ᒪᓕᒐᕋᓛᓂᑦ ᐊᑐᓕᖅᑎᑦᓯᔨᑦ

ᓄᓇᓕᓐᓂ ᒪᓕᒐᕋᓛᓕᕆᓂᕐᒥᑦ ᐃᖅᑲᓇᐃᔭᖅᑎᖏᑦ ᐱᓕᕆᔨᐅᔪᑦ ᐊᑐᓕᖅᑎᑦᑎᓂᕐᒥᑦ ᓄᓇᓕᐸᐅᔭᐃᑦ ᐃᖃᓗᐃᑦ ᓄᓇᓕᓐᓂ ᒪᓕᒐᕋᓛᖁᑎᖏᓐᓂᑦ ᐃᓚᖃᖅᐸᑦᑐᓂᑦ ᐊᑐᕆᐊᓕᓐᓂᑦ ᓄᓇᕘᒥ ᐊᒻᒪ ᑲᓇᑕᒥ, ᒪᓕᒐᕐᔪᐊᒥᑦ ᐊᒻᒪ ᒪᓕᒐᕐᓂᑦ ᓇᓗᓇᐃᔭᖅᑕᐅᓯᒪᔪᓂᑦ ᐃᓗᐊᓃᓐᓂᐊᕐᓂᖏᓐᓂᑦ ᐱᔪᓐᓇᐅᑎᖏᑕ ᐱᓯᒪᔪᓂᑦ ᓄᓇᕗᑦ ᒐᕙᒪᒃᑯᓐᓂᑦ.  ᐃᖅᑲᓇᐃᔭᖅᑎᐅᔪᑦ ᑕᒪᑦᓱᒥᖓ ᐱᓕᕆᔪᒪᑐᐃᓐᓇᖅᑐᑦ ᐊᑕᐅᑦᑎᒃᑯᑦ ᒪᑭᒪᑎᑦᑎᓂᕐᒥᑦ ᑕᑎᒋᔭᐅᔾᔪᑎᓂᑦ ᐊᒻᒪ ᐅᑉᐱᕆᔭᐅᔾᔪᑎᓂᑦ ᐃᖃᓗᒻᒥᐅᑕᓂᑦ ᐃᖕᒥᓂᒃ ᐱᓕᕆᐊᖃᖅᐸᓂᒃᑯᑦ ᐊᑐᓕᖅᑎᑦᑎᓂᕐᒥᑦ ᐊᒻᒪ ᑕᑯᑦᓴᐅᑎᑦᑎᓂᕐᒥᑦ ᐅᑉᐱᕆᔭᐅᔪᓂᑦ ᐱᖃᓯᐅᔾᔨᔪᓂᑦ ᐱᑦᑎᐊᓂᕐᒥᑦ, ᐱᓕᕆᑦᑎᐊᓂᕐᒥᑦ, ᐱᐅᔪᐊᓗᒃᑯᑦ ᐱᓕᕆᓂᕐᒥᑦ ᐊᒻᒪ ᐱᓕᕆᖃᑎᒌᓐᓂᕐᒥᑦ.

ᐊᑐᕆᐊᒃᑯᑦ ᐃᖏᕐᕋᕙᑦᑐᓂᑦ ᒪᓕᒐᓕᕆᓂᖅ

ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᐊᑐᕆᐊᓂᑦ ᐃᖏᕐᕋᕙᑦᑐᓂᑦ ᐱᓕᕆᔾᔪᑎᖃᖅᐸᑦᑐᑦ ᐃᓗᐊᓂ ᐃᖃᓗᐃᑦ.  ᐱᓕᕆᔨᐅᔪᒍᑦ ᒪᓕᒐᕋᓛᒃᑯᑦ ᓱᕋᐃᕙᑦᑐᓂᑦ ᐊᐅᓚᐅᑎᓕᓐᓂᑦ ᓄᓇᒃᑰᔫᓂᑦ ᒪᓕᒐᕐᒥᑦ, ᐱᓲᑎᑲᓪᓚᓐᓄᑦ ᑎᓴᒪᓕᓐᓄᑦ ᒪᓕᒐᕐᒥᑦ All-Terrain Vehicles Act ᐊᒻᒪ ᓄᓇᓕᓐᓂ ᐊᑐᕆᐊᓂ ᐃᖏᕐᕋᕙᑦᑐᓄᑦ  municipal traffic ᒪᓕᒐᕋᓛᓕᕆᓂᕐᒥᑦ.  ᓱᕋᐃᕙᑦᑐᑦ ᑕᒪᒃᑯᓂᖓ ᒪᓕᒐᕐᓂᑦ ᐱᖃᓯᐅᔾᔨᕙᑦᑐᑦ ᐃᖏᕐᕋᔪᑦ ᓱᒃᑲᓕᓗᐊᖅᑐᑎᒃ, ᐋᖓᔮᕐᓇᖅᑐᓄᑦ ᓱᕐᕋᓯᒪᓪᓗᑎᒃ ᓄᓇᒃᑰᔫᖅᐸᑦᑐᓂᑦ, ᓄᓇᒃᑰᔫᖅᑐᓂᑦ ᓄᓇᒃᑰᔫᓄᑦ ᓇᓗᓇᐃᕐᓯᒪᖕᖏᑦᑐᓂᑦ, ᐊᖏᔫᑎᓂᑦ ᓄᓇᒃᑰᔫᖅᑐᓂᑦ ᓱᕋᐃᔪᓂᑦ ᒪᓕᒐᕐᓂᑦ, ᐊᐅᓚᑦᑎᔪᓂᑦ ᖃᒧᑕᐅᔭᓂᑦ ᐊᒻᒪ ᐱᓲᑎᑲᓪᓚᓐᓂᑦ ᑎᓯᔪᒥᑦ ᐋᓐᓂᔭᐃᒃᑯᑎᒥᑦ ᓇᓴᕐᓯᒪᒐᑎᒃ ᐊᓯᕈᓘᔭᖏᓐᓂᓪᓗ.  ᐃᖃᓗᒻᒥᐅᑕᓂᑦ ᐱᓕᕆᖃᑎᖃᖅᐸᒻᒥᔪᒍᑦ ᐃᓕᓐᓂᐊᑎᑦᑎᓂᒃᑯᑦ ᐊᒻᒪ ᐅᔾᔨᕈᓱᒋᐊᖅᑎᑦᑎᓂᒃᑯᑦ ᐊᑦᑕᓇᔾᔭᐃᕐᓯᒪᓗᑎᒃ ᓄᓇᒃᑰᔫᕈᑎᓂᑦ ᐊᒻᒪ ᐋᓐᓂᔭᐃᒃᑯᑎᓂᑦ.  ᑭᓇᑐᐃᓐᓇᑦᑎᐊᖅ ᐃᓱᒫᓘᑎᖃᕐᓂᕈᓂ ᐅᕝᕙᓘᓐᓃᑦ ᐅᖃᐅᓯᖃᕈᒪᓐᓂᕈᓂ ᓱᕋᐃᔾᔭᖕᖒᕆᔭᒥᓂᒃ ᒪᓕᒐᕐᓂᑦ ᐅᖄᓚᒍᓐᓇᖅᑐᑦ ᑐᐊᕕᕐᓇᖅᑐᓂᑦ ᑭᐅᔨᓄᑦ ᐅᕗᖓ 979−5650.

 

ᑕᒫᓂᖅᑭᕙᑦᑐᑦ ᕿᒻᒥᑦ

ᖃᐅᔨᒪᒋᐊᓕᒃ: ᐃᖅᑲᓇᐃᔮᒥᓂᒃ ᐊᐅᓚᑦᑎᓪᓗᐊᐸᒻᒪᑕ ᐱᒋᐊᖅᑐᑎᒃ ᐅᓪᓛᒃᑯᑦ 9−ᒥ 5−ᒧᓄᑦ ᐅᓐᓄᓴᒃᑯᑦ ᓇᒡᒋᔾᔭᐅᒥᑦ ᑕᓪᓕᒥᕐᒧᑦ, ᑖᒃᑯᐊ ᐃᑲᕐᕋᐃᑦ ᓯᓚᑖᓂ ᐅᖄᓚᕕᑦᓴᐅᖏᑲᐃᓐᓇᖅᑐᖅ ᒫᓐᓇᒃᑯᑦ ᐊᓯᐊᒍᑦ ᓇᓗᓇᐃᕐᓯᓚᐅᖏᓐᓂᖏᓐᓂ.  ᐆᒪᔪᓂᑦ ᐊᑲᐅᖏᓕᐅᕈᑎᖃᖅᑐᑦ ᖃᐅᔨᒋᐊᖅᑕᐅᕙᓐᓂᐊᖅᑐᖅ ᖃᐅᖓᓂ ᐅᖄᓚᔪᖃᓚᐅᖅᑎᓪᓗᒍ ᐃᖅᑲᓇᐃᔭᓕᖅᐸᑕ, ᓂᐱᖃᓗᐊᖅᑐᓂᑦ ᐅᖃᐅᓯᖃᕈᒪᔪᑦ ᐃᑲᕐᕋᐃᑦ ᓯᓚᑎᖏᓐᓂ ᐱᒋᐊᕐᓯᒪᓪᓗᑎᒃ 10−ᒥ ᐅᓐᓄᒃᑯᑦ ᐅᓪᓛᒧᓄᑦ 7−ᒧᓄᑦ ᐅᖄᓚᖁᔭᐅᑐᐃᓐᓇᕆᐊᓖᑦ ᐸᓖᓯᒃᑯᓐᓄᑦ.

ᐃᓚᒋᔭᐅᓗᑎᒃ ᒪᓕᒐᕋᓛᓕᕆᔨᒃᑯᑦ ᐊᑐᓕᖅᑎᑦᑎᔾᔪᑎᖏᓐᓄᑦ ᓯᑎᒃᑯᑦ ᐊᒻᒪ ᓄᓇᕗᑦ ᐆᒪᔪᓕᕆᓂᕐᒧᑦ ᒪᓕᒐᖏᓐᓂᑦ, ᑕᒫᓂᖅᑭᔪᑦ ᕿᒻᒦᑦ ᑎᒍᔭᐅᕙᑦᑐᑦ ᐊᒻᒪ ᓯᑎᒃᑯᑦ ᕿᒻᒥᒃᑯᕕᖓᓅᕈᔾᔭᐅᓗᑎᒃ.  ᖃᓄᖅᑑᐸᑦᑐᑦ ᖃᐅᔨᓇᓱᐊᖅᑐᑎᒃ ᐆᒪᔪᖁᑎᓕᓐᓂᑦ ᐃᓗᖏᓐᓂ 72 ᐃᑲᕐᕋᐃᑦ ᕿᒻᒥᖅ ᑎᒍᔭᐅᓚᐅᖅᑎᓪᓗᒍ.  ᕿᒻᒦᕐᓯᓯᒪᒍᕕᑦ, ᖃᐅᔨᒋᐊᖁᔭᐅᔪᑎᑦ ᑐᐊᕕᕐᓇᖅᑐᓕᕆᔨᒃᑯᑦ ᑭᐅᔨᖏᓐᓄᑦ 979−5650.  ᕿᒻᒦᑦ ᑎᒍᔭᐅᔪᑦ ᓯᑎᒃᑯᑦ ᐃᕿᐊᖅᑭᕕᖏᓐᓄᑦ ᓴᖅᑭᖅᑕᐅᕙᓐᓂᐊᖅᑐᑦ ᐊᒻᒪᑦᑕᐅᖅ ᐊᓯᖏᓐᓄᑦ ᑭᒃᑯᑐᐃᓐᓇᕐᓄᑦ ᑐᓴᕋᑦᓴᓕᕆᔨᓄᑦ (ᕙᐃᔅᐳᒃ) ᑎᒍᓯᒐᐃᒍᑎᒃ ᕿᒻᒥᒥᒃ.  ᐆᒪᔪᓂᑦ ᓇᓪᓕᒍᓱᑦᑏᑦ ᐱᓕᕆᖃᑎᒌᓐᓇᐸᑦᑕᕗᑦ ᐃᓄᑦᓴᓯᐅᖅᑐᒋᑦ ᕿᒻᒦᑦ ᖃᐃᑕᐅᕙᑦᑐᑦ ᐃᓄᖃᖅᑑᔮᖏᑦᑐᑦ.

ᐆᒪᔪᖁᑏᑦ ᖃᓂᒪᒍᓂ ᐋᓐᓂᕐᓯᒪᒍᓂᓘᓐᓃᑦ, ᖃᐅᔨᒋᐊᕆᐊᓖᑦ ᐅᑯᐊ NunaVet Animal Hospital ᐅᕗᖓ 979−1181

 

ᓂᐲᑦ ᐊᒻᒪ ᐸᕝᕕᓇᖅᑐᑦ

ᓂᐱᖃᓗᐊᖅᑎᓪᓗᒍ ᐸᕝᕕᓇᕈᓐᓇᖅᑐᖅ ᖃᓂᒋᔭᑦᓯᓃᑦᑐᓄᑦ ᑭᒃᑯᑐᐃᓐᓇᕐᓄᑦ.  ᓂᐱᖃᓗᐊᕈᓐᓇᖅᑐᓄᑦ ᐱᖃᑕᐅᔪᑦ ᕿᒻᒦᑦ ᕿᓗᑦᑐᑦ, ᓄᓇᒃᑰᔫᖅᐸᓗᒃ, ᐹᑎᖅᑐᑦ ᐊᖏᕐᕋᒥᓐᓂ ᐃᓄᒋᐊᖅᑐᑎᒃ ᐊᒻᒪ ᓴᓇᔪᑦ.  ᐃᓪᓗᖃᕐᓂᖅ ᖃᓂᑦᓴᖅᑐᒥᑦ ᐊᓯᒥᑦ ᐃᓅᖃᑎᓂᑦ ᑐᑭᖃᖅᑐᖅ ᐃᑉᐱᒍᓱᑦᑎᐊᐸᓐᓂᖅ ᓂᐱᓄᑦ ᒪᓕᒐᕋᓛᕐᒥᑦ ᑎᑎᕋᕐᓯᒪᔪᖃᖅᑐᒥᑦ ᓂᐱᖃᓗᐊᕆᐊᖃᖕᖏᒻᒪᑦ ᐃᑲᕐᕋᓂ ᐱᒋᐊᕐᓯᒪᔪᓂᑦ 10−ᒥᑦ ᐅᓐᓄᒃᑯᑦ 7−ᒧᓄᑦ ᐅᓪᓛᒧᑦ.  ᓂᐱᖃᓗᐊᖅᑐᖃᓕᕐᓂᖅᐸᑦ ᑖᒃᑯᓇᓂ ᐃᑲᕐᕋᓂ ᐊᑭᓖᑎᑕᐅᔪᓐᓇᖅᑐᑦ ᒪᓕᑦᑐᒋᑦ ᑎᑎᕋᕐᓯᒪᔪᑦ ᐅᕙᓂ ᓂᐱᓄᑦ ᒪᓕᒐᕋᓛᕐᒥ Noise By-law.

 

ᖃᐅᔨᒋᐊᕐᕕᑦᓴᑦ

ᑐᐊᕕᕐᓇᖅᑐᓂᑦ ᐱᔨᑦᓯᕋᖅᑏᑦ ᑭᐅᔨᖓᑦ (24 ᐃᑲᕐᕋᖏᑦ ᒪᑐᐃᖓᐃᓐᓇᖅᑐᑦ)
ᐅᖄᓚᐅᑎᖓ: (867) 979-5650

municipalenforcement@iqaluit.ca

ᐊᖏᔪᖅᑳᖓᑦ ᒪᓕᒐᕋᓛᓕᕆᔨᒃᑯᑦ
ᐅᖄᓚᐅᑎᖓ: (867) 979-5674

ᐃᖅᑲᓇᐃᔭᖅᑎᖃᖕᖏᑦᑐᖅ - ᓄᓇᓕᓐᓂ ᒪᓕᒐᕋᓛᓕᕆᓂᕐᒥᑦ ᑲᒪᔨ
ᐅᖄᓚᐅᑎᖓ: (867) 979-5671
 

ᓄᓇᓕᓐᓂ ᒪᓕᒐᕋᓛᓕᕆᓂᕐᒥᑦ ᑲᒪᔨ
ᐅᖄᓚᐅᑎᖓ: (867) 979-5670

ᓄᓇᓕᓐᓂ ᒪᓕᒐᕋᓛᓕᕆᓂᕐᒥᑦ ᑲᒪᔨ
ᐅᖄᓚᐅᑎᖓ: (867) 979-5672

ᓄᓇᓕᓐᓂ ᒪᓕᒐᕋᓛᓕᕆᓂᕐᒥᑦ ᑲᒪᔨ
ᐅᖄᓚᐅᑎᖓ: (867) 979-5613