ ᐅᒋᐊᖅᓯᑲᓴᓚᐅᖅᑎᓪᓗᒍ ᐋᒡᒌᓯ 24-ᖕᒍᑎᓪᓗᒍ.

ᐋᒡᒌᓯ 28-ᖕᒍᑎᓪᓗᒍ, ᕿᒻᒥᖃᖅᑎᐅᔪᖅ ᐸᓴᒋᔭᖃᓚᐅᕐᒪᑦ ᐱᕐᕈᓗᐊᕿᔪᖃᖅᑎᓪᓗᒍ ᓇᖕᒥᓂᖅ ᑐᓂᓯᓚᐅᖅᑐ ᕿᒻᒥᖕᒐᓂᒃ ᑲᒪᒋᔭᐅᓂᐊᕐᒪᑦ ᓄᓇᓕᐸᐅᒃᑯᑦ ᕼᐋᒻᒪᓚᒃᑯᖕᒋᓐᓄᑦ ᒪᓕᒐᕐᓂᒃ ᐊᑐᓕᖅᑎᑦᑎᔨᓄᑦ.

ᕿᒻᒥᓂᒃ ᑐᓂᓚᐅᖅᑎᓐᓇᓂᐅᒃ, ᕿᒻᒥᖃᖅᑎᐅᔪᖅ ᐃᓂᒃᓴᓕᐅᕋᓱᓚᐅᖅᑑᒐᓗᐊᖅ ᕿᒻᒥᖕᒐ ᑲᐱᔭᐅᖁᓪᓗᓂᐅᒃ ᑐᖁᑕᐅᓗᓂ ᓂᕐᔪᑎᓄᑦ ᓘᒃᑖᒧᑦ; ᑭᓯᐊᓂ, ᑖᓐᓇ ᐱᔨᑦᑎᕋᐅᑎ ᐊᑐᐃᓐᓇᐅᓚᐅᖖᒋᑦᑐᖅ ᓄᓇᓕᖕᓂ.

ᖃᓄᐃᑦᑐᖃᓚᐅᖅᑎᓪᓗᒍ, ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᑎᓕᐅᕆᓚᐅᖅᑐᑦ ᕼᐋᒻᒪᓚᒃᑯᓐᓂ ᒪᓕᒐᕐᓂᒃ ᐊᑐᓕᖅᑎᑦᑎᔨᓂᒃ ᕿᒻᒥᖅ ᐱᓯᒪᔭᐅᑲᐃᓐᓇᖁᔭᐅᓪᓗᓂ ᐅᓪᓗᓄᑦ ᖁᓕᓄᑦ ᖃᐅᔨᓴᖅᑕᐅᓗᓂ. ᑕᒪᓐᓇ ᖃᐅᔨᓴᕆᐊᖃᕐᓂᖅ ᐃᓱᓕᓚᐅᖅᑐᖅ ᓰᑎᐱᕆ 3-ᖕᒍᑎᓪᓗᒍ.

ᖃᐅᔨᓴᖅᑕᐅᓚᐅᖅᑎᓪᓗᒍ, ᕿᒻᒥᖅ ᑲᐴᑎᒧᑦ ᑐᖁᑕᐅᓚᐅᖅᑐᖅ ᓰᐱᑎᕆ 3-ᖕᒍᑎᓪᓗᒍ.

ᖃᐅᔨᓴᖅᑕᐅᓂᖕᒐ ᒫᓐᓇᒧᑦ ᑲᔪᓯᔪᖅ.

ᓄᓇᓕᐸᐅᔭᒃᑯᑦ ᐃᓕᓴᖅᓯᔪᑦ ᐃᓱᒫᓘᑕᐅᓂᖕᒐᓂᒃ ᑕᒪᓐᓇ ᖃᓄᐃᓐᓂᐅᓚᐅᖅᑐᖅ ᓄᓇᓕᖕᓂ ᑐᑭᓯᐅᒪᓪᓗᑎᓪᓗ ᓄᓇᖅᑲᑎᒌᑦ ᐊᐱᖅᑯᑎᒃᓴᖃᑐᐃᓐᓇᕆᐊᖃᕐᓂᖕᒋᓐᓂᒃ ᑕᒪᓐᓇ ᖃᐅᔨᓴᕐᓂᖅ ᑲᔪᓯᑎᓪᓗᒍ. ᓄᓇᓕᐸᐅᔭᒃᑯᑦ ᖁᔭᓕᔪᑦ ᓄᓇᖅᑲᑎᒌᓂᒃ ᕿᓄᐃᓵᕈᓐᓇᑦᑎᐊᕐᓂᖕᒋᓐᓄᑦ ᑕᐃᒃᑯᐊ ᐱᔪᓐᓇᕐᓂᖃᖅᑐᑦ ᐱᔭᕇᖅᓯᓇᓱᓐᓂᖕᒋᓐᓂᒃ ᐱᓕᕆᐊᒃᓴᒥᓂᒃ.

ᓄᓇᓕᐸᐅᔭᒃᑯᑦ ᑐᓴᖅᑎᑦᑎᒃᑲᓐᓂᓛᖅᑐᑦ ᓄᑖᖖᒍᕆᐊᖅᓯᒪᔪᒥᒃ ᐊᑐᐃᓐᓇᐅᖅᑕᖃᓕᕐᒥᒃᐸᑦ.

 

##

 

ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:

ᔨᐊᕝ ᐹᕐᓂ

ᑐᓴᐅᒪᔪᓕᕆᓂᕐᒧᑦ ᐊᑭᓕᖅᓱᐃᔨᓄᓪᓗ ᐱᔨᑦᑎᕋᖅᑎᓄᑦ ᐊᐅᓚᑦᑎᔨ

ᐃᖃᓗᖕᓂ ᓄᓇᓕᐸᐅᔭᖅ

867-979-5619 | G.Byrne@iqaluit.ca

 

ᐅᖃᐅᓯᖃᕈᒪᓗᓂ ᑕᒫᓃᕐᕆᔪᓂᒃ ᐃᖅᓯᓇᖅᑐᓂᓪᓘᓐᓃᑦ ᐆᒪᔪᓂᒃ :
ᓄᓇᓕᐸᐅᔭᒃᑯᑦ ᐅᖄᓚᐅᑎᖕᒐ (24/7): 867-979-5650
ᐃᕐᖕᒌᓐᓈᖅᑕᐅᑦ (ᓇᒡᒐᔾᔭᐅᒥ ᑕᓪᓕᕐᒥᕐᒧᑦ, 9 ᐅᓪᓛᒃᑯᑦ – 5 ᐅᓐᓄᓴᒧ): municipalenforcement@iqaluit.ca